Abaheburayi 4:15 - Baibuli Ekibono kya Katonda 2014

¹⁵ Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.

Abaheburayi 4:15 ပူးပေါင်းရင်းမြစ်များ

Okuvaayo 23:9

“Otabisanga bubi muntu wa ighanga lindi ali mu imwe mwidhi bwe kiruma okuba ow'eighanga erindi, kuba mwena bwe mwali e Misiri.

Isaia 53:9

Baamuta mu magombe ghalala n'ababi, baamuziika ghalala n'abakombe. Ate nga yali taizangaku musango, waire okwogera ekibono eky'obuguya.”

Hosea 11:8

Abaisiraeli nsobola ntya okubaghaayo? Nsobola ntya okubalekulira agho? Nsobola ntya okubazikiriza ng'oti bwe nakola Adama? Nsobola ntya okubabisa ng'oti bwe nabisa Zeboiimu? Omwoyo gwange tigunganha kukikola; kuba mbagonza inho ebitaloodheka.

Matayo 12:20

Olugada oluvuniike talirukutulamu, n'olutambi olunioka taliruzikiza, okutuusa ng'atuusiiza amazima ku bughanguzi.

Matayo 4:1

Agho Mwoyo yaatwala Yesu mu irungu, Sitaani amukeme.

Luka 22:28

“Imwe mugumye mwaba ninze mu byonabyona ebituyuguumiiza.

Luka 4:2

yaamala enaku amakumi ana (40) Sitaani ng'amukema. Mu nnaku edho tiyalya ku kantu koonakoona, era bwe dhaawaaku endhala yaamuluma.

Yoanne 8:46

“Naani ku imwe anumiriza ekibi kye naali nkoze? Oba nga mbakobera ekituufu lwaki timundhikiriza?

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Abaheburayi 4:14

Kale nga bwe tuli n'Omukulu wa Bakabona omukologho atyo, Yesu Omwana wa Katonda, eyajiira irala ye Katonda, tukalangukire ku kwikiriza kwaife kwe twatula.

Abaheburayi 5:2

Asobola okugema empola abo abadaaliima olw'obutamanha, kuba yeena mwene munafu mu bintu kamaala.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

1 Petero 2:22

Mpaagho kibi kye yakola, waire ekibono kyonakyona eky'obuguya okumuva mu kanwa.

1 Yoanne 3:5

Mwidhi nga Kurisito yaidha okutoolagho ebibi era mu oyo muzira kibi.