Abaheburayi 5:8 - Baibuli Ekibono kya Katonda 2014

⁸ Waire yali Mwana wa Katonda, yayega obuwulize olw'okudaazibwadaazibwa kwe yabitamu.

Abaheburayi 5:8 ပူးပေါင်းရင်းမြစ်များ

Isaia 53:5

Aye olw'ensobi dhaife baamufumita baamutaaku ebibwa, era olw'ebibi byaife baamunuubulanuubula. Baamudaazadaaza ife tuwonezebwe, era baamukuba emiigo ife tube abalamu.

Matayo 3:15

Yesu yaamukoba ati: “Mperaano leka kibe kityo kuba tutyo ife bwe tugwaine okutuukiriza obutuufu bwonabwona.” Agho yaamuganha.

Yoanne 10:18

Ezira abuntoolaku, ninze mwene mbughaayo ku lwange. Ndi n'obukumu okubughaayo ate kabiri naaba n'obukumu okubweiriza. Ekyo Lata n'eyandagira okukikola.”

Yoanne 15:10

Bwe muwulira ebiragiro byange mwidha kwekalangulira mu mukwano gwange oti ninze bwe mpulira ebiragiro bya Lata wange ni neekalangulira mu mukwano gwe.

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Ab'e Filippi 2:8

Ng'amaze okufuuka omuntu, yeefeebya era yaaba muwulize okutuuka ku kufa, ate okufiira ku musalaba.

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

Abaheburayi 1:5

kuba naani ku bamalaika Katonda ye yaali akobyeku ati: “Iwe oli mwana wange, olwaleero nkuzaire?” Oba ati: “Ndidha kuba Ise, ate mwene abe mwana wange.”

Abaheburayi 1:8

Aye bw'ayogera ku Mwana akoba ati: “Obwakyabazinga bwo, Katonda ow'ekitiisa, bwa byanda na byanda era ofuga abantu bo mu butuufu:

Abaheburayi 3:6

Aye Kurisito yali mwesigwa ng'omwana akulira enhumba ya Katonda era ife niife enhumba ya Katonda kasita tukalanguka era ni twesiimira mu kusuubira.