Abaheburayi 6:9 - Baibuli Ekibono kya Katonda 2014

⁹ Bakagwa, aye ni bwe twogera tutyo, imwe tubeesiga, era twidhi nga muli n'enkabi inho okutuuka ku kulokolebwa.

Abaheburayi 6:9 ပူးပေါင်းရင်းမြစ်များ

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Mariko 16:16

Oyo aikiriza era n'abatizibwa alirokolebwa aye ataikiriza omusango gulimusinga.

Ebikolwa by'Abatume 11:18

Bwe baawulira ebyo, baawola baagha Katonda ekitiisa nga bakoba bati: “Agho ni Katonda aghaire n'abamaghanga agandi, okwenenia bafune obulamu.”

Ebikolwa by'Abatume 20:21

Naalabulanga Abayudaaya n'Abagureki bakyuke okuva mu bibi byaibwe baire ye Katonda era baikirize Musengwa Yesu Kurisito.

1 Ab'e Korintho 10:14

Kale bakagwa mutaseetanga ya kusinza bintu ebisinzibwa ebitali Katonda.

2 Ab'e Korintho 12:19

Mutaba ng'agho woonawoona mubaire mulowooza nga tuli kwewozaaku mu maiso gaimwe. Busa naire, bakagwa. Ife twogeire nga Kurisito bwe yandyenze twogere mu maiso ga Katonda olw'okubazimba.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

2 Ab'e Korintho 7:10

kuba okulumwa nga Katonda bw'ayenda, kuvaamu okwenenia omuva okulokolebwa, era tikubaamu kweidhusa. Aye okulumwa okw'ensi kuvaamu kufa.

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Abaheburayi 10:34

Mwalumirwa ghalala n'abasibe era bwe mwanhagibwaku ebyaimwe mwaguminkiriza n'eisanhu, nga mwidhi muti muli n'ekibisinga obukalamu era eky'olubeerera.

Abaheburayi 10:39

Aye ife tituli mu abo abaira einhuma ni bazikirira, aye tuli mu abo abaikiriza ni balokolebwa.

Abaheburayi 2:3

memale ife tuliwona tutya bwe tugayaalirira obulokozi obukulu obwaga agho? Obwo Musengwa mwene n'eyasooka okubulangirira, memale abo abaabuwulira, baatukakasa nga bwa mazima.

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

1 Petero 2:11

Aboluganda, nga bwe muli ababise era abanoonia obubudamo mu nsi muno, mbeeghembye mulobere irala kujiira ku mubiri bye gwegomba ebirwanisa omwoyo.

2 Petero 3:1

Bakagwa, buti eno n'embaluwa eyokubiri ye mbaghandiikiire. Mu dhombi ngeziizaaku okwiza ebidhuubo ebituufu mu myoyo gyaimwe nga mbaidhusa ebintu bino.

1 Yoanne 2:7

Bakagwa, tibaghandiikira kiragiro kiyaaka, aye ekiragiro eky'eira kye mwagheebwa ku kwinhama kwene. Ekiragiro eky'eira n'ekibono kye mwawulira.

Yuda 1:3

Bakagwa, mbairenga nhenda inho okubaghandiikira ku kulokolebwa kwaife kwe tugabanaku, aye nkyagaine nga kigwaine okubaghandiikira mbakubirize okulwanirira endhikiriza Katonda ye yagha abatuukirivu omukuzi omulala guti nga gumala.