Abaheburayi 8:2 - Baibuli Ekibono kya Katonda 2014

² agheereza nga Kabona Omukulu mu Kifo Ekitukuvu Einho. Ekifo ekyo, ni weema yeene etaateebwagho bantu, aye eyateebwagho Musengwa.

Abaheburayi 8:2 ပူးပေါင်းရင်းမြစ်များ

Okuvaayo 25:9

Eisinzizo lino n'ebintu byamu, biri n'okukolebwa nga bijiira ku ntegeka ye ndidha okukwoleka.”

Okuvaayo 28:1

Agho Musengwa Katonda yaalagira Musa ati: “Mu bantu boonaboona Abaisiraeli oidha kulondamu Aaroni muganda wo, ni batabane, Nadabu, ni Abihu, ni Eleazari, ni Ithamari, obaawule bampeereze nga bakabona.

Okuvaayo 28:35

Ekyo n'ekivaalo Aaroni ky'aidha okubangamu ng'akola egy'obwakabona, era okuvuga okw'endege kwidha kuwulirwanga ng'angira mu Kifo Ekitukuvu mu maiso gange, era ni bw'anaabanga ng'afuluma, memale alobe kufa.”

Okuvaayo 33:7

Mperaano buli Abaisiraeli ghe baasimbanga weema dhaibwe, nga Musa ataagho eweema nga yeeswireku akata okuva agho. Eweema eyo ng'agyeta Eweema ey'Okwagaananirangamu ni Musengwa Katonda. Era kiisi eyayendanga okwebuuza ku Musengwa Katonda ng'aja ye Weema eyo.

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

Ab'e Roma 15:8

Ka mbakobere, Kurisito yafuuka omugheereza w'abayudaaya, ayoleke nga Katonda bw'ali omwesigwa, era atuukirize ebisuubizo Katonda bye yasuubiza badhaadha baife,

2 Ab'e Korintho 5:1

Kuba twidhi ng'entindi yaife eno ey'oku nsi ye tulimu, omubiri guno gwe tulimu, bw'erisansulwa, Katonda alitugha endhu mu igulu etawaagho etaazimbwa bantu.

Ab'e Kolosai 2:11

Era mu Kurisito oyo mwakeketebwa, ti n'okukeketebwa kuno okukolebwa abantu, aye n'okukeketebwa kwa Kurisito okuleetera omuntu okuva mu kufugibwa ekibi.

Abaheburayi 10:11

Buli lunaku bakabona bairamu okughaayo emisengo miraala egyo egitaghanga kutoolagho bibi.

Abaheburayi 10:21

Nga bwe tuli ni kabona omukulu, akulira enhumba ya Katonda,

Abaheburayi 11:10

Kuba Aburahamu yali ali kwesumba ekibuga Katonda kye yategeka era kye yazimba, ekiri n'omusingi omugumu.

Abaheburayi 9:1

Endagaano eyasooka yoona yabanga n'amateeka agaakolerwangaku mu kusinza, era yabanga n'ekifo ekitukuvu ku nsi kuno.

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.