Abaheburayi 7:16 - Baibuli Ekibono kya Katonda 2014

¹⁶ ataafuuka kabona lwa mateeka ga buzaaliranwa, aye olw'amaani ag'obulamu obutakoma.

Abaheburayi 7:16 ပူးပေါင်းရင်းမြစ်များ

Ab'e Roma 7:14

Twidhi nga Amateeka galigho ku lwa bya mwoyo, aye nze nfugibwa mubiri era ndi mwiru wa kibi.

Ab'e Galatia 4:3

Kityo bwe kyali n'ife, bwe twali tuli baana bato twali bairu ba misambwa gyonagyona egy'oku nsi kuno.

Ab'e Galatia 4:9

Aye mperaano nga bwe mwidhi Katonda, oba ka nkobe nga Katonda bw'abaidhi, musobola mutya kabiri okwiramu okufugibwa emisambwa egy'oku nsi kuno, eminafu era egizira kye gigasa? Mwenda kabiri mube bairu ba bintu ng'oti n'ebyo?

Ab'e Kolosai 2:14

Ng'amaze okusazaamu endagaano ey'ebitubandhibwa, ni byonabyona ebyali bitusiba mu ndagaano eyo eyali etuli obubi, yaagitoolagho yaagikomerera ku musalaba.

Ab'e Kolosai 2:20

Oba nga bwe mwafa ni Kurisito mwawona okufugibwa emizimu egifuga ensi, memale lwaki muba oti mukaali ba nsi? Lwaki muwulira ebiragiro ng'oti ni bino:

Abaheburayi 10:1

Amateeka gali na kinsense bunsense eky'ebikalamu ebija okwidha, aye ti kifaananie kyabyo kyenekyene. Tigasobola kufuula abo abaidha ye Katonda kuba batuukiriire, olw'emisengo egigheebwayo buli mwaka.

Abaheburayi 7:15

Kino kyongera okweyoleka obukalamu bweghabonekagho kabona owundi ali ng'oti ni Melekizedeki,

Abaheburayi 7:17

Kuba ebyaghandiikibwa bikoba biti: “Oli kabona ebyanda n'ebyanda ng'oti ni Melekizedeki bwe yali.”

Abaheburayi 7:21

Aye Yesu yafuuka kabona nga ghaligho ekirayiro Katonda bwe yamukoba ati: “Musengwa yalayira era talyeidhusa, ‘Oli kabona ebyanda n'ebyanda.’ ”

Abaheburayi 7:28

Amateeka gataagho abantu mu bunafu bwaibwe okuba abakulu ba bakabona, aye ekibono eky'ekirayiro ekyaidha oluvainhuma ng'Amateeka galigho, kyataagho Mwana eyafuulibwa atuukiriire ebyanda n'ebyanda.

Abaheburayi 7:3

Aziraku ise oba inhina oba badhaadha be. Aziraku lunaku lwe yazaalibwa oba lwe yafiiraku. Aye okwefaanaanirizaaku n'Omwana wa Katonda, aba kabona wa byanda na byanda.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.