Abaheburayi 3:6 - Baibuli Ekibono kya Katonda 2014

⁶ Aye Kurisito yali mwesigwa ng'omwana akulira enhumba ya Katonda era ife niife enhumba ya Katonda kasita tukalanguka era ni twesiimira mu kusuubira.

Abaheburayi 3:6 ပူးပေါင်းရင်းမြစ်များ

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Ezekieli 46:10

Kyabazinga aidha kwingiriranga ghalala n'abantu nga bali kwingira. Era aidha kufulumiranga ghalala nabo nga bali kufuluma.

Matayo 10:22

Abantu boonaboona balibakyagha olw'eriina lyange. Aye oyo alyekalangula okutuusa ku nkomerero, alirokolwa.

Matayo 16:18

Era zeena ka nkukobere, Petero, ‘Oli lubaale, era ku lubaale kuno, kwe ndizimba Ekikunsu kyange eky'Abaikiriza mu Kurisito n'emiryango egy'e magombe tigirikisobola naire.

Matayo 24:13

Aye oyo alyekalangula okutuusa ku nkomerero, alirokoka.

Ab'e Roma 11:22

Kale ni weekalirise ekisa n'obukambwe bwa Katonda. Akambughalira abo abaagwa, aye yaasaasira iwe kasita ogumira ku kisa kye. Aye bw'otagumira ku kisa kye, weena alikuwogolaku.

Ab'e Roma 12:12

Okusuubira kwaimwe kubakuumenga nga musagamba, mubenga baguminkiriza mu bizibu byaimwe era musabenga buliidho.

Ab'e Roma 15:13

Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.

Ab'e Roma 5:2

Ku lulwe twafuna okusaasirwa kwa Katonda kuno kwe tulimu, era tusagamba nga twesunga okugabana ku kitiisa kya Katonda.

1 Ab'e Korintho 3:16

Timwidhi nga muli isinzizo lya Katonda, era nga Mwoyo wa Katonda aba mu imwe?

1 Ab'e Korintho 6:19

Timwidhi ng'emibiri gyaimwe n'eisinzizo lya Mwoyo Mutukuvu ali mu imwe era eyabagheebwa Katonda? Timuli baimwe ku bwaimwe, aye muli ba Katonda.

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

Ab'e Galatia 6:10

Agho ni buli lwe tunaafunanga akaghagaanhia, tugwaine tukolerenga abantu boonaboona ebirungi n'okusingira irala abo be tuli nabo mu kika ekirala mu kwikiriza.

Ab'e Galatia 6:9

Kale ka tulobe kukoogha mu kukola obukalamu; kuba bwe tutawaamu maani, ekiseera eky'okukungula bwe kirituuka tulifuna okukungula okw'omwero.

Ab'Efeso 3:12

Nga tubita mu Kurisito oyo, olw'okumwikiriza, tuguma twaseeta ye Katonda nga titutya.

Ab'e Kolosai 1:23

Aye niini, muli n'okuba n'okwikiriza nga mwekalangwire aghazira kwekyusa, era nga timuviire ku kusuubira okw'Amawulire Amalungi ge mwawulira. Zeena Paulo nafuuka mugheereza w'Amawulire gano agaakoberwa buli kitonde kyonakyona ekiri ghansi gh'eigulu.

1 Ab'e Thessalonika 5:16

Mubenga basangaavu buliidho,

2 Ab'e Thessalonika 2:16

Musengwa waife Yesu Kurisito mwene, era ni Katonda Lata eyatugonza olw'ekisa kye n'atugha eisanhu eritawaagho n'okusuubira ebirungi,

1 Timotheo 3:15

Aye bwenaaba nga ndwire, bino binaakumanhisa bwetugwaine okwebisa nga bwe tuli abantu ba Katonda, ekyo nga n'Ekikunsu eky'Abaikiriza mu Kurisito ekya Katonda omulamu, era ng'ekyo n'empango n'omusingi ogw'amazima.

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

Abaheburayi 10:19

Kale aboluganda, mperaano tusobola okwingira mu Kifo Ekitukuvu Einho, nga tuzira kutya kuba Yesu yafa ku lwaife.

Abaheburayi 10:21

Nga bwe tuli ni kabona omukulu, akulira enhumba ya Katonda,

Abaheburayi 10:23

Tukalangule eisuubi lye tuli nalyo kuba Katonda eyatusuubiza mwesigwa.

Abaheburayi 10:35

Kale mutasuula ere kumwesiga kwaimwe, kuba kulimu empeera nnene.

Abaheburayi 11:1

Okuba n'okwikiriza n'okukakasa ng'ebyo bye tusuubira birituukirira, era n'okukakasa ng'ebyo bye tutabona bwene biriyo.

Abaheburayi 3:14

Kiri nti tuba tuli kwisa kirala mu Kurisito, kasita tukalangula obwesige bwaife bwe twatoolera nabwo, ni tubutuukiza irala ku nkomerero.

Abaheburayi 4:11

Agho ni tufaabiikane okutuuka ku kuwuumula okwo, ghalobe kubaagho agwa olw'obutaikiriza nga bale.

Abaheburayi 4:14

Kale nga bwe tuli n'Omukulu wa Bakabona omukologho atyo, Yesu Omwana wa Katonda, eyajiira irala ye Katonda, tukalangukire ku kwikiriza kwaife kwe twatula.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.

Abaheburayi 6:11

Era twenda kiisi mulala ku imwe okwolekanga okufaabiikana okwo, okutuusa ku nkomerero lwe mulifuna kye musuubira.

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

Abaheburayi 7:19

kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.

1 Petero 1:8

Waire nga Yesu oyo timumubonangaku, mumugonza, era waire timumubona buti, mumwikiriza era mwasagamba ebitaloodheka.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

1 Petero 4:17

Ekiseera eky'okusalirwa omusango kituuse era abantu ba Katonda beene n'abaja okusooka okusalirwa. Kale oba nga aja kusooka n'ife, memale leero kiriba kitya n'abo abaloba okuwulira Amawulire Amalungi agava ye Katonda?

Okwolekebwa 2:18

“Ghandiikira malaika w'Ekikunsu eky'Abaikiriza mu Kurisito eky'e Thuyatira, oti: Omwana wa Katonda ali n'amaiso agaaka ng'oti muliro, era ali n'ebigere ebiri ng'oti kyuma kya kikomo ekizigule, akoba ati:

Okwolekebwa 2:25

okutoolaku okubakoba okukalangula ekyo kye muli nakyo okutuusa lwe ndiidha.

Okwolekebwa 2:26

Oyo aghangula, n'atuukiriza ebyange okutuusa ku nkomerero, ndimugha obukumu okufuga amaghanga.

Okwolekebwa 3:11

Ndi kwidha mangu. Kalangula ky'oli nakyo ghalobe kubaagho akutwalaku kirabo kyo eky'obughanguzi.