Abaheburayi 9:7 - Baibuli Ekibono kya Katonda 2014

⁷ Aye mu Weema ey'omunda mwajangamu Omukulu wa Bakabona yenka, ng'angiramu omukuzi mulala buli mwaka, era ng'ateekwa okutwalayo omusaayi gw'aghaayo ku lulwe ni ku lw'ebyonoono eby'abantu bye bakola mu butamanha.

Abaheburayi 9:7 ပူးပေါင်းရင်းမြစ်များ

2 Samueli 6:7

Agho Musengwa Katonda yaamutumbukizaaku obusungu bwe ng'oti muliro, yaamwitiragho olw'okwetulinkiriza n'agema ku Sanduuku eyo. Uzza oyo yaafiira agho gha mbali gh'Esanduuku ya Katonda.

2 Ebyomubyanda 33:9

Aye Manasse yaasendasenda abantu b'omu Buyudaaya n'ab'omu Yerusalemu, yaabaleetera okukola ebibi okusinga n'abantu abamaghanga agandi bye baakola, Musengwa Katonda be yazikiriza ng'Abaisiraeli bali kumpi okutuuka yo.

Zabbuli 19:12

Naani asobola okubona ensobi dhe mwene? Wo Musengwa Katonda, nsonigha ebisobyo bye ngwamu nga tiidhi.

Zabbuli 95:10

Abantu abo baamala emyaka amakumi ana (40) nga banguuda ku mwoyo, bansina. Naakoba nti, ‘Abantu bano badheemu okuviira irala mu myoyo gyaibwe, era amateeka gange tibagajiiraku naire.’

Okuvaayo 30:10

alutaari eyo eidha kutukuzibwanga omukuzi mulala buli mwaka, aghazira kulekera ense n'ense. Aaroni aidha kugitukuzanga ng'akozesa omusaayi oguva ku nsolo enaagheebwangayo olw'ebibi, yaaguta ku bintu ebiri ng'oti mayiga ga nsolo ebiri ku alutaari eyo. Alutaari eyo eidha kubanga ntukuvu inho era nga yange nze Musengwa Katonda.”

Isaia 28:7

Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 3:12

Abantu bange batuntuzibwa abaana obwana, era abakazi obukazi baabafufunkiriza. Imwe abantu bange, bwenebwene abakulembeze baimwe babakiidhamya, baabaleetera okudaaliima.

Isaia 9:16

Abakulembeze ab'abantu bano babakiidhamya bukiidhamye, era baabaleetera okudaaliimira irala.

Hosea 4:12

Beebuuza ku bintu ebyakolebwa mu muti obuti. Omwigo obwigo n'ogubakobera bye benda okumanha. Bali ng'oti mukazi mwenzi: banvaaku nze Katonda waibwe, baadaaliima, baaja baasinza bakatonda abandi.

Abalevi 16:34

Eiteeka eryo munaalikuumanga enaku dhoonadhoona, nga mutaagho omukolo ogw'okutukuza, omukuzi mulala buli mwaka, olw'okutoola ku Baisiraeli ebibi byaibwe.” Musa yaakola nga Musengwa Katonda bweyamulagira.

Abalevi 5:18

Anaaleetanga eri musengwa entaama enume, oba embuzi eziraku kikyamu kyonakyona ng'eviire mu kisibo kye, yaagighaayo ebe ekigheebwayo ng'omutango. Omughendo ogw'empiiya oguja mu nsolo eyo, gunaabalirirwanga mu mbalirira entongole ey'omu isinzizo. Kabona anaaghangayo omusengo olw'ebibi omuntu oyo bye yakola nga tagendereire, era omuntu oyo yaasoniyibwa.

Amosi 2:14

Waire abalumusi einho mu imwe, embiro dhija kubabula, n'ab'amaani amangi gaja kubawaamu, n'abalwani ab'amaani einho tibaja kusobola kwewonia beene.

Okubala 15:25

Agho kabona akolanga omukolo ogw'okutoolebwaku ebibi, olw'Abaisiraeli boonaboona okusoniyibwanga, kuba ekisobyo ekyo tikyali kigenderere ate nga bandeeteire nze Musengwa Katonda ekigheebwayo kyaibwe ekyokebwa n'ekigheebwayo olw'ebibi, olw'ekisobyo kyaibwe ekyo.

Ab'Efeso 4:18

Emyoyo gyaibwe giidhwire nzikiiza. Bazira mugabo mu bya bulamu Katonda bw'agaba, kuba baidhwire obutamanha, era emyoyo gyaibwe mikalangafu.

Abaheburayi 10:3

Aye mu misengo muno mulimu okwidhusibwa ebibi buli mwaka

Abaheburayi 6:19

Eisuubi eryo ni lye tuli nalyo, era n'erinhwekeza irala emyoyo gyaife ng'oti n'ekizito ekyemereza eryato bwe kinhweza eryato. Eisuubi eryo liziramu kutya era ikakafu. Era lingirira irala mu kifo ekitukuvu ekiri einhuma w'olutimbe.

Abaheburayi 7:27

Tali ng'abakulu ba bakabona abandi abali n'okughaayo buli lunaku emisengo, okusooka olw'ebibi byaibwe beene ate kabiri n'olw'ebibi eby'abantu abandi. Yaghaayo omusengo omukuzi mulala guti gwamala, bwe yeeghaayo mwene ng'omusengo.

Abaheburayi 9:3

Einhuma ew'olutimbe olwokubiri yaliyo ekiketezo ekindi ekyetebwa Ekifo Ekitukuvu Einho.