Abalamuzi 1:27 - Baibuli Ekibono kya Katonda 2014

²⁷ Ab'ekika kya Manasse tibaabinga batyamye ba mu bibuga bino: Bethi Sheani, ni Tanaka, ni Dori, ni Ibuleamu, ni Megiddo. Era tibaabinga batyamye ba mu byalo ebyezungulwire ebibuga ebyo. Kale Abakanaani baasigala nga bakaaba mu bibuga omwo.

Abalamuzi 1:27 ပူးပေါင်းရင်းမြစ်များ

1 Bakyabazinga 9:21

Abaidhukulu b'abantu abo, Abaisiraeli be bataaghanga kuzikiriza, Solomoni be yakozesanga emirimo egy'olukako egy'obwiru. Era abo n'abakaagikola ni ye buli eno.

2 Bakyabazinga 23:29

Mu biseera bye ng'akaali kyabazinga, kyabazinga Neko ow'e Misiri yaidha n'eigye okubeeraku kyabazinga w'e Assiria kumpi n'omwiga Eufurate. Agho kyabazinga Yosia yaaja okumulwanisa. Neko bwe yabona Yosia, yaamwitira e Megiddo.

2 Bakyabazinga 9:27

Ahazia kyabazinga wa Buyudaaya bwe yabona ebibairegho, yaalumukira mu kigaali kye eky'omu lutalo ng'agemye engira eja e Bethi Haggani. Yehu yaamubingirira, era yaakoba abasaadha be ati: “N'oyo yeena mumufumite.” Baamufumitira mu kigaali kye eky'omu lutalo, ere ng'oniinaniina Guri ekiri okumpi ni Ibuleamu. Yaalumukira e Megiddo yaafiira eyo.

Okuvaayo 23:32

Otakolanga na bantu abo ndagaano, oba okugikola n'emisambwa gyaibwe.

Yeremia 48:10

“Omuntu atakola mulimo gwa Musengwa Katonda na mwoyo mulala akolimirwe! N'oyo alobera empiima ye okwita akolimirwe!”

Amateeka Agokubiri 7:2

Musengwa Katonda waimwe bw'alita abantu abo mu ngalo dhaimwe ni mu baghangula, muteekwa okubasaaniagho boonaboona. Mutakolanga nabo ndagaano waire ndala eti, era mutabagemerwanga kivunika naire.

Yoshua 21:25

Era baagheebwa ebibuga bibiri nga bitoolebwa ku Bamanasse ab'e bugwandhuba nga ni bino: Taanaki, ni Gathirimmoni, n'ebiketezo ebibyezungulwire omuli eisubi ery'okwayirangamu.

Abalamuzi 1:1

Agho Yoshua ng'amaze okufa, Abaisiraeli baabuuza Musengwa Katonda bati: “Kika ki ekibe kisooke okuja okulumba Abakanaani okubalwanisa?”

Abalamuzi 1:21

Aye ab'ekika kya Benjamini tibaaghanga kubinga Bayebusi be baayagaana nga n'ababa mu Yerusalemu. Era ni ye buli eno Abayebusi baba mu Yerusalemu ghalala n'Ababenjamini.

Abalamuzi 1:26

Omusaadha oyo yaaja mu nsi ey'Abahitti, yaazimbayo ekibuga, yaakituuma eriina Luzi. Era bakaakyeta eriina eryo okutuusa ni mpegaano.

Abalamuzi 1:28

Abaisiraeli ni bwe beeyongera okuba ab'amaani tibaabingamu Bakanaani boonaboona kubamalamu aye baabakakanga bwa kubakolera mirimo.

Abalamuzi 5:19

Bakyabazinga baidha baalwana, bakyabazinga ab'e Kanaani baalwanira e Tanaka ku maadhi g'e Megiddo, aye baaloba kufunayo munhago gwa mpiiya.

1 Samueli 15:9

Aye Saulo n'abalwani be baasaasira Agagi baaloba kumwita. Era baalekagho entaama n'ente empiite ensavu, n'entaama entototo, n'ebintu ebindi eby'omugaso, baaloba kubizikiriza. Ebintu ebindi bye bataabonamu kalungi oba omugaso baabizikiriza.

1 Samueli 31:10

Baata eby'okulwanisa bya Saulo mu isabo ly'omusambwa omukazi Ashitarothi, era baakomerera omulambo gwe ku kimante ky'ekibuga Bethi Shani.