Abaheburayi 8:6 - Baibuli Ekibono kya Katonda 2014

⁶ Aye mperaano Kurisito yagheebwa obugheereza obusinga einho obw'abo, era ng'oti n'endagaano y'alimu ng'akwania bw'esinga ere eyasooka, kuba yakolebwa nga by'esuubiza n'ebisinga.

Abaheburayi 8:6 ပူးပေါင်းရင်းမြစ်များ

Yeremia 50:5

Balibuuza engira eja e Sioni, era baasimba mu ngira eyo nga bakoba bati, ‘Mwidhe tweyimbe ku Musengwa Katonda, tukole naye endagaano ey'ebyanda n'ebyanda, ye tutaja kumenhagho naire.’

Luka 22:20

Mu nsambo n'endala yatoola ekikopo nga bamaze okulya yaakoba ati: “Ekikopo kino n'endagaano ya Katonda empyaka ekolebwa n'omusaayi gwange ogufukibwa ku lwaimwe.]

Ab'e Roma 9:4

Bano n'Abaisiraeli abaafuna omukisa okufuuka abaana ba Katonda, ni bagabana ku kitiisa kye, n'akola nabo endagaano, n'abagha Amateeka, n'ensambo ey'okusinzangamu, era n'ebisuubizo.

Ab'Efeso 2:12

Olwo mwali muzira kye mwidhi ku Kurisito, nga muli ba ndha era nga timubalibwa mu ba ighanga lya Isiraeli. Era mwali muzira mugabo mu bisuubizo ebiri mu ndagaano dha Katonda. Mwali mu nsi nga muzira kye musuubira, era nga muzira Katonda.

1 Timotheo 2:5

kuba ghaligho Katonda mulala ati, era oyo agemagania abantu ni Katonda ali mulala, n'oyo Omuntu Kurisito Yesu.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Abaheburayi 12:24

Mwidhie ye Yesu eyakwania endagaano empyaka. Mwidhie y'omusaayi ogumansirwa, ogwogera ebikalamu okusinga ogwa Abeli.

Abaheburayi 7:22

Kino kifuula Yesu okugha obweyamo okubona ng'endagaano esinga bukalamu etuukirizibwa.

2 Petero 1:4

Muno mwe yatugheera emikisa gye emingi era egy'omughendo gye yasuubiza, olwo imwe musobole okuwona okuzikirira okuva mu kwegomba okw'omubiri nga mubita mu mikisa egyo, era mugabane ku bwakatonda bwe.