Abaheburayi 3:5 - Baibuli Ekibono kya Katonda 2014

⁵ Era Musa yali mugheereza mwesigwa mu nhumba ya Katonda yoonayoona, ng'akakasa ebyo Katonda bye yali aja okwogera.

Abaheburayi 3:5 ပူးပေါင်းရင်းမြစ်များ

Nehemia 9:14

Wabeegeresa okukuumanga olunaku lwo olwa Sabbato nga lutukuvu, waabagha ebiragiro byo n'amateeka go ng'obita mu mugheereza wo Musa.

Zabbuli 105:26

Yaabatumira Musa omugheereza we, ni Aaroni ye yeerondera.

Okuvaayo 14:31

Abaisiraeli bwe baabona amaani agataloodheka Musengwa Katonda ge yakozesa okughangula Abamisiri, baamutya inho baamwikiriza era baikiriza n'omugheereza we Musa.

Okuvaayo 40:16

Musa yaakola byonabyona, nga bwenebwene Musengwa Katonda bweyamulagira.

Okubala 12:7

Aye ntyo ti bwe nkola ku mugheereza wange Musa. Namugha okulabirira abantu bange boonaboona.

Matayo 24:45

“Naani omugheereza omulungi era omugezi? Oyo musengwa we ye yalekera ab'omu maka ge okubaghanga emere yaibwe mu kiseera ekituufu?

Matayo 25:21

Musengwa we yaamukoba ati, ‘Weekaza, omugheereza omulungi era omwesigwa obaire mwesigwa mu bitono, ndidha kukugemya ebingi ingira mu isanhu lya Musengwa wo.’

Luka 12:42

Musengwa yaakoba ati: “Omughanika omwesigwa era omwegendereza n'ali gha? N'oyo musengwa we y'akuumisa ab'omu maka ge n'okubaghanga emere yaibwe mu biseera ebituufu?

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

Yoanne 5:39

“Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.

Ebikolwa by'Abatume 7:37

Musa ono n'eyakoba Abaisiraeli ati: ‘Katonda aidha kubatumira omulanzi okuva mu imwe beene, nga nze bwe yantuma.’

Ab'e Roma 3:21

Aye mperaano obutuukirivu obuva ewa Katonda nga tibubise mu Mateeka buboneike, waire nga bwakakasibwa Amateeka n'abalanzi

1 Ab'e Korintho 4:2

Ekintu ekyendebwa ku mugheereza oti n'oyo, n'okuba omwesigwa ye Musengwa we.

Amateeka Agokubiri 3:24

‘Wo Musengwa Katonda waife, nze ndidhi nga waakatoolera butoolere okundholeka ebikologho n'ebyewuninkiriza by'oja okukola. Ezira katonda mu igulu oba mu nsi asobola okukola eby'amaani by'okoze.

Amateeka Agokubiri 34:5

Agho Musa omugheereza wa Musengwa Katonda yaafiira eyo mu nsi Moabu, nga Musengwa Katonda bwe yakoba.

1 Timotheo 1:12

Neeyanza Kurisito Yesu musengwa waife, eyampa amaani okukola omulimo guno, era n'abona nga ngwaniire, n'anonda okumugheereza.

Abaheburayi 1:1

Eira Katonda yayogeranga ni badhaadha baife emikuzi kamaala era mu nsambo kamaala ng'abita mu balanzi.

Abaheburayi 3:2

Yali mwesigwa y'oyo eyamulonda, era nga ni Musa yeena bwe yali omwesigwa mu nhumba ya Katonda.

Abaheburayi 3:4

Kuba kiisi nhumba ebaaku eyagizimba, aye eyazimba ebintu byonabyona ni Katonda.

Abaheburayi 8:5

Omulimo gwe bakola nga bakabona gwefaanaanirizaaku bwefaanaanirize, era kinsense bunsense eky'ebyo ebikolebwa mu igulu; kuba ni Musa bwe yali ng'aja okutaagho eweema, Katonda yamulagira ati: “Bona nti byonabyona obikola ng'ojiira ku ekyo ekyakulagibwa ku lusozi.”

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.

Yoshua 1:15

okutuusa boona lwe balitwala ekiketezo kyaibwe eky'e bugwandhuba ew'omwiga Yorudani, Musengwa Katonda waibwe ky'ali kubagha. Musengwa Katonda bw'aligha ebika byonabyona eby'Abaisiraeli okutyama ni bitereera mu biketezo byabyo, olwo mwena muliira mwatyama ghano mu kiketezo kyaimwe Musa omugheereza wa Musengwa Katonda kye yabagha.”

Yoshua 1:2

“Musa, abaire omugheereza wange, yafa. Kale ni, iwe weetegeke n'Abaisiraeli abandi boonaboona, musomoke omwiga Yorudani, mwingire mu nsi ye ndi kubagha.

Yoshua 1:7

Iwe ky'oli n'okukola, n'okuba n'obumalirivu era n'obutatya nga weegendereza okugondera amateeka goonagoona, omugheereza wange Musa ge yakugha. Togavangaku waire akatono kati, olwo buli kintu kiidha kukujiiranga bukalamu woonawoona.

Yoshua 8:31

Yagizimba ng'ajiira ku ebyo Musa omugheereza wa Musengwa Katonda bye yagalagira Abaisiraeli, nga bwekiri mu mateeka ga Musa oyo, nti: alutaari ezimbwa na mabaale gatali mateme gaaku na kyuma. Ku alutaari okwo baagheeraku Musengwa Katonda emisengo egyokebwa, era n'ebigheebwayo olw'okutabagana.

Yoshua 8:33

Abaisiraeli boonaboona abazaale baamu n'abasenze, baayemerera gha Sanduuku y'Endagaano ya Musengwa Katonda nga bagiri eruuyi n'eruuyi. Baali n'abakulu baibwe ab'ebikunsu, n'abakulembeze baibwe, era n'abalamuzi baibwe, nga balingiriire bakabona Abalevi abaabbeedanga Sanduuku eyo. Abandi baali bakubye Olusozi Gerizimu emigongo, ate ng'abandi emigongo gyaibwe bagiringiriiza Olusozi Ebali. Atyo Musa omugheereza wa Musengwa Katonda bwe yalagira okusabiranga Abaisiraeli enkabi.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.