Abaheburayi 6:2 - Baibuli Ekibono kya Katonda 2014

² Era nga tubeegeresa ebigema ku kubatizibwa okwa buli nsambo, n'ebigema ku kuteebwaku emikono, n'ebigema ku kuzuukira okw'abafu era n'ebigema ku kusalirwa omusango ogutawaagho.

Abaheburayi 6:2 ပူးပေါင်းရင်းမြစ်များ

Omulangirizi 12:14

Era Katonda aja kutusalira omusango ku byonabyona bye tukola, ka bibe ebirungi oba ebibi, nga kw'otaire n'ebyo ebikolebwa mu ngiso.

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Danieli 12:2

Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Matayo 3:14

Yoanne yaagezaaku okumulobera ng'akoba ati: “Ninze ngwaine iwe ombatize kabiri niiwe oidha ye ndi?”

Mariko 16:16

Oyo aikiriza era n'abatizibwa alirokolebwa aye ataikiriza omusango gulimusinga.

Mariko 7:4

Era nga bwe bava mu kiya, tibalya nga tibanaabye. Eriyo n'empisa edhindi kyodo dhe baali nga bajiiraku ng'okwamula amabuga, ebibya, ensugha, n'ebintu ebindi eby'ebyuma.

Mariko 7:8

“Kale muleka eiteeka lya Katonda mwagema empisa edh'abantu.”

Luka 11:38

Omufarisaayo kyamwewuunhisa inho okubona nga Yesu atyaime ku kiiwulo nga tanaabye.

Luka 12:50

Ndi n'okubatizibwa kwe nja okubatizibwamu, era kuunumya inho omwoyo, okutuusa lwe kulituukirizibwa.

Luka 14:14

olwo oliba wa nkabi, kuba bazira kye balikusasula olisasulwa ng'abatuufu bazuukira.”

Luka 3:16

Yoanne yaabakoba ati: “Bwenebwene nze mbabatiza na maadhi, aye ansinga obukumu aidha, ye ntagwaniire waire okusibulula obusibiro obw'engaito dhe. Oyo alibabatiza na Mwoyo Mutukuvu era na muliro.

Yoanne 1:33

Era nali tiidhi nti n'oyo, aye oyo eyantuma okubatiza n'amaadhi yankoba ati, ‘Y'onaabona nga Mwoyo amwikaku era ng'amusigalaku, anaaba nga n'oyo abatiza ni Mwoyo Mutukuvu.’

Yoanne 5:29

era ni bavaamu. Abo abaakolanga obulungi balizuukira okufuna obulamu ate abaakolanga obubi balizuukira baasalirwa omusango okubasinga.

Ebikolwa by'Abatume 10:47

“Abantu bano bafunie Mwoyo Mutukuvu nga ife bwe twamufuna. Naani asobola okubalobera okubatizibwa n'amaadhi?”

Ebikolwa by'Abatume 13:3

Agho bwe baamala okusiiba n'okusaba, baabaisaaku emikono, baabatuma.

Ebikolwa by'Abatume 16:15

Ono n'ab'omu ndhu ye bwe baamala okubatizibwa, yaatusaba ng'akoba ati: “Oba nga muboine nga ndhikiriza Musengwa bwenebwene, mwidhe mube ewange.” Yaatwikirizisa twaja.

Ebikolwa by'Abatume 16:33

Ku saawa yeene eyo, ey'obwire, omukuumi w'eikomera yaabatwala, yaabanhiga ebibwa, era mangu ago yaabatizibwa ghalala n'ab'omu ndhu ye boonaboona.

Ebikolwa by'Abatume 17:18

Abandi ku bakabwidhibwidhi abeetebwa Abepikuro n'Abasitoiki boona baatakana naye. Abandi baakoba bati: “Ono alabankana naki?” Abandi baakoba bati: “Ali oti ayegeresa ku bakatonda ba maghanga gandi.” Kuba yali ayegeresa ku Yesu n'okuzuukira.

Ebikolwa by'Abatume 2:38

Petero yaabakoba ati: “Mwenenie, buli muntu abatizibwe mu liina lya Yesu Kurisito, ebibi byaimwe bisoniyibwe, era mwidha kufuna ekirabo kya Mwoyo Mutukuvu

Ebikolwa by'Abatume 2:41

Abo abaasangaalira ebibono bye, baabatizibwa, era ku lunaku olwo, ku baikiriza kweyongeraku abantu ng'enkumi isatu.

Ebikolwa by'Abatume 23:6

Paulo bwe yamanha ng'abali mu lwekobaano abandi Basaddukaayo ate ng'abandi Bafarisaayo, yaayogerera ghaigulu ati: “Baganda bange, nze ndi Mufarisaayo, omwana ow'Abafarisaayo. Ndi ghano ku musango olw'eisuubi lye ndi nalyo mu kuzuukira kw'abafu.”

Ebikolwa by'Abatume 24:15

Ndi n'eisuubi mu Katonda ng'abo beene bwe bali nalyo, ng'abalungi n'ababi balizuukira.

Ebikolwa by'Abatume 24:21

Okutoolaku kino ekirala kyonka kye nakoba bwe nayemerera mu maiso gaibwe nti, ‘Ndi kuwozesebwa olwaleero olw'okwikiriza okuzuukira okw'abafu.’ ”

Ebikolwa by'Abatume 24:25

Aye Paulo bwe yayogera ku butuukirivu, ni ku muntu okufuga omubiri gwe, era ni ku lunaku olw'okusaliraku omusango, Felikisi yaatya, yaakoba ati: “Mperaano ja ndidha kufunayo ekiseera nkwetese.”

Ebikolwa by'Abatume 26:8

Lwaki timukiikiriza naire nga Katonda aghanga okuzuukiza abafu?

Ebikolwa by'Abatume 4:2

nga basungughavu inho, kuba bano baali bali kusomesa abantu nga bw'eriyo okuzuukira mu bafu, nga babakobera ku kuzuukira kwa Yesu.

Ebikolwa by'Abatume 6:6

Bano baabaleeta y'Abatume abaabasabira ni babaisaaku n'emikono.

Ab'e Roma 2:16

Era okusinziira ku Mawulire Amalungi ge nkobera abantu ku lwa Kurisito Yesu, kiti bwe kiriba ku lunaku Katonda lw'alisaliraku abantu omusango olw'ebyo bye bagisa.

1 Ab'e Korintho 10:2

Boonaboona mu kire, era ni mu nhandha baabatizibwa mu kwisa ekirala ni Musa.

1 Ab'e Korintho 12:13

Mu nsambo n'endala twenatwena, ka tube Bayudaaya, oba bamaghanga gandi, oba bairu, oba abatali bairu, Mwoyo yatubatiza mu mubiri mulala, era twenatwena twagheebwa Mwoyo mulala oyo.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Ab'e Filippi 3:21

Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.

Ab'e Kolosai 2:12

Mu kubatizibwa mwaziikibwa ghalala naye, era mwazuukizibwa ghalala naye, olw'okwikiriza kwaimwe kwe muli nakwo mu maani ga Katonda eyamuzuukiza okuva mu bafu.

2 Timotheo 2:18

abaadaaliima ni bava ku mazima nga bakoba mbu okuzuukira kwamala ira okubaagho, mu kukola batyo baakiidhamya okwikiriza kw'abantu abandi.

Abaheburayi 11:35

n'abakazi baagheebwa abantu baibwe abazuukiziibwa. Abandi tibaaganha kulekulibwa, baitibwa basobole okuzuukirira obulamu obusinga bukalamu.

Abaheburayi 9:10

Bino byakomanga ku bya ku ngulu ebigema ku kulya, ni ku kunhwa, ni ku bulombolombo obw'okwetukuza, ebyali eby'okubaagho okutuusa ku kiseera eky'okwiza ebintu byonabyona obuyaaka.

2 Petero 3:7

Era olw'ekibono kyene ekyo, eigulu n'ensi ebirigho buti Katonda abikuuma nga bya kwokebwa muliro. Abikuuma okutuusa ku lunaku olw'okusalirwaku omusango n'okuzikiriza abo abatatya Katonda.