Abaheburayi 4:2 - Baibuli Ekibono kya Katonda 2014

² Kuba twena twawulira Amawulire Amalungi ng'oti ni beene bwe baagawulira. Aye bye baawulira tibyabaganhula, kuba byabaagaana nga baziramu kwikiriza.

Abaheburayi 4:2 ပူးပေါင်းရင်းမြစ်များ

Ebikolwa by'Abatume 13:46

Aye Paulo ni Barunaba, baayogera nga bagumu, baakoba bati: “Kibaire kigwaine okusooka okukobera imwe ekibono kya Katonda. Aye nga bwe mukirobye era ni mwesaliragho beene nga bwe mutagwaine kufuna bulamu obutawaagho, kale twidha kubaleka tuje y'abamaghanga agandi

Ebikolwa by'Abatume 3:26

Agho ni, Katonda bwe yalonda Omwana we, yasooka kumutuma ye imwe abaghe enkabi nga buli mulala akyuka yaaleka ebibi bye.”

Ab'e Roma 2:25

Okukeketa kukugasa bw'oba ng'ogema Amateeka, aye bw'odheemera Amateeka oba ng'atali mukekete.

Ab'e Roma 3:3

Memale bwe kiba ng'abandi ku abo tibaali beesigwa, kitegeeza nti Katonda taliba mwesigwa?

1 Ab'e Korintho 13:3

Ni bwe mpaayo ebyange byonabyona okuliisa abanaku, era ni bwe mpaayo omubiri gwange okwokebwa ghazira kye nganhulwa, bwe mba nga tigonza bantu banange.

Ab'e Galatia 3:2

Ka mbabuuzeeku kino kyonka: Mwafuna Mwoyo lwa kukola ng'Amateeka bwe galagira oba lwa kuwulira nakwikiriza bya Yesu?

Ab'e Galatia 3:8

Era ebyaghandiikibwa byakirengera nga Katonda aligha abamaghanga agandi obutuukirivu olw'okwikiriza, kye byava ni birangirira eri Aburahamu Amawulire Amalungi nga n'ebiseera bikaali ghala biti: “Mu iwe amaghanga goonagoona mwe galigheerwa omukisa.”

Ab'e Galatia 4:13

kuba bwe muba mwidhukira, yali nsonga ya bulwaire bwange n'eyandeetera okubakobera Amawulire Amalungi omukuzi ogwasooka.

Amateeka Agokubiri 1:32

Aye waire nga nabakobera ebyo byonabyona, timwaikiriza kwesiga Musengwa Katonda waimwe,

1 Ab'e Thessalonika 1:5

kuba Amawulire Amalungi ge twabakobera tigaali bwa mu kwogera bibono aye gaabatuukaku mu maani ni mu Mwoyo Mutukuvu era nga tukakalisa irala bye twogera. Mwidhi nga bwe twebisanga nga tuli mu imwe ku lw'obulungi bwaimwe.

1 Ab'e Thessalonika 2:13

Era titulekera kweyanza Katonda kuba bwe mwawulira ekibono kye, kye twabakobera mwakisangaalira ti ng'ekibono eky'abantu aye ng'ekibono ekya Katonda, nga era bwenebwene bwekiri ekibono kya Katonda ekikolera mu imwe abaikiriza.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

Abaheburayi 11:6

Ghazira aghanga kusiimya Katonda ng'azira kwikiriza. Kuba aja ye Katonda ateekwa okwikiriza nga Katonda aligho, era ng'agha empeera abo abamunoonia.

Abaheburayi 3:12

Kale aboluganda, mwegendereze ghalobe kubaagho naire mulala ku imwe aba na mwoyo mubi era ogutaikiriza, n'ava ku Katonda omulamu.

Abaheburayi 4:6

Abo abaasooka okuwulira Amawulire Amalungi, tibaatuuka ku kuwuumula okwo, olw'obutaikiriza bwaibwe. Ghaligho niini abandi abatuuka.

Yakobo 1:21

Kale mulekeyo emize n'empisa embi dhoonadhoona, mwikirize n'obuwombeefu ekibono Katonda ky'asiga mu myoyo gyaimwe era ekisobola okubawonia.

1 Petero 1:12

Katonda yayoleka abalanzi abo ng'ebyo tibaabikola ku lwaibwe beene, aye ku lwaimwe. Ebintu ebyo n'ebyo bye mwawulira nga bibakoberwa abo abaabakobera Amawulire Amalungi. Bwe baali nga babakobera Amawulire Amalungi ago, Katonda yasindika Mwoyo Mutukuvu okuva mu igulu, yaidha okubalamba. Ni bamalaika beegomba okubona ku bintu ebyo.