Abaheburayi 9:9 - Baibuli Ekibono kya Katonda 2014

⁹ Ako kaali kamanhiso bumanhiso ak'ebyo ebirigho buti, kuba mu nkola eno ebirabo n'emisengo ebyagheebwangayo tibyasobolanga kutukuza mwoyo gw'oyo aba aidhie okusinza.

Abaheburayi 9:9 ပူးပေါင်းရင်းမြစ်များ

Ab'e Roma 5:14

Aye okuviira irala ku Adamu okutuukiza irala ku Musa, okufa kwafuga abantu boonaboona ng'omwo mw'otwaliire abataayonoona ng'oti ni Adamu eyadheemera Katonda. Adamu yali afaananaku n'oyo eyali aja okwidha.

Ab'e Galatia 3:21

Tukobe tuti Amateeka gakontana n'ebisuubizo bya Katonda? Busa naire. Kuba nguli abantu baagheebwa Amateeka agasobola okuleeta obulamu, nguli mu kutuukiriza bye galagira n'omuva obutuukirivu.

Abaheburayi 10:11

Buli lunaku bakabona bairamu okughaayo emisengo miraala egyo egitaghanga kutoolagho bibi.

Abaheburayi 11:19

Aburahamu yamanha nga Katonda asobola okuzuukiza abafu kyaba ng'oti Katonda yamwiriza Isaaka ng'ali ng'aviire mu bafu.

Abaheburayi 5:1

Kiisi Mukulu wa Bakabona alondebwa mu bantu, era ateebwagho okugheereza Katonda ku lwaibwe. Aghaayo ebigheebwayo, n'emisengo ye Katonda olw'ebibi byaibwe.

Abaheburayi 7:11

Abantu ba Isiraeli baagheebwa amateeka nga gajiira ku bwakabona bwa Levi. Mperaano nguli omulimo gwa bakabona ba Levi gwali gutuukiriziibwa, tikyandyetaagiisaayo kabona wundi kwidha atali ng'oti ni Aaroni, aye ali ng'oti ni Melekizedeki.

Abaheburayi 8:4

Nguli yali ku nsi tiyandibaire kabona naire, kuba ghaligho bakabona abaghaayo ebirabo ng'Amateeka bwe galagira.

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.

1 Petero 3:21

Amaadhi ago gafaanana n'okubatizibwa okubalokola buti. Okubatizibwa okwo, ti n'okunaazaaku eiko ku mubiri, aye n'okweghemba Katonda atughe omwoyo omunaabuufu olw'okuzuukira kwa Yesu Kurisito.