Abaheburayi 9:4 - Baibuli Ekibono kya Katonda 2014

⁴ Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

Abaheburayi 9:4 ပူးပေါင်းရင်းမြစ်များ

1 Bakyabazinga 7:50

ebikopo, makansu edhisala ebisiriiza ku ntambi, ebibya, ebintu bye bataaku obubbaani, ebintu eby'okutwaliraku amanda agaliku omuliro, pata edh'endhigi edh'omu Kifo Ekitukuvu Einho n'edh'endhigi edh'eisinzizo edh'okuliya. Ebintu ebyo byonabyona byali bya zaabu.

1 Bakyabazinga 8:21

naalitaamu ekifo ekibaamu Sanduuku y'Endagaano, endagaano eyo Musengwa Katonda ye yakola ni badhaadha baife, bwe yabatoola mu nsi Misiri.”

1 Bakyabazinga 8:9

Mu Sanduuku ey'Endagaano eyo timwalimu kintu kindi, okutoolaku ebibaadho by'amabaale ebibiri, Musa bye yagitaamu ku lusozi Sinai, Musengwa Katonda bwe yakola endagaano n'Abaisiraeli nga baviire mu nsi Misiri.

2 Ebyomubyanda 5:10

Mu Sanduuku ey'Endagaano eyo timwalimu kintu kindi, okutoolaku ebibaadho by'amabaale ebibiri, Musa bye yagitaamu ku lusozi Sinai, Musengwa Katonda bwe yakola endagaano n'Abaisiraeli nga baviire mu nsi Misiri.

Okuvaayo 26:33

Bw'omala okusiba olutimbe ku mpango eina n'obusumaali, oidha kuleeta esanduuku erimu ekiidhukizo ogite mu lutimbe omwo. Olutimbe olwo lube nga lwawula Ekifo Ekitukuvu Einho ku Kifo Ekitukuvu.

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Okuvaayo 32:15

Agho Musa yaakyusa yaaserengeta ng'ava ku lusozi, yaika n'ebibaadho ebibiri eby'amabaale ng'abigemye mu ngalo dhe. Ebibaadho ebyo byali nga bighandiikiibwaku amateeka ku ndhuyi dhaabyo dhombi.

Okuvaayo 34:29

Agho Musa yaaniinuka okuva ku lusozi Sinai, ng'ali n'ebibaadho ebibiri eby'amabaale ebiriku amateeka. Oluwutu olw'omu maiso ge lwali luli kumesunkana olw'okwogera ni Katonda, aye mwene yali taidhi.

Okuvaayo 37:25

Era yaakola alutaari mu mbaawo edh'omuti ogwetebwa akasia ey'okuniokezangaku obubbaani. Ng'endhuyi dhaayo eina dhaagayaga obuleeyi sentimita amakumi ana na itaanu (45), n'obugazi sentimita amakumi ana na itaanu. Obugungumavu bwayo nga buli sentimita kyenda. Yaakoleraku ebintu ebiri ng'oti mayiga ga nsolo, byaba nga byegemye ni alutaari eyo ghalala nga tibyawukaine.

Okuvaayo 39:35

Era baamuleetera Esanduuku ey'Endagaano, n'emiti egy'okugibbeedesa, n'ekisandikiza kyayo.

Okuvaayo 40:3

Mwidha kutaamu Esanduuku ey'Endagaano, era mugikingirize n'olutimbe olwawula Ekifo Ekitukuvu Einho ku Kifo Ekitukuvu.

Abalevi 16:12

anaatoolanga ekiniokezebwaku obubbaani ekiidhwire amanda ag'omuliro g'atoire ku alutaari mu maiso ga Musengwa Katonda, n'emiganda ebiri egy'obubbaani obw'akawoowo obusekwirwa einho, yaabireeta munda mw'olutimbe.

Okubala 17:10

Musengwa Katonda yaakoba Musa ati: “Izaayo omwigo gw'Aaroni gha mberi w'Esanduuku ey'Endagaano, gukumirwe agho ng'akamanhiso eri abadheemu, nti baidha kufa bwe batalekera agho kuneemuluguunhizanga.”

Okubala 17:5

Omwigo ogw'omuntu ye nnaalonda gwidha kusibuka. Mu nsambo eyo ndidha kulekeza Abaisiraeli okukwemuluguunhizanga.”

Okubala 17:8

Ku lunaku olwairirira, Musa bweyaja mu Weema eyo, yaabona ng'omwigo gw'Aaroni ogw'ab'ekika kya Levi gusibwike, gwaleeta amakaba, gwamulisa ebimuli, era gwataaku ebibala ebyetebwa alumondi ebyenvu.

Amateeka Agokubiri 9:11

Kale ni enaku edho amakumi ana, omusana n'obwire, bwe dhaawaaku, Musengwa Katonda yampa ebibaadho ebibiri eby'amabaale, bye yaghandiikaku endagaano.

Amateeka Agokubiri 9:9

Nze naniina olusozi okugheebwa ebibaadho eby'amabaale ebyaghandiikibwaku endagaano Musengwa Katonda ye yakola n'imwe. Naasigalayo okumala enaku amakumi ana, omusana n'obwire, nga tirya mere waire okunhwa amaadhi.

Okwolekebwa 11:19

Eisinzizo lya Katonda ery'omu igulu lyaigulwagho n'Esanduuku ey'Endagaano ye, yaaboneka mu isinzizo omwo. Agho ghaabaagho okumyansa okw'eigulu, n'okududumuka, n'okutyabuka okw'olukuba, n'ensi okutengeeta, n'omugozi omungi.

Okwolekebwa 8:3

Ghaidhagho malaika owundi, yaayemerera gh'alutaari ng'ali n'ekiniokezebwaku obubbaani ekya zaabu, era yaagheebwa obubbaani kamaala abuyimbe n'okusaba kw'abatuukirivu ku alutaari eya zaabu eri gha mberi gh'ekityamo.