Abaheburayi 7:19 - Baibuli Ekibono kya Katonda 2014

¹⁹ kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.

Abaheburayi 7:19 ပူးပေါင်းရင်းမြစ်များ

Zabbuli 73:28

Aye nze nkibona nga kikalamu inho okuba ni Katonda, era nasalagho Musengwa Katonda abe omukuumi wange, olwo nkoberenga abantu byonabyona by'akola.

Okulira 3:57

Bwe nakulirira waseeta kumpi ninze era wankoba oti, ‘Otatya.’

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Ebikolwa by'Abatume 13:39

Mu oyo, omuntu yeenayeena aikiriza atukuzibwa.

Ab'e Roma 5:2

Ku lulwe twafuna okusaasirwa kwa Katonda kuno kwe tulimu, era tusagamba nga twesunga okugabana ku kitiisa kya Katonda.

Ab'e Roma 7:7

Kale tukobe tutya? Tukobe tuti Amateeka kibi? Busa naire, kuba Amateeka n'agaamanhisa ekibi. Tyandimanhie ng'okwegomba kubi, ngoli Amateeka tigaakoba gati: “Tiweegombanga.”

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

Ab'e Galatia 2:16

Aye twidhi ng'omuntu abalibwa okuba omutuukirivu lwa kuba na kwikiriza mu Yesu Kurisito, aye ti lwa kukola nga Mateeka bwe galagira. N'ife twena twali n'okwikiriza mu Kurisito Yesu, olwo tubalibwe okuba abatuukirivu lwa kwikiriza Kurisito aye ti lwa kukola ng'Amateeka bwe galagira. Ghazira abalibwa kuba mutuukirivu lwa kukola ebyo amateeka bye galagira.

Ab'e Galatia 3:21

Tukobe tuti Amateeka gakontana n'ebisuubizo bya Katonda? Busa naire. Kuba nguli abantu baagheebwa Amateeka agasobola okuleeta obulamu, nguli mu kutuukiriza bye galagira n'omuva obutuukirivu.

Ab'e Galatia 3:24

Kale Amateeka gaatukuumanga ng'omukuza okutuusa Kurisito lwe yaidha olwo tugheebwe okuba abatuukirivu olw'okwikiriza.

Ab'Efeso 3:12

Nga tubita mu Kurisito oyo, olw'okumwikiriza, tuguma twaseeta ye Katonda nga titutya.

Ab'e Kolosai 1:27

Abo Katonda be yasiima okumanhisa obukombe obw'ekitiisa obuli mu kyama ekyo, mu bamaghanga agandi. Ekyama ekyo ni Kurisito ali mu imwe era eisuubi ery'ekitiisa ekiri kwidha.

1 Timotheo 1:1

Ninze Paulo omutume wa Kurisito Yesu, olw'ekiragiro kya Katonda Omulokozi waife, n'ekya Kurisito Yesu ye tulimu n'eisuubi.

Abaheburayi 10:1

Amateeka gali na kinsense bunsense eky'ebikalamu ebija okwidha, aye ti kifaananie kyabyo kyenekyene. Tigasobola kufuula abo abaidha ye Katonda kuba batuukiriire, olw'emisengo egigheebwayo buli mwaka.

Abaheburayi 11:40

Kuba Katonda yatutegekera ekisinga obukalamu, abo balobe kufuulibwa batuukiriire okutuusa nga twena tubeeyimbyeku.

Abaheburayi 11:6

Ghazira aghanga kusiimya Katonda ng'azira kwikiriza. Kuba aja ye Katonda ateekwa okwikiriza nga Katonda aligho, era ng'agha empeera abo abamunoonia.

Abaheburayi 3:6

Aye Kurisito yali mwesigwa ng'omwana akulira enhumba ya Katonda era ife niife enhumba ya Katonda kasita tukalanguka era ni twesiimira mu kusuubira.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

Abaheburayi 7:11

Abantu ba Isiraeli baagheebwa amateeka nga gajiira ku bwakabona bwa Levi. Mperaano nguli omulimo gwa bakabona ba Levi gwali gutuukiriziibwa, tikyandyetaagiisaayo kabona wundi kwidha atali ng'oti ni Aaroni, aye ali ng'oti ni Melekizedeki.

Abaheburayi 7:20

Okwo Katonda yaayongerezaaku okulayira. Abandi baafuuka bakabona nga bazira kulayira oti n'okwo.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Abaheburayi 8:6

Aye mperaano Kurisito yagheebwa obugheereza obusinga einho obw'abo, era ng'oti n'endagaano y'alimu ng'akwania bw'esinga ere eyasooka, kuba yakolebwa nga by'esuubiza n'ebisinga.

Abaheburayi 9:9

Ako kaali kamanhiso bumanhiso ak'ebyo ebirigho buti, kuba mu nkola eno ebirabo n'emisengo ebyagheebwangayo tibyasobolanga kutukuza mwoyo gw'oyo aba aidhie okusinza.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.