Abaheburayi 9:12 - Baibuli Ekibono kya Katonda 2014

¹² Yangira mu Kifo Ekitukuvu Einho omukuzi mulala guti gwamala, nga tatwalayo musaayi gwa mbuzi na nte nto ng'omusengo, aye ng'atwala omusaayi gwe mwene olw'okutufunira okununulibwa okutawaagho.

Abaheburayi 9:12 ပူးပေါင်းရင်းမြစ်များ

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Abalevi 16:15

“Agho anaitanga embuzi ey'abantu ey'ekigheebwayo olw'ebibi, yaatwala omusaayi gwayo munda mw'olutimbe, yaagumansira ku kisandikiza eky'Esanduuku ey'Endagaano, ni mu maiso ag'esanduuku eyo, nga bw'akola ku musaayi gw'ente enume.

Abalevi 4:3

Omukulu wa Bakabona bw'anaabanga nga n'akoze ekibi, mu nsambo eyo n'aleeta ku bantu omusango, aidha kughangayo eri Musengwa Katonda olw'ekibi kye, ente enume entototo ng'eziraku kikyamu kyonakyona.

Abalevi 8:2

“Twala Aaroni ni batabane be, otwale n'ebivaalo, n'omuzigo ogusiigibwa, n'ente ey'ekigheebwayo olw'ebibi, n'entaama enume eibiri, n'ekiibo ekirimu emigaati egitazimbulukusiibwa.

Abalevi 9:15

Aaroni bweyamala ebyo, yaaleeta ekigheebwayo eky'abantu: yaatoola embuzi ey'ekigheebwayo olw'ebibi, yaagiita era yaagighaayo olw'ebibi by'abantu ng'oti ni bweyakola ng'aghaayo olw'ebibi bye.

Zekaria 3:9

Bona, nja kuta mu maiso ga Yoshua eibaale nga liriku endhuyi musanvu, nditoneku n'ekighandiiko. Era nditoolagho ekibi eky'ensi eno mu lunaku lulala luti lwonka.

Mariko 3:29

Aye, alivuma Mwoyo Mutukuvu, oyo talisoniyibwa ebyanda n'ebyanda, aliba n'ekibi ekitawaagho.”

Luka 1:68

“Musengwa Katonda wa Isiraeli asaakibwe, kuba akyaliire abantu be era yaabanunula.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,

Ab'e Kolosai 1:14

Mu oyo mwe tufunira okununulibwa era n'okusoniyibwa ebibi.

1 Ab'e Thessalonika 1:10

Era n'okulindirira Omwana we Yesu okuva mu igulu oyo ye yazuukiza okuva mu bafu, atuwonia ekiruyi kya Katonda ekiri kwidha.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 10:19

Kale aboluganda, mperaano tusobola okwingira mu Kifo Ekitukuvu Einho, nga tuzira kutya kuba Yesu yafa ku lwaife.

Abaheburayi 10:4

kuba omusaayi gw'ente enume n'ogw'embuzi tigusobola kutoolagho bibi.

Abaheburayi 13:12

Kale Yesu yeena kyeyava n'adaazibwadaazibwa ku luya kw'ekibuga, aghange okutukuza abantu n'omusaayi gwe.

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

Abaheburayi 7:27

Tali ng'abakulu ba bakabona abandi abali n'okughaayo buli lunaku emisengo, okusooka olw'ebibi byaibwe beene ate kabiri n'olw'ebibi eby'abantu abandi. Yaghaayo omusengo omukuzi mulala guti gwamala, bwe yeeghaayo mwene ng'omusengo.

Abaheburayi 9:13

Omusaayi ogw'embuzi, n'ogw'ente enume, n'eivu ery'ente enduusi, bwe bimansirwa ku abo abatali balongoofu bibatukuza baaba balongoofu mu by'oku ngulu.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

Abaheburayi 9:15

Kale ni Kurisito n'akwania endagaano empyaka, abo abaasuubizibwa ebirungi ebitawaagho babifune. Kuba yafa, yaanunula abantu mu bibi byaibwe bye baakolanga nga bakaafugibwa endagaano eyasooka.

Abaheburayi 9:19

Musa bwe yamala okukobera abantu ebiragiro byonabyona ebiri mu Mateeka, yatoola omusaayi ogw'ente ento n'ogw'embuzi, ghalala n'amaadhi, n'obuviiri bw'entaama obwa kasaayisaayi, n'akati akeetebwa hissopu, yaamansira ku kitabo ni ku bantu boonaboona,

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

Abaheburayi 9:7

Aye mu Weema ey'omunda mwajangamu Omukulu wa Bakabona yenka, ng'angiramu omukuzi mulala buli mwaka, era ng'ateekwa okutwalayo omusaayi gw'aghaayo ku lulwe ni ku lw'ebyonoono eby'abantu bye bakola mu butamanha.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.