Abaheburayi 8:5 - Baibuli Ekibono kya Katonda 2014

⁵ Omulimo gwe bakola nga bakabona gwefaanaanirizaaku bwefaanaanirize, era kinsense bunsense eky'ebyo ebikolebwa mu igulu; kuba ni Musa bwe yali ng'aja okutaagho eweema, Katonda yamulagira ati: “Bona nti byonabyona obikola ng'ojiira ku ekyo ekyakulagibwa ku lusozi.”

Abaheburayi 8:5 ပူးပေါင်းရင်းမြစ်များ

1 Ebyomubyanda 28:12

Yaamugha n'entegeka ey'enzimba y'ebyo byonabyona bye yayenda okuzimbira ku isinzizo eryo: empya dhaaku, n'ebimante ebyezungulwire empya edho, n'amaterekero g'ebintu eby'okukozesanga mu isinzizo, n'ago ag'okutangamu ebintu ebigheereibwayo okuba ebya Musengwa Katonda.

1 Ebyomubyanda 28:19

Kyabazinga Daudi yaakoba ati: “Ebyo byonabyona biri mu ntegeka eyaghandiikibwa ng'ejiira ku biragiro ebyo, Musengwa Katonda mwene bye yandagira okutuukiriza.”

Okuvaayo 25:40

Era bona nti obikola mu nsambo ye ndi kukwoleka ghano ku lusozi.”

Okuvaayo 25:9

Eisinzizo lino n'ebintu byamu, biri n'okukolebwa nga bijiira ku ntegeka ye ndidha okukwoleka.”

Okuvaayo 26:30

Oidha kukola eisinzizo ng'ojiira ku ntegeka eri kukwolekebwa ku lusozi luno.

Okuvaayo 27:8

Alutaari eyo oidha kukola endhuyi dhaayo eina mu mbaawo, aye ghagati ghaayo ghasigale nga gheereere, ng'ojiira ku ntegeka eri kukwolekebwa ku lusozi luno.

Okubala 8:4

Ekikondo eky'entaala ekyo baakigheesa mu zaabu kyonakyona okuva ghaigulu ku nsaga dhaakyo okutuuka ku kikolo kyakyo, nga bajiira ku nkola Musengwa Katonda ye yayoleka Musa.

Matayo 2:12

Era nga bwe baalabulwa mu kirooto obutaira wa Herode, baagema engira eyindi okuja mu nsi ey'ewaibwe.

Ebikolwa by'Abatume 7:44

“Badhaadha baife nga bali mu irungu baali n'eweema eraga nga Katonda ali nabo. Eweema eyo yakolebwa nga Katonda bwe yakoba Musa okugikola, era yagikola nga Katonda bwe yagimulaga.

Ab'e Kolosai 2:17

Ebyo byonabyona binsense bunsense eby'ebyo ebyali biri n'okubaagho mu maiso, aye ekirimu omuganhulo ni Kurisito.

Abaheburayi 10:1

Amateeka gali na kinsense bunsense eky'ebikalamu ebija okwidha, aye ti kifaananie kyabyo kyenekyene. Tigasobola kufuula abo abaidha ye Katonda kuba batuukiriire, olw'emisengo egigheebwayo buli mwaka.

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

Abaheburayi 13:10

Tuli ni alutaari abo abagheereza mu nhumba ya Katonda kwe bataikirizibwa kulya.

Abaheburayi 9:9

Ako kaali kamanhiso bumanhiso ak'ebyo ebirigho buti, kuba mu nkola eno ebirabo n'emisengo ebyagheebwangayo tibyasobolanga kutukuza mwoyo gw'oyo aba aidhie okusinza.

Yoshua 22:28

Ekyo n'ekyali ekidhuubo kyaife, tuti bweghabaagho atukoba ebibono ng'oti n'ebyo, oba abikoba baidhukulu baife mu biseera ebiidha, olwo tuliba nga tusobola okukoba tuti, ‘Bona! Badhaadha baife baazimba ekifaanana ng'oti alutaari ya Musengwa Katonda, aye nga ti kya kwokerangaku bigheebwayo oba kugheerangaku misengo, aye nga kamanhiso bumanhiso eri ife n'abantu baife, n'eri imwe n'abantu baimwe.’

Okwolekebwa 15:5

Ebyo bwe byawa, naabona eisinzizo ery'omu igulu nga liigule, era nga lirimu entindi erimu endagaano.