Abalamuzi 1:20 - Baibuli Ekibono kya Katonda 2014

²⁰ Agho ekibuga Heburoni kyagheebwa Kalebu, nga Musa bwe yalagira. Kalebu yaabingamu abaidhukulu abaava mu baana ba Anaki abasatu.

Abalamuzi 1:20 ပူးပေါင်းရင်းမြစ်များ

Okubala 13:22

Baaniinaniina baingira mu kiketezo ekikalukalu eky'oku luuyi olw'omukono omusaadha olw'e buvandhuba, baaja baatuuka e Heburoni. Eyo n'eyali ab'ekika kya Ahimani n'ab'ekika kya Sheshai n'ab'ekika kya Talumai, baidhukulu ba Anaki. Heburoni ekyo, n'ekyasooka okuzimbibwa ghaabitagho emyaka musanvu, memale Zoani kyazimbibwa mu Misiri.

Okubala 14:24

Aye olw'okuba omugheereza wange Kalebu ali n'omwoyo ogw'endhawulo, era nga aneesigira irala mu bwidhuvu, ndidha kumwingiza mu nsi ye yakeeta. Era baidhukulu be n'abaliba beene nsi eyo.

Amateeka Agokubiri 1:36

okutoolaku Kalebu mutabane wa Yefunne. Oyo n'aligingiramu. Era mwene n'abaana be, ndibagha ensi ye yalambuula. Kuba yasigala nga mwesigwa ye ndi mu byonabyona.’

Yoshua 10:36

Ebyo bwe byawa, Yoshua n'abasaadha be abalwani boonaboona, baava e Eguloni baaja baalumba ekibuga Heburoni ekyali mu biketezo eby'ensozi.

Yoshua 11:21

Mu kiseera ekyo, Yoshua yaja yaazikiriza olulyo olw'abantu abawaigufu abaayetebwanga Abanaki, abaabanga mu bibuga Heburoni, Debiri, Anabu, ni mu biketezo byonabyona eby'ensozi eby'omu Buyudaaya ni mu Isiraeli. Yoshua yabazikiriza boonaboona n'ebibuga byaibwe.

Yoshua 14:15

Ng'ekyo kikaali kubaagho Heburoni kyayetebwanga kibuga kya Araba. Araba nga n'asinga bukologho mu bantu abawaigufu abaayetebwanga Abanaki. Olwo ensi yaafunaku akalembereza, entalo dhaasiriikiriramu.

Abalamuzi 1:10

Agho baaja, baalumba Abakanaani abaabanga mu kibuga Heburoni, ekyayetebwangaku Kiriathi Araba, era eyo baaghangulirayo abantu bano: ab'ekika kya Sheshai, n'ab'ekya Ahimani, n'ab'ekya Talumai.