Abaheburayi 8:13 - Baibuli Ekibono kya Katonda 2014

¹³ Katonda bw'ayogera ku ndagaano empyaka aba akairiya eyo eyasooka era ekyo ekikula ni kikairigha, kiba kiri kumpi okuwaagho.

Abaheburayi 8:13 ပူးပေါင်းရင်းမြစ်များ

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Matayo 24:35

Eigulu n'ensi biriwaagho aye ebibono byange tibiriwaagho.

Luka 22:20

Mu nsambo n'endala yatoola ekikopo nga bamaze okulya yaakoba ati: “Ekikopo kino n'endagaano ya Katonda empyaka ekolebwa n'omusaayi gwange ogufukibwa ku lwaimwe.]

1 Ab'e Korintho 13:8

Eby'obulanzi birikoma, okwogera mu nnimi kulikoma, n'okumanha kulikoma, aye okugonza tikuliwaagho.

2 Ab'e Korintho 3:6

Oyo n'eyatusobozesa okuba abagheereza ab'endagaano empyaka, etali ya mateeka maghandiike aye ey'amateeka aga Mwoyo. Amateeka amaghandiike galeeta kufa, aye Mwoyo aleeta bulamu.

2 Ab'e Korintho 5:17

Agho ni buli muntu aba mu Kurisito aba kitonde kiyaaka, ekikaire kivaagho ekiyaaka kyaidha.

Abaheburayi 1:11

Ebyo biriwaagho, aye iwe olisigalagho ebyanda n'ebyanda era byonabyona birikairigha ng'oti bivaalo.

Abaheburayi 12:24

Mwidhie ye Yesu eyakwania endagaano empyaka. Mwidhie y'omusaayi ogumansirwa, ogwogera ebikalamu okusinga ogwa Abeli.

Abaheburayi 7:22

Kino kifuula Yesu okugha obweyamo okubona ng'endagaano esinga bukalamu etuukirizibwa.

Abaheburayi 8:6

Aye mperaano Kurisito yagheebwa obugheereza obusinga einho obw'abo, era ng'oti n'endagaano y'alimu ng'akwania bw'esinga ere eyasooka, kuba yakolebwa nga by'esuubiza n'ebisinga.

Abaheburayi 8:8

Kuba Katonda anenia abantu be ng'akoba ati: “Musengwa akoba ati ekiseera kiri kwidha, mwe ndikolera endagaano empyaka n'abantu ba Isiraeli, era n'abantu ba Yuda

Abaheburayi 9:15

Kale ni Kurisito n'akwania endagaano empyaka, abo abaasuubizibwa ebirungi ebitawaagho babifune. Kuba yafa, yaanunula abantu mu bibi byaibwe bye baakolanga nga bakaafugibwa endagaano eyasooka.