Abaheburayi 6:16 - Baibuli Ekibono kya Katonda 2014

¹⁶ Abantu bwe baba nga balayira bakozesa eriina ly'oyo abasinga obubbede, era ole olulayira ati ng'olwo ababaire batakana balekera.

Abaheburayi 6:16 ပူးပေါင်းရင်းမြစ်များ

Amainhama 14:22

Aye Aburamu yairamu kyabazinga oyo ati: “Ndayira mu maiso ga Musengwa Katonda, oyo Katonda Ali Ghaigulu Yeene, eyakola eigulu n'ensi,

Amainhama 21:23

Kale layira mu maiso ga Katonda oyo nga toidha kunguyaguyanga nze, waire abaana bange oba abaidhukulu bange. Era nga bwembairenga mwesigwa y'oli, weena obenga mwesigwa ye ndi, era n'eri ensi eno y'olimu.”

Amainhama 21:24

Aburahamu yaakoba ati: “Ndayiire.”

Amainhama 31:53

Katonda wa Aburahamu era Katonda wa Nahori, atusalirenga omusango nze n'iwe.” Yakobo yaalayira mu liina lya Katonda wa Isaaka ise, ati aidha kukuumanga endagaano eyo.

2 Samueli 21:2

Kale kyabazinga Daudi yaayeta Abagibeoni. Abagibeoni abo tibaali Baisiraeli, aye baali Abamori abaawonagho. Saulo yayenda okwita Abagibeoni abo kuba yalumirwanga inho Abaisiraeli n'ab'omu kika kya Yuda, waire nga Abaisiraeli abo baali bamaze okulayirira Abagibeoni abo obutabaita.

Okuvaayo 22:11

banaajanga mu isinzizo. Ole ye baagha okukuuma anaalayiranga mu maiso ga Katonda oba nga bwenebwene tiyatuusa ku nsolo ya mwine ekyo ekyagituukaku, era mwene nsolo aidha kwikirizanga okulayira okwo, era taidhanga kumusasuza.

Ab'e Galatia 3:15

Aboluganda, ka mbaghe eky'okuboneraku eky'omu bulamu obwabuliidho: Ghazira aghanga kudibya oba kukookera mu ndagaano emaze okukakasibwa.

Abaheburayi 6:13

Katonda bwe yasuubiza Aburahamu, yeerayirira mwene ebyo bye yali asuubiza, kuba ghaali ghaziragho amusinga bubbede y'asobola kulayirira.