Abaheburayi 5:14 - Baibuli Ekibono kya Katonda 2014

¹⁴ Aye emere yeene n'ey'abantu abakulu abamaze okwega olw'ebyo bye babitamu, era ni basobola okwawulagho ekirungi n'ekibi.

Abaheburayi 5:14 ပူးပေါင်းရင်းမြစ်များ

Amainhama 3:5

Katonda yakoba atyo kuba aidhi nga bwemulirya ku muti ogwo, amaiso gaimwe galizibuka, mwaba ng'oti ni mwene, mwamanha obulungi n'obubi.”

2 Samueli 14:17

Era nze omwiru wo omukazi, naakoba mule nti, ‘Ekibono musengwa wange kyabazinga ky'anankoba, kiidha kundeetera okuguma omwoyo’ kuba iwe musengwa wange kyabazinga oli nga malaika wa Katonda, okwawula ekirungi n'ekibi. Musengwa Katonda wo abenga n'iwe.”

1 Bakyabazinga 3:11

Agho yaamukoba ati: “Nga bw'osabye ekyo, n'oteesabira kughangaala, oba obukombe, oba okufa kw'abazigu bo, aye ni weesabira amagezi okwawulangagho ekituufu,

1 Bakyabazinga 3:9

Kale ni mpa nze omugheereza wo amagezi, nsobole okufuganga abantu bo, n'okwawulangagho ekirungi n'ekibi kuba naani aghanga okufuga eighanga lyo lino eikologho liti, aghazira ekyo?”

Yobu 12:11

Omuntu mu by'awulira, kutu we tayawulagho bituufu na bitali bituufu, ng'oti n'olulimi lwe bwelwawulagho emere ewooma n'etawooma?

Yobu 34:3

kuba omuntu mu by'awulira, kutu we ayawulagho ebituufu n'ebitali bituufu, ng'oti n'olulimi lwe bwerwawulagho emere ewooma n'etawooma.

Yobu 6:30

Ghaligho ekikyamu kye ndhogeire? Mudhuuba muti tisobola kwawulagho kirungi na kibi?”

Zabbuli 119:103

By'ondhegeresa bidhuudhuula, bwene byasinga n'omudheenene ogw'endhuki!

Olwembo 1:3

Ebizigo bye weesiize biwunha kawoowo; eriina lyo irungi ng'oti n'ebizigo eby'akawoowo. Abaghala abaguna kyebava bakwegomba einho.

Olwembo 2:3

Ng'omuti ogw'ebibala bwe guba n'omuganhulo okusinga emiti egindi egy'omu kibira, n'omugonzi wange atyo bw'abasinga basaadha baine. Nnhumirwa okutyama mu kinsense eky'omuti ogwo, era ebibala byagwo bimpoomera inho.

Isaia 7:15

Omwana oyo gh'alituukira okwawulagho ekirungi n'ekibi, abantu baliba banhwa mata na kulya mudheenene gwa ndhuki, ng'eyo n'emere yaibwe.

Matayo 5:48

Kale ni, imwe mubenga batukuvu nga Iseimwe ow'omu igulu bw'ali omutukuvu.

Ab'e Roma 14:1

Atali mugumu mu kwikiriza mumusangaazenga, aye mutatakananga naye mu ebyo by'adhuuba.

1 Ab'e Korintho 2:6

Waire nkobye ntyo, abo abakuze mu mwoyo mbakobera amagezi, aye nga amagezi ago ti n'ag'ensi eno oba ag'abo ab'obukumu abagifuga, abali n'okuwaagho.

Ab'Efeso 1:18

Abazibule amaiso ag'omwoyo mubone ebyo bye yasuubiza bwe yabeeta, mumanhe obukombe obuli mu ebyo eby'ekitiisa by'abiikira abatuukirivu.

Ab'Efeso 4:13

okutuusa twenatwena lwe tulituuka okuba omuntu mulala mu kwikiriza ni mu kumanha Omwana wa Katonda. Olwo tukakate mu by'omwoyo, era tube abatuukiriire mu bulamu bwa Kurisito.

Ab'e Filippi 3:15

Twenatwena abakuze mu by'omwoyo tugwaine okuba n'ebidhuubo oti n'ebyo. Aye oba ng'abandi ku imwe muli n'ebidhuubo ebindi, Katonda aja kukibooleka bukalamu.

1 Ab'e Thessalonika 5:21

Byonabyona mubyekebeedhenga, ebikalamu mubigemenga,

1 Timotheo 4:7

Weesambenga enfumo edhiziramu kutya Katonda, edhitagwanira na kughayaku. Wemanhirize okutyanga Katonda.

Abaheburayi 6:1

Kale ni ka tuleke ebyo bye twasookeraku okwega ebigema ku Kurisito, tuje mu maiso n'ebikulu. Titugwaine kabiri kwiramu kutaagho musingi buyaaka nga tubeegeresa okusooka okulekayo ebyo ebiziramu muganhulo bye mwakolanga, memale mutoolere okwikiriza Katonda.

Yakobo 3:2

Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.