Abaheburayi 7:11 - Baibuli Ekibono kya Katonda 2014

¹¹ Abantu ba Isiraeli baagheebwa amateeka nga gajiira ku bwakabona bwa Levi. Mperaano nguli omulimo gwa bakabona ba Levi gwali gutuukiriziibwa, tikyandyetaagiisaayo kabona wundi kwidha atali ng'oti ni Aaroni, aye ali ng'oti ni Melekizedeki.

Abaheburayi 7:11 ပူးပေါင်းရင်းမြစ်များ

Ab'e Galatia 2:21

Tidibya kisa kya Katonda. Aye oba omuntu asobola okubalibwa okuba omutuukirivu olw'okugema Amateeka, olwo Kurisito aba yafiira busa.

Ab'e Galatia 4:3

Kityo bwe kyali n'ife, bwe twali tuli baana bato twali bairu ba misambwa gyonagyona egy'oku nsi kuno.

Ab'e Galatia 4:9

Aye mperaano nga bwe mwidhi Katonda, oba ka nkobe nga Katonda bw'abaidhi, musobola mutya kabiri okwiramu okufugibwa emisambwa egy'oku nsi kuno, eminafu era egizira kye gigasa? Mwenda kabiri mube bairu ba bintu ng'oti n'ebyo?

Abaheburayi 5:10

era Katonda yaamufuula Omukulu wa Bakabona ng'oti ni Melekizedeki bwe yali.

Abaheburayi 5:6

Ate era akoba aghandi ati: “Iwe oli kabona ebyanda n'ebyanda, nga Melekizedeki bwe yali.”

Abaheburayi 6:20

Ku lwaife, Yesu n'eyatusooka okwingirayo era yaafuuka Omukulu wa Bakabona ow'ebyanda n'ebyanda ng'oti ni Melekizedeki bwe yali.

Abaheburayi 7:10

kuba yali ng'akaali mu mubiri gwa dhaadha we Aburahamu, Aburahamu bwe yayagaanana ni Melekizedeki.

Abaheburayi 7:12

Ekikoba nti bweghabaagho okukyuka mu bwakabona, ghateekwa okubaagho okukyuka ni mu mateeka.

Abaheburayi 7:13

Oyo ayogerwaku ebibono ebyo yava mu kika kindi omutavangaku muntu yeenayeena n'agheereza ku alutaari nga kabona.

Abaheburayi 7:15

Kino kyongera okweyoleka obukalamu bweghabonekagho kabona owundi ali ng'oti ni Melekizedeki,

Abaheburayi 7:21

Aye Yesu yafuuka kabona nga ghaligho ekirayiro Katonda bwe yamukoba ati: “Musengwa yalayira era talyeidhusa, ‘Oli kabona ebyanda n'ebyanda.’ ”

Abaheburayi 8:7

Nguli endagaano eyasooka yali ezira ky'ebulaku, tighandibaire kyendesa yakubiri.

Abaheburayi 9:6

Ebintu ebyo byonabyona nga bimaze okutegekebwa bityo, bakabona baajanga buliidho mu kiketezo eky'eweema ekituukirwamu, baakolanga eby'obwakabona.