Abaheburayi 5:4 - Baibuli Ekibono kya Katonda 2014

⁴ Era omuntu tasobola kwegha mwene kitiisa ekyo kya kuba Kabona Mukulu. Aye ayetebwa bwetebwe Katonda ng'oti ni Aaroni bwe yayetebwa.

Abaheburayi 5:4 ပူးပေါင်းရင်းမြစ်များ

1 Ebyomubyanda 23:13

Amuramu yaazaala Aaroni ni Musa. Aaroni yaayawulibwa n'ab'oku nda ye okulabiriranga ebintu ebitukuvu ebyanda n'ebyanda, okuniokezanga obubbaani mu maiso ga Musengwa Katonda n'okumugheerezanga, n'okusabiranga abantu enkabi mu liina lye.

2 Ebyomubyanda 26:18

baamulobera nga bakoba bati: “Uzzia, ti mulimo gwo okuniokeza Musengwa Katonda obubbaani. Ogwo mulimo gwa bakabona ab'oku lulyo lw'Aaroni abaayawulibwa okubuniosanga. Fuluma mu kifo kino ekitukuvu kuba okoze kisobyo, era Musengwa Katonda taidha kukugha kitiibwa naire olw'ekyo ky'okoze.”

Ezera 7:5

Bukki oyo yaaba mutabane wa Abishua, Abishua oyo yaaba mutabane wa Finehasi, Finehasi oyo yaaba mutabane wa Eleazari, ate Eleazari oyo yaaba mutabane wa Aaroni Kabona Omukulu.

Okuvaayo 28:1

Agho Musengwa Katonda yaalagira Musa ati: “Mu bantu boonaboona Abaisiraeli oidha kulondamu Aaroni muganda wo, ni batabane, Nadabu, ni Abihu, ni Eleazari, ni Ithamari, obaawule bampeereze nga bakabona.

Abalevi 8:2

“Twala Aaroni ni batabane be, otwale n'ebivaalo, n'omuzigo ogusiigibwa, n'ente ey'ekigheebwayo olw'ebibi, n'entaama enume eibiri, n'ekiibo ekirimu emigaati egitazimbulukusiibwa.

Okubala 16:10

Katonda yabaseesa kumpi ni mwene, iwe ni baganda bo baidhukulu ba Levi. Buti muli kwenda mufune n'obwakabona bwona?

Okubala 16:35

Agho Musengwa Katonda yaasindika omuliro gwayokya abantu ebikumi ebibiri n'ataanu abaali nga bali kuniosa obubbaani.

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Okubala 16:5

Bwe yamala, yaakoba Kora ni baine boonaboona ati: “Enkyo Musengwa Katonda aidha kutwoleka oyo owuwe atuukiriire, era oyo aidha kumuseesa kumpi ni mwene. Oyo y'anaalonda aidha kumuseesa kumpi ni mwene.

Okubala 16:7

mubiteemu omuliro enkyo era mute obubbaani ku muliro okwo mu maiso ga Musengwa Katonda. Omuntu Musengwa Katonda y'anaalonda n'aidha okuba atuukiriire. Imwe baidhukulu ba Levi mubitiriiza okwekuluntaza!”

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Okubala 3:3

Baasiigibwa omuzigo era baayawulibwa okuba bakabona.

Yoanne 3:27

Yoanne yaabairamu ati: “Ezira afuna kitone kyonakyona nga tikiviire mu igulu.