Abaheburayi 7:6 - Baibuli Ekibono kya Katonda 2014

⁶ Aye Melekizedeki ono, ataali wa lulyo lwaibwe, yatoola ku Aburahamu ekintu kirala kirala ku buli bintu ikumi Aburahamu bye yanhaga era yaamugha enkabi, ate nga Aburahamu yali amaze okusuubizibwa Katonda.

Abaheburayi 7:6 ပူးပေါင်းရင်းမြစ်များ

Amainhama 12:13

Kale iwe oidha kubakoba oti oli mwanhinaze, memale olwo mbisibwe bukalamu era mpone okwitibwa ku lulwo.”

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Ebikolwa by'Abatume 3:25

Niimwe abaana ab'abalanzi era ab'endagaano Katonda ye yakola ni badhaadha baife ng'ekoba Aburahamu eti ‘Mu izaire lyo amaghanga goonagoona mwe galifunira enkabi.’

Ab'e Roma 4:13

Katonda yasuubiza Aburahamu n'eizaire lye okubagha ensi. Ekisuubizo kino kyagheebwa Aburahamu ti lwa kuba nga yali agema Amateeka, aye olw'okwikiriza, Katonda yamubala okuba omutuukirivu.

Ab'e Roma 9:4

Bano n'Abaisiraeli abaafuna omukisa okufuuka abaana ba Katonda, ni bagabana ku kitiisa kye, n'akola nabo endagaano, n'abagha Amateeka, n'ensambo ey'okusinzangamu, era n'ebisuubizo.

Ab'e Galatia 3:16

Ebisuubizo byasuubizibwa Aburahamu ni mwidhukulu we. Ebyaghandiikibwa tibikoba “baidhukulu” ekitegeeza abantu abangi, aye “mwidhukulu” ekitegeeza omuntu omulala yenka era nga ni Kurisito.

Abaheburayi 11:13

Abo boonaboona baafiira mu kwikiriza nga bakaali kufuna ebyo Katonda bye yabasuubiza, aye nga babirengerera ghala era nga babisangaalira, era nga baatula nga bwe baali abavaghala era abanoonia obubudamo ku nsi kuno.

Abaheburayi 11:17

Okwikiriza n'okwasobozesa Aburahamu, Katonda bwe yamuleba, okughaayo Isaaka omwana we omulala ati bedengedenge abe omusengo. Aburahamu oyo, Katonda yali amaze okumusuubiza ati:

Abaheburayi 7:1

Melekizedeki ono yali kyabazinga wa Salemu era kabona wa Katonda Ali Ghaigulu Yeene. Bwe yayagaanana ni Aburahamu nga Aburahamu ava mu lutalo mwe yaitira bakyabazinga, Melekizedeki ono yaamugha enkabi.

Abaheburayi 7:7

Kimanhiibwa bukalamu ng'omukulu n'agha omuto enkabi.