Abaheburayi 2:3 - Baibuli Ekibono kya Katonda 2014

³ memale ife tuliwona tutya bwe tugayaalirira obulokozi obukulu obwaga agho? Obwo Musengwa mwene n'eyasooka okubulangirira, memale abo abaabuwulira, baatukakasa nga bwa mazima.

Abaheburayi 2:3 ပူးပေါင်းရင်းမြစ်များ

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 20:6

Olunaku olwo bwe lulituuka, abantu ababa ku mbali kw'enhandha balikoba bati, ‘Oboine ekituuse ku be twesigulirangaku tuti balituwonia kyabazinga w'e Assiria? Kale obwo ife tuliwona tutya?’ ”

Isaia 51:5

Ndija mangu naabawonia, era ekiseera kyange eky'okulokola kiri kumpi. Mwene nze ninze ndifuga amaghanga. Era ensi edh'eghala dhinteegereire nga dhisuubirira mu nze okudhirokola.

Isaia 51:8

kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Isaia 62:11

bamanhe nga Musengwa Katonda ali kulangirira mu nsi yoonayoona ati: “Mukobe ab'omu Sioni muti, bona, omulokozi wuuyo aidha, ng'ali n'ebirabo eby'okugabira abantu be, n'empeera ey'okubasasula.”

Ezekieli 17:15

Aye kyabazinga wa Buyudaaya yaadheema, yaatuma abakwenda e Misiri bamugheereze embalaasi n'eigye einene. Aye bwenebwene entegeka ya kyabazinga oyo esobola okutuukirira? Omuntu asobola okwewonia ng'akoze ebintu ng'oti n'ebyo? Omuntu asobola okumenha endagaano baaloba kumubonereza?

Ezekieli 17:18

Taliwona olw'okunhoomoola kye yeeyama n'amenha endagaano, ate nga yagitaaku omukono aye kabiri yaaloba okugijiiraku.”

Matayo 23:33

“Imwe emisota, abaana ab'emisota egy'obusagwa! Muliwona mutya okusalirwa omusango gwa geyeena?

Matayo 4:17

Okuva olwo Yesu yainhama okwegeresa n'okukoba ati: “Mwenenie kuba Obwakyabazinga obw'omu igulu buseese.”

Mariko 1:14

Agho Yoanne ng'amaze okugemwa, Yesu yaaja e Galilaaya yaalangirira Amawulire Amalungi agava ewa Katonda.

Luka 1:2

nga bwe baabitukobera, abaabiboneraku irala okuva mu mainhama, abeegeresa ekibono kya Katonda.

Luka 1:69

Atufuniire amaani okutulokola mu ndhu ya Daudi omugheereza we.

Luka 24:19

Yaakoba ati: “Bintu ki?” Baakoba bati: “Ebigema ku Yesu ow'e Nazarethi eyali omulanzi ow'amaani mu bikolwa ni mu bibono mu maiso ga Katonda n'abantu boonaboona

Yoanne 15:27

Era mwena mulindhulira kuba mubaire ninze okuviira irala ku ntoolo.”

Ebikolwa by'Abatume 1:22

okuviira irala ku kubatizibwa kwa Yoanne okutuuka ku lunaku lwe yatutoolebwaku ng'atwalibwa mu igulu, tufunemu mulala abe n'ife mu kudhulira okuzuukira kwe.”

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.

Ebikolwa by'Abatume 4:12

Okulokolebwa kufunirwa mu oyo yenka, ghazira wundi asobola kulokolerwamu, kuba naire mu maina agagheebwa abantu ghansi gh'eigulu, ghazira lye tusobola kulokolerwamu.”

Ab'e Roma 11:14

Tomanha mu kukola ekyo bwe ngemya Bayudaaya banange nsaalwa ni ndokolaku abandi

Ab'e Roma 2:3

Kale iwe mukagwa wange asalira abakola ebintu ebyo omusango, aye n'okola ebintu ebifaanana ng'oti n'ebyo bye bakola, odhuuba nga oliwunuka Katonda okukusalira omusango okukusinga?

1 Ab'e Korintho 1:21

kuba Katonda mu magezi ge yalemesa abantu okumumanha mu magezi gaibwe beene. Era yaasalagho okulokola abo abamwikiriza ng'abita mu kibono kye tubakobera, abandi kye beeta “obusiru”.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

1 Timotheo 1:15

Ekibono kino kituufu kyene era kigwaine okwikiriza, ekikoba kiti: Kurisito Yesu yaidha mu nsi okulokola aboonooni. Era mu abo nze ndi mberi wa boonaboona.

Tito 2:11

Kuba ekisa kya Katonda kiboneike, abantu boonaboona baghange okulokoka.

Abaheburayi 1:1

Eira Katonda yayogeranga ni badhaadha baife emikuzi kamaala era mu nsambo kamaala ng'abita mu balanzi.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

Abaheburayi 4:1

Kale ni ng'ekisuubizo eky'okutuuka aghali okuwuumula bwe kikaaligho, tufengayo okubona nga tighabaagho muntu yeenayeena ku imwe alemwa kutuukagho.

Abaheburayi 4:11

Agho ni tufaabiikane okutuuka ku kuwuumula okwo, ghalobe kubaagho agwa olw'obutaikiriza nga bale.

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

1 Yoanne 1:1

Tubaghandiikira okubakobera ku oyo eyaligho okuviira irala ku kwinhama. Kibono ow'obulamu twamuwulira, twamubona n'amaiso gaife, twamulingirira, twamugemaku n'obwala bwaife.

Yuda 1:17

Bakagwa, muteerabiranga Abatume ba Musengwa waife Yesu Kurisito, bye baabakobera eira.

Okwolekebwa 7:10

Baayasiikana bati: “Twalokolebwa Katonda waife atyaime ku kityamo eky'obwakyabazinga, era n'Entaama Ento!”