Abaheburayi 9:14 - Baibuli Ekibono kya Katonda 2014

¹⁴ Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

Abaheburayi 9:14 ပူးပေါင်းရင်းမြစ်များ

2 Samueli 4:11

Memale obwo imwe abantu ababi mutyo, abajiire ni mwita Ishiboshethi omuntu aziraku musango mu buliri bwe, mudhuuba muti tiibavunaane kusingagho ni mbazikiriza kuva ku nsi?”

2 Bakyabazinga 19:16

Wo Musengwa Katonda lingirira obone ebitutuuseeku, era otege kutu owulire ebibono Sennakeribu by'agheereiza okukuvuma, iwe Katonda omulamu.

Yobu 15:16

Memale olwo aghanga atya okwesiga omuntu omwonoonefu era atagasa, eyeededa ebyonoono ng'oti yeededa maadhi!”

Zabbuli 51:2

Nnaaliza irala omaleku embiidhabiidha, era ontukuze nveeku ebibi!

Okuvaayo 12:5

Entaama oba embuzi ye muba musazeegho okwita, eteekwa kuba nga nume ey'omwaka omulala era ng'eziraku kikyamu kyonakyona.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 53:9

Baamuta mu magombe ghalala n'ababi, baamuziika ghalala n'abakombe. Ate nga yali taizangaku musango, waire okwogera ekibono eky'obuguya.”

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yeremia 10:10

Aye iwe Musengwa Katonda, niiwe Katonda mwenemwene, niiwe Katonda omulamu era kyabazinga ow'ebyanda n'ebyanda. Bw'osungughala ensi etengeeta, era amaghanga goonagoona tigasobola kugumira kiruyi kyo.

Ezekieli 45:18

Agho Musengwa Katonda yaakoba ati: “Ku lunaku olusooka, mu mwezi ogusooka, mwidha kutoolanga ente enume entototo era eziraku kikyamu kyonakyona, mugigheeyo olw'okutukuza eisinzizo.

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Abalevi 22:20

Mutaghangayo kintu kyonakyona ekiriku ekikyamu, kuba Musengwa Katonda taja kukisiima.

Okubala 28:11

“Ku lunaku olusooka olwa buli mwezi, mwidha kughangayo eri nze Musengwa ekigheebwayo ekyokebwa, nga kirimu bino: ente enume ento ibiri, entaama enume enkulu ndala, n'entaama ento enume musanvu edh'omwaka omwaka omulala omulala, nga byonabyona biziraku kikyamu kyonakyona.

Okubala 28:3

Era bakobe oti, kino n'ekigheebwayo ekyokebwa kye munaaghangayo ye Musengwa: entaama enume ibiri edh'omwaka omulala omulala edhiziraku kikyamu kyonakyona dhibenga ekigheebwayo ekya buli lunaku.

Okubala 28:9

“Ku lunaku lwa Sabbato mwidha kughangayo entaama enume ibiri edh'omwaka omulala omulala, nga dhiziraku kikyamu kyonakyona. Era mwidha kughangayo ekigheebwayo kyaku eky'emere ey'empeke, nga kya kilo ibiri edh'obuwunga obuseereibwa obukalamu nga butabwirwamu omuzigo. Era mughengayo n'ekigheebwayo ekijiiraku eky'ebyokunhwa.

Matayo 12:28

Aye, oba nga emizimu emibi ngibinga na buyinza bwa Mwoyo wa Katonda, Obwakyabazinga bwa Katonda butuuse mu imwe.

Matayo 16:16

Simoni Petero yaamwiramu ati: “Niiwe Kurisito Omwana wa Katonda omulamu.”

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Matayo 7:11

Kale, oba nga imwe ababi mwidhi okugha abaana baimwe ebirabo ebirungi, Iseimwe ali mu igulu talisingagho inho okugha ebirungi abamusaba?

Luka 1:74

Nga tumaze okununulwa mu mikono egy'abazigu baife, tumugheereze aghazira kutya

Luka 12:24

Kale bw'odhuuba amakoova: Tigasiga waire okukungula, gazira kyagi waire eiterekero ery'ensambo eyindi lyonalyona, ate nga Katonda agafunisa emere. Aye imwe timuli ba mughendo okusinga enhonhi?

Luka 12:28

Kale oba Katonda avaaza atyo eisubi obusubi eriba olwaleero mu nimiro ate enkyo ni lisuulibwa ku kikoomi memale mbo talisingagho kuvaaza imwe abali n'okwikiriza okutono?

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Ebikolwa by'Abatume 1:2

okutuusa ku lunaku lwe yatwalibwa mu igulu, ng'amaze okugha Abatume be yali alonze ebiragiro ku bwa Mwoyo Mutukuvu.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 14:15

“Basaadha imwe, lwaki mukola ebyo? Twena tuli bantu buntu nga imwe. Tubaleeteire Amawulire Amalungi, musobole okuleka ebyo ebitaganhula, mwire ye Katonda omulamu eyakola eigulu, n'ensi, n'enhandha ni byonabyona ebibirimu.

Ebikolwa by'Abatume 15:9

Tiyataagho ndhawulo ghagati waife nabo, kuba yayamula emyoyo gyaibwe na kwikiriza.

Ab'e Roma 1:20

Kasookanga ensi etondebwa, embeera ye etaboneka, era n'obukumu bwe obutawaagho, n'Obwakatonda bwe, bibonekera irala bukalamu nga bimanhikira mu bintu bye yatonda. Kale bazira kya kuwoza naire.

Ab'e Roma 1:4

aye mu butukuvu obuva mu Bwakatonda bwe, bwe yazuukizibwa mu bafu, yaboneka ng'ali n'amaani mangi ng'Omwana wa Katonda.

Ab'e Roma 11:12

Oba nga okwonoona okw'Abaisiraeli kwagheesa ensi yoonayoona emikisa, era oba nga obunafu bwaibwe buleetera abamaghanga agandi emikisa mingi, kale boonaboona bwe balingira mu kulokolebwa emikisa giryaga gha!

Ab'e Roma 11:24

Oba nga iwe olusaga olw'omuti omwoliva ogw'omu nsiko, wawogolwa waateebwa ku muti omwoliva ogw'omu nimiro kw'otaatonderwa, memale ensaga edhaatonderwa ku muti ogwo tidhirisingagho kuba nhangu okwizibwa ku muti gwadho gwene?

Ab'e Roma 6:13

Timughangayo bitundu bya mibiri gyaimwe y'ekibi okubikozesa mu kwonoona. Aye mweghengayo ye Katonda oti n'abantu abaviire mu kufa ni baira mu bulamu, era mwegheereyo irala ye Katonda abakozesenga ebikolwa eby'obutuufu.

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

1 Ab'e Korintho 15:45

Kyaghandiikibwa kiti: “Adamu omuntu eyasooka yatondebwa yaaba n'obulamu” aye Adamu ow'enkomerero yafuuka omwoyo ogugaba obulamu.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

Ab'e Galatia 2:19

Kuba nze, mu Mateeka ntwalibwa nga ndi mufu, nga ndhitibwa Amateeka olwo mbe omulamu eri Katonda. Naitirwa ghalala ni Kurisito ku musalaba gwe,

Ab'Efeso 2:5

waire twali tufiiriire mu bibi byaife, yatwizaamu obulamu ghalala ni Kurisito. Mwalokolebwa lwa kisa kya Katonda.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Amateeka Agokubiri 15:21

Aye ensolo edho bwe dhinaabangaku ekikyamu, nga nema, oba nga ntulu, oba nga dhiriku ekikyamu ekindi kyonakyona, timuudhighengayo eri Musengwa Katonda waimwe.

Amateeka Agokubiri 17:1

“Mutaghangayo musengo ye Musengwa Katonda waimwe, ogw'ente oba entaama eriku ekikyamu, oba eriku akantu koonakoona akatali kalungi; kuba ekyo kiba kyenhinhalwa ye Musengwa Katonda.

Amateeka Agokubiri 31:27

Ndidhi bukalamu nga bwe bali abadheemu era ab'empwitu. Kuba oba nga badheemera Musengwa Katonda mpegaano nga nkaali mulamu, memale olwo tibalisinzaagho kumudheemera nga mmaze okufa?

Amateeka Agokubiri 33:27

Katonda ow'ebyanda n'ebyanda, n'omukuumi waimwe. Emikono gye egy'olubeerera n'egibagemerera. Aidha kubinganga abazigu baimwe mu nsi, nga muli kumpi okutuukayo. Olwo aidha kubakobanga ati, ‘Mubasaaniegho boonaboona.’

Amateeka Agokubiri 5:26

Naani mu bantu boonaboona, eyaali awuliireku amamiro ga Katonda omulamu ng'ali kwogera mu muliro ghagati, nga ife bwe tuwuliire, aye omuntu oyo n'asigala ng'akaali mulamu?

1 Ab'e Thessalonika 1:9

kuba abantu abo beene bwe baba batughayaku bakoba nga bwe mwatusangaalira einho bwe twali mu imwe. Era nga bwe mwakyuka okuva ku bisinzibwa ebitali Katonda ni mwira ku kugheereza Katonda mwene omulamu.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

1 Timotheo 3:15

Aye bwenaaba nga ndwire, bino binaakumanhisa bwetugwaine okwebisa nga bwe tuli abantu ba Katonda, ekyo nga n'Ekikunsu eky'Abaikiriza mu Kurisito ekya Katonda omulamu, era ng'ekyo n'empango n'omusingi ogw'amazima.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 10:10

Twatukuzibwa, kuba Yesu Kurisito yakola ekyo Katonda kye yayenda bwe yaghaayo omubiri gwe omukuzi omulala guti nga gumala.

Abaheburayi 10:12

Aye Kurisito yaghaayo omusengo mulala gwonka olw'ebibi, memale yaatyama ku luuyi olw'omukono omusaadha ogwa Katonda y'ali ebyanda n'ebyanda.

Abaheburayi 10:2

Nguli gaali gasobola okubafuula abatuukiriire, nguli emisengo tigikaagheebwayo kuba abagighaayo bandibaire nga baafuulibwa ira abatuukiriire omukuzi mulala, era nga tibakaawulira mule musango lwa kibi.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Abaheburayi 11:21

Okwikiriza n'okwaleetera Yakobo, bwe yali ng'ali kumpi okufa, okusabira abaana ba Yosefu mulala mulala babe ba nkabi, ng'akotaime ku mwigo gwe era ng'asinza Katonda.

Abaheburayi 13:12

Kale Yesu yeena kyeyava n'adaazibwadaazibwa ku luya kw'ekibuga, aghange okutukuza abantu n'omusaayi gwe.

Abaheburayi 3:12

Kale aboluganda, mwegendereze ghalobe kubaagho naire mulala ku imwe aba na mwoyo mubi era ogutaikiriza, n'ava ku Katonda omulamu.

Abaheburayi 6:1

Kale ni ka tuleke ebyo bye twasookeraku okwega ebigema ku Kurisito, tuje mu maiso n'ebikulu. Titugwaine kabiri kwiramu kutaagho musingi buyaaka nga tubeegeresa okusooka okulekayo ebyo ebiziramu muganhulo bye mwakolanga, memale mutoolere okwikiriza Katonda.

Abaheburayi 7:16

ataafuuka kabona lwa mateeka ga buzaaliranwa, aye olw'amaani ag'obulamu obutakoma.

Abaheburayi 7:27

Tali ng'abakulu ba bakabona abandi abali n'okughaayo buli lunaku emisengo, okusooka olw'ebibi byaibwe beene ate kabiri n'olw'ebibi eby'abantu abandi. Yaghaayo omusengo omukuzi mulala guti gwamala, bwe yeeghaayo mwene ng'omusengo.

Abaheburayi 9:12

Yangira mu Kifo Ekitukuvu Einho omukuzi mulala guti gwamala, nga tatwalayo musaayi gwa mbuzi na nte nto ng'omusengo, aye ng'atwala omusaayi gwe mwene olw'okutufunira okununulibwa okutawaagho.

Abaheburayi 9:26

Kuba nguli kyali kityo, Kurisito yandibaire ng'ali n'okudaagadaaga emikuzi kamaala kasookanga ensi etondebwe. Aye mu byanda bino ebisembayo yaboneka omukuzi mulala guti nga gumala, atoolegho ekibi olw'okweghaayo mwene.

Abaheburayi 9:7

Aye mu Weema ey'omunda mwajangamu Omukulu wa Bakabona yenka, ng'angiramu omukuzi mulala buli mwaka, era ng'ateekwa okutwalayo omusaayi gw'aghaayo ku lulwe ni ku lw'ebyonoono eby'abantu bye bakola mu butamanha.

Abaheburayi 9:9

Ako kaali kamanhiso bumanhiso ak'ebyo ebirigho buti, kuba mu nkola eno ebirabo n'emisengo ebyagheebwangayo tibyasobolanga kutukuza mwoyo gw'oyo aba aidhie okusinza.

1 Petero 1:19

Kyali omusaayi gwa Kurisito ogw'omughendo einho, ali ng'oti n'entaama ento eziraku kamogo waire kimyamya.

1 Petero 2:22

Mpaagho kibi kye yakola, waire ekibono kyonakyona eky'obuguya okumuva mu kanwa.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

1 Petero 4:2

Olwo ekiseera ky'amala ng'akaali mu mubiri, yaaba nga takaafugibwa kwegomba kwa mubiri okutoolaku okufugibwa Katonda by'ayenda.

1 Yoanne 1:7

Aye bwe tutambulira mu butangaavu ng'oyo bw'ali mu butangaavu, tuba twisania ife beene na beene era n'omusaayi gwa Yesu Omwana we gutunaazaku ebibi byonabyona.

1 Yoanne 3:5

Mwidhi nga Kurisito yaidha okutoolagho ebibi era mu oyo muzira kibi.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”