Abaheburayi 3:8 - Baibuli Ekibono kya Katonda 2014

⁸ mutakalangusa myoyo gyaimwe, ng'abadheemu bwe baakola ku lunaku lule, olwali olw'okulebwa mu irungu.

Abaheburayi 3:8 ပူးပေါင်းရင်းမြစ်များ

2 Bakyabazinga 17:14

Aye baaloba kuwulira, baaba ba mpwitu nga badhaadha baibwe bwe baakola, abaaloba okwesiga Musengwa Katonda waibwe.

2 Ebyomubyanda 30:8

Era mulobe kuba na mpwitu ng'oti ni badhaadha baimwe, aye mwegheeyo eri Musengwa Katonda, mwingire mu isinzizo lye, lye yatukuza ebyanda n'ebyanda. Mugheerezenga Musengwa Katonda waimwe, olwo alekere agho okuboolekeza obusungu bwe obubitiriire.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Nehemia 9:16

Aye badhaadha baife beekuluntaza, baakalangusa emyoyo gyaibwe, baaloba kugondera biragiro byo.

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Zabbuli 106:14

Ate baidhamu amairu amabitirivu nga bali eyo mu irungu, baaleba Katonda nga bali eyo.

Zabbuli 78:18

Baaleba Katonda mu bugenderevu nga bamusaba emere olw'amairu gaibwe.

Zabbuli 78:56

Aye baaleba Katonda era baamudheemera oyo Ali Ghaigulu Yeene baaloba kugondera biragiro bye,

Zabbuli 95:8

Akoba ati: “Mulekere agho okukalangusa emyoyo gyaimwe nga badhaadha baimwe bwe baakola nga bali e Meriba. Ku lunaku olwo nga bali e Massa mu irungu,

Okuvaayo 17:7

Abantu abo Abaisiraeli beemuluguunhiza Musengwa Katonda era baamuleba nga bakoba bati: “Aye bwene Musengwa Katonda ali mu ife oba bbe?” Kale Musa kyeyava n'atuuma ekifo ekyo amaina gano: Massa, eritegeeza “okuleba”, ni Meriba, eritegeeza “Okwemuluguunhia”.

Okuvaayo 8:15

Aye kyabazinga bweyabona ng'ekizibu ekyo kiviiregho yaakalangusa omwoyo gwe, yaaloba kutya era yaaloba kuwulira nga Musengwa Katonda bweyakoba.

Ensambo 28:14

Wa nkabi ole atya Musengwa Katonda buliidho, aye ole akalangusa omwoyo gwe afuna ebizibu ebitaloodheka.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Okubala 14:11

Era Musengwa Katonda yaakoba Musa ati: “Abantu bano balituusa li okuunhooma? Era balituusa li obutaneesiga, waire nga nkoze obumanhiso kamaala nga babona.

Matayo 13:15

kuba omwoyo ogw'abantu bano mukalangafu, amatu gaibwe gasembye, n'amaiso gaibwe bagazibye. Nkani bandiboine n'amaiso gaibwe, bandiwuliire n'amatu gaibwe, baategeera n'omwoyo, baakyukira ye ndi naabawonia.’

Ebikolwa by'Abatume 19:9

Aye abandi baali bakakanhavu, baaloba okwikiriza era baavuma Engira ya Musengwa mu maiso g'ekikunsu. Paulo yaabavaaku, yaaja n'abeegeresebwa yaayogereranga mu isomero lya Turanno, buli lunaku.

Ebikolwa by'Abatume 7:36

Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).

1 Ab'e Korintho 10:9

Tulobenga kuleba Musengwa ng'abandi ku abo bwe baakola, emisota ni gibaita.

Amateeka Agokubiri 6:16

“Mutalebanga Musengwa Katonda waimwe, nga bwe mwamuleba e Massa.

1 Samueli 6:6

Lwaki mwenda okukalangusa emyoyo gyaimwe ng'Abamisiri ni kyabazinga waibwe bwe baakola? Katonda bwe yababonereza n'abamalamu, tibaalwa eira ni baleka Baisiraeli kuva mu Misiri ni baja?