Abaheburayi 3:12 - Baibuli Ekibono kya Katonda 2014

¹² Kale aboluganda, mwegendereze ghalobe kubaagho naire mulala ku imwe aba na mwoyo mubi era ogutaikiriza, n'ava ku Katonda omulamu.

Abaheburayi 3:12 ပူးပေါင်းရင်းမြစ်များ

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Yobu 21:14

Bakoba Katonda bati, ‘Tuveeku! Titwenda kumanha by'oyenda tukole.

Yobu 22:17

Abantu abo n'abaakoba Katonda bati, ‘Tuveeku.’ Era bati, ‘Oyo Aghanga Ebintu Byonabyona asobola kutukola ki?’

Zabbuli 18:21

Nze njiira ku biragiro bya Musengwa Katonda, era tigwangaku mu kibi kya kudaaliima kuva ku Katonda wange.

Ensambo 1:32

Abazira kye baidhi bafa lwa butenda kugalagirwa, abasiru baazikirira lwa butafaayo.

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Yeremia 11:8

Aye baaloba kumpulirisa waire okugondera bye ndagira, era buli muntu yeeyongera bwa kukola ebyo omwoyo gwe omukalangufu era omubi bye gwenda. Naabalagira bakuumenga endagaano eyo, aye baaloba. Kye nava ni mbasindikira ebibonerezo byonabyona ebiri mu ndagaano eyo.”

Yeremia 16:12

Aye imwe mukoze bubi n'okusinga badhaadha baimwe abo. Buli muntu ku imwe akola ebyo omwoyo gwe omukalangufu era omubi bye gwenda, yaaloba okumpulira.

Yeremia 17:5

Musengwa Katonda akoba ati: “Omuntu yeenayeena akyuka n'anvaaku nze Musengwa Katonda, ni yeesiga omuntu obuntu era n'amwesiguliraku, akolimirwe.

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Yeremia 18:12

“Aye baidha kwiramu bati, ‘Busa, lwaki tukyusa? Ife twidha kusigala nga tukola ebyo emyoyo gyaife emikalangufu era emibi bye gyenda.’ ”

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 3:17

Mu kiseera ekyo Yerusalemu kiriba kyetebwa ekityamo eky'obwakyabazinga ekya Musengwa Katonda. Abantu abamaghanga goonagoona balyesololeza eyo okunsinza nze Musengwa Katonda, nga tibakairayo kukola ebyo emyoyo gyaibwe emikalangufu era emibi bye gyenda.

Yeremia 7:24

Aye baaloba kumpulirisa waire okugondera bye ndagira. Baajiira ku ebyo emyoyo gyaibwe emikalangufu era emibi bye gyenda. Mu kifo ky'okuba abalungi, beeyongera bwa kuba babi inho.

Ezekieli 14:5

Olwo nsobole okwiza ye ndi ab'omu ighanga Isiraeli boonaboona, ebisinzibwa ebyo ebitali Katonda be byaleetera okunvaaku.

Hosea 1:2

Omukuzi ogwasooka Musengwa Katonda okwogerera mu Hosea, Musengwa Katonda oyo yakoba Hosea ati: “Ja ofumbirwe omukazi atali mwesigwa malaaya, ozaale naye abaana ab'obwamalaaya, kuba abantu bange banviireku nze Musengwa Katonda, tibakaali beesigwa naire.”

Matayo 16:16

Simoni Petero yaamwiramu ati: “Niiwe Kurisito Omwana wa Katonda omulamu.”

Matayo 24:4

Yesu yaabairamu ati: “Mwekuume, ghalobe kubaagho abaghabya.

Mariko 13:23

Aye imwe mwekuume, mbakobeire byonabyona nga bukaali.

Mariko 13:33

Mwekuume, mumoge kuba timwidhi kaseera!

Mariko 13:9

“Imwe beene mwekuume baidha kubatwala mu mbuga, baidha kubakubira mu sinagoga era balibasimba mu maiso ag'abafuzi ni bakyabazinga nga babalanga nze, mube abadhulizi mu abo.

Luka 21:8

Yesu yaabairamu ati: “Mwekuume, ti kulwa nga babaghabya kuba ghalibonekagho abantu kamaala abalyeyeta eriina lyange nga bakoba bati, ‘Ninze oyo,’ era bati, ‘Ekiseera kituuse!’ Aye timubanonerezanga.

Ab'e Roma 11:21

Kuba oba Katonda tiyasaasira Bayudaaya, ensaga edhaatonderwa ku muti ogwo, olowooza nga iwe alikusaasira?

1 Ab'e Korintho 10:12

Kale buli adhuuba ng'ali n'okwikiriza okugumu yeegendereze alobe kugwa.

Ab'e Kolosai 2:8

Mubone nga tighabaagho muntu yeenayeena abafuula bairu, ng'akozesa ebidhuubo eby'abagezigezi n'obuguya obuli mu mpisa dh'abantu, ni mu mizimu egitwalibwa nga n'egifuga ensi eno. Ebintu bino tibiva wa Kurisito.

1 Ab'e Thessalonika 1:9

kuba abantu abo beene bwe baba batughayaku bakoba nga bwe mwatusangaalira einho bwe twali mu imwe. Era nga bwe mwakyuka okuva ku bisinzibwa ebitali Katonda ni mwira ku kugheereza Katonda mwene omulamu.

Abaheburayi 10:31

Nga kitiisa okugwa mu mikono gya Katonda omulamu!

Abaheburayi 10:38

Omutuufu wange anaabanga mulamu lwa kwikiriza, aye bw'aira einhuma tiri musangaalira naire.”

Abaheburayi 12:15

Mwekuume ghalobe kubaagho afiirwa kisa kya Katonda, era ghalobe kubaagho bubi buva mu imwe ni butabulatabula era ni bwonoona bantu kamaala.

Abaheburayi 12:22

Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

Abaheburayi 3:1

Kale ni aboluganda abatukuvu, nga mwena bwemwayetebwa n'okwetebwa okuva mu igulu, mulowooze ku Yesu omutume era Omukulu wa Bakabona mu kwikiriza kwaife.

Abaheburayi 3:10

Mbeeni n'okusungughalira abantu abo, naakoba nti, ‘Buli kaseera emyoyo gyaibwe gidaaliimira luuyi, tibawulira biragiro byange.’

Abaheburayi 3:19

Kale tubona nga baalemwa okutuuka lwa butaikiriza bwaibwe.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?