Abaheburayi 8:9 - Baibuli Ekibono kya Katonda 2014

⁹ Teriba oti n'endagaano ye nakola ni badhaadha baibwe, ku lunaku lwe nabagema ku mukono okubatoola mu nsi Misiri; kuba tibaakalangukira ku ndagaano ye nakola nabo. Zeena kyenava ni ndekayo okubafaaku.

Abaheburayi 8:9 ပူးပေါင်းရင်းမြစ်များ

Amainhama 19:16

Aye Loti yaalwa. Kale abasaadha kye baava bamugema ku mukono ni mukazi we era ni baghala be bombi, ni babafulumya era ni babata kuliya kw'ekibuga; kuba Musengwa Katonda yamugemerwa ekivunika.

Yobu 8:20

Aye Katonda talekulira agho bantu baziraku musango, ate tayamba bakozi ba bibi.

Zabbuli 105:43

Kale yaatoola abantu be mu nsi omwo nga basangaavu, abantu be abo be yeerondera baavaamu nga bemba.

Zabbuli 77:20

Wabisa abantu bo ku maadhi ng'omwayi bw'atambuza ebyayo bye, ng'okozesa Musa ni Aaroni.

Zabbuli 78:57

baamughemukira ng'oti ni badhaadha baibwe bwe baalekera okuba abeesigwa nga tibeesigika ng'oti n'akalaso akeghetamu.

Okuvaayo 32:8

Amangu gano baviire ku biragiro bye nabagha. Baasaanuusiiza zaabu, beekolera ekifaananie eky'ente ento enume era baakisinza, baakigha omusengo nga bakoba mbu, ‘Isiraeli, ono ni katonda wo eyakutoola mu Misiri!’

Okuvaayo 34:10

Musengwa Katonda yaakoba Musa ati: “Bona eno, buti ndi kukola n'imwe endagaano. Ndidha kukola ebyewuunhio ng'abantu bo boonaboona babona, ebyewuunhio ebitakolwangaku mu ighanga lyonalyona mu nsi yoonayoona. Abantu boonaboona balikibona ekyo kye nja okukola, kuba kye nja okukola mu imwe kiriba kitiisa.

Olwembo 8:5

Naani oyo ali kwidha ng'aviira mu irungu, nga bagemagaine n'omugonzi we? Nasiikuula okugonza kwo nga ndi ghansi agh'omuti ogw'ebibala, agho mu kifo inhoko ghe yali mu kulumwa ng'akuzaala.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 41:13

Nze Musengwa Katonda wo ninze nkugha amaani, era ninze ndi kukukoba nti, ‘Otatya, ndidha kuyamba.’

Isaia 51:18

Mu baana boonaboona be wazaala, muziramu waire omulala ati akukulemberamu; mu bantu bo abo boonaboona be wakuza, muziramu waire omulala ati akugema ku mukono.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Yeremia 31:32

Teriba ng'oti n'ere ye nakola ni badhaadha baibwe, lwe nabagema ku mukono ni mbatoola e Misiri kuba waire nga nze nali Musengwa Katonda waibwe, aye era tibaakuuma ndagaano eyo

Okulira 4:16

Musengwa mwene yabasansaania, nga takaabafaaku, nga takaata mu bakabona kitiisa, era nga takaagemerwa bakulembeze kivunika.

Ezekieli 16:59

Musengwa Katonda era akoba ati: “Bwenebwene ndikubisa nga bw'ogwaniire, olw'okunhoomoola kye weeyama n'omenha endagaano.

Ezekieli 16:8

“Kabiri bwe nali ndi kubitagho nti naakubona ng'otuusiiza ekiseera eky'okufumbirwa. Agho naakughembaku ekivaalo kyange waalekera okuba amadu. Bwenebwene naakusuubiza okukufumbirwa era naamala naakola n'iwe endagaano ey'okufumbiraganwa, waafuuka wange.” Musengwa Katonda atyo bw'akoba.

Amosi 5:22

Ni bwe mumpa ebigheebwayo ebyokebwa, n'ebigheebwayo eby'emere ey'empeke, tiidha kubisiima. Ni bwe mulireeta ensolo dhaimwe empiite ensavu, ni mudhighaayo ng'ebigheebwayo olw'okutabagana, tija kubiringaku naire.

Malaki 2:13

Ekindi kye mukola ni kino: Muboza alutaari ya Musengwa Katonda n'amaziga ge mulira nga muwowoola, olw'okuba ebigheebwayo bye mumuleetera takaabisiima waire okubiringaku.

Mariko 8:23

Yaagema omutulu ku mukono, yaamutoola mu kibuga. Era ng'amaze okumufuudha ku maiso n'okumugemaku, yaamubuuza oba ng'aliku ni ky'abona.

Ebikolwa by'Abatume 13:11

Aye mperaano bona eno, Musengwa akusonseemu olwala, oidha kuba mutulu nga tobona ndhuba okumala entangama.” Mangu ago ekifu n'enzikiiza byamugwa ku maiso, yaaghaamanta ng'ayagala ow'okumugema ku mukono.

Ebikolwa by'Abatume 7:36

Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).

Ebikolwa by'Abatume 9:8

Saulo yaasituka okuva ghansi, yaakanula amaiso aye nga tasobola kubona. Baamugema ku mukono, baamutwala mu Damasiko.

Ab'e Galatia 4:24

Amakulu ga bino gali nga ga lufumo: Abakazi abo bombi obageza ku ndagaano eibiri. Owundi ava ku lusozi Sinai yaazaala abaana abairu, era oyo nga ni Hagari.

Amateeka Agokubiri 29:1

Eno n'endagaano Musengwa Katonda ye yalagira Musa okukola n'Abaisiraeli mu nsi Moabu, ng'eyongerwa ku ndagaano Musengwa Katonda ye yakola nabo ku lusozi Sinai.

Amateeka Agokubiri 29:12

Mwidhie okuba mu ndagaano ya Musengwa Katonda waimwe y'ali kukola n'imwe olwaleero, erimu okulayira okugituukiriza.

Amateeka Agokubiri 29:25

Abantu baidhanga kwiramu bati, ‘Lwa kuba baamenha endagaano ya Musengwa Katonda wa badhaadha baibwe, ye yakola nabo bwe yabatoola mu Misiri.