Abalamuzi 1:33 - Baibuli Ekibono kya Katonda 2014

³³ Ab'ekika kya Nafutali tibaabinga batyamye ba mu bibuga bino: Bethi Shemeshi, ni Bethanathi. Kale ab'ekika kya Nafutali abo, baasigala nga bakaali ghalala n'abatyamye abo Abakanaani aye baabakakanga okubakolera emirimo.

Abalamuzi 1:33 ပူးပေါင်းရင်းမြစ်များ

Zabbuli 18:24

Musengwa Katonda kyava n'ansasula ng'ajiira ku butuufu bwange, era ng'ajiira ku ky'okuba nti nzira musango mu maiso ge.

Yoshua 15:10

Nga bw'etuuka e Baala eja ng'ekyezungulula, yaakibita e bugwandhuba yaatuuka ku lusozi Seiri, yeeyongerayo yatuuka ku lusozi Yearimu, ng'ekyo ni Kesaloni, yaalubita ku luuyi lwalwo olw'omukono omugooda olw'e buvandhuba. Agho yaaja yatuuka e Bethi Shemeshi, era yaabita ku Timuna,

Abalamuzi 1:30

Ab'ekika kya Zebuluni tibaabinga batyamye ba mu bibuga, Kituroni ni Nahaloli. Kale Abakanaani baasigala nga bakaali ghalala nabo: aye bale baabakakanga okubakolera emirimo.

Abalamuzi 1:32

Kale ab'ekika kya Asheri abo, baasigala nga bakaali ghalala n'abatyamye abo Abakanaani, kuba tibaababingamu.

Abalamuzi 1:34

Abamori baasindiikiriza ab'ekika kya Dani, baabairirizaayo mu kiketezo eky'oku nsozi, baaloba kubaganha kwika mu kiketezo eky'oku museetwe.

Abalamuzi 1:35

Kale Abamori abo beeyongera okuba mu Aiyaloni, ni mu Shaalabimu, ni ku lusozi Heresi. Aye ab'ekika kya Efuraimu n'ekya Manasse baabafuganga, era baabakakanga okubakolera emirimo.