Abaheburayi 7:2 - Baibuli Ekibono kya Katonda 2014

² Aburahamu yaamugha ekintu kirala kirala ku buli ikumi, ku bintu byonabyona bye yali anhaze. Okusooka, eriina Melekizedeki litegeeza, “Kyabazinga ow'obutuufu.” Ate kuba yali kyabazinga wa Salemu, eriina lye era litegeeza, “Kyabazinga ow'emiraala.”

Abaheburayi 7:2 ပူးပေါင်းရင်းမြစ်များ

Amainhama 28:22

Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

2 Samueli 23:3

Katonda wa Isiraeli yayogera, oyo olubaale lwa Isiraeli olw'okwewogomamu yankoba ati: Omuntu bw'afuga abantu ng'asala mu butuufu, n'afuga ng'atya Katonda,

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

1 Ebyomubyanda 22:9

Aye olizaala omwana mulenzi yaaba muntu wa miraala, kuba ndimugha emiraala yaaloba kulumbibwa bazigu be ku ndhuyi dhoonadhoona. Olimutuuma eriina Solomoni, kuba mu bufuzi bwe ndigha ensi Isiraeli okuba emiraala n'okutebenkera.

Zabbuli 72:7

Abantu abatuufu beeyongerenga okwala mu nnaku dhe, abantu babenga mu miraala okutuusa omwezi lwe guliwaagho.

Abalevi 27:32

Ku buli nsolo ikumi enfuge, endala enaabanga ya Musengwa Katonda. Ensolo dhaimwe, ka dhibe ente oba entaama oba embuzi, bwe dhinaabanga nga dhiri kubalibwa, ku buli ikumi munaatoolangaku ndala yaaba ya Musengwa Katonda.

Mika 5:5

Kino kija kuleetagho emiraala. Ab'e Assiria bwe balitulumba, ni baghagula ebifo byaife ebigumu bye twesiga, tuja kusindika abakulembeze ab'amaani babalwanise.

Okubala 18:21

Era Musengwa Katonda yaakoba ati: “Abalevi mbaghaire ekintu kirala kirala ku buli bintu eikumi Abaisiraeli kye bampa, gube omugabo gwaibwe olw'okusasulira obugheereza bwe bakola mu Weema ey'Okwagaananirangamu ni Musengwa Katonda.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Luka 2:14

“Ekitiisa kibe ye Katonda eyo ghaigulu yeene, n'emiraala gibe ku nsi ku bantu be b'agonza.”

Ab'e Roma 3:26

Aye mu biseera bino, abonereza abantu olw'ebibi byaibwe olw'okwoleka obutuukirivu bwe era nga bw'agha obutuukirivu buli muntu aikiriza Yesu.

Abaheburayi 7:1

Melekizedeki ono yali kyabazinga wa Salemu era kabona wa Katonda Ali Ghaigulu Yeene. Bwe yayagaanana ni Aburahamu nga Aburahamu ava mu lutalo mwe yaitira bakyabazinga, Melekizedeki ono yaamugha enkabi.

Abaheburayi 7:3

Aziraku ise oba inhina oba badhaadha be. Aziraku lunaku lwe yazaalibwa oba lwe yafiiraku. Aye okwefaanaanirizaaku n'Omwana wa Katonda, aba kabona wa byanda na byanda.

1 Samueli 8:15

Aidha kutoolanga ekitundu kirala kirala ku buli bitundu ikumi eby'emere yaimwe ey'empeke, era atoolenga n'ekitundu kirala ku buli bitundu ikumi eby'ebibala byaimwe eby'emizabbibu, abighe abakungu be n'abagheereza be.

1 Samueli 8:17

Aidha kutwalanga ensolo ndala ku buli nsolo dhaimwe eikumi dhe munaayayanga, era mwidha kubanga bairu be.