Abaheburayi 2:2 - Baibuli Ekibono kya Katonda 2014

² Kale oba nga obukwenda obwalangirirwa bamalaika bwali bwa mazima, era nga kiisi ataabugonderanga, oba eyabudheemeranga yagheebwanga ekibonerezo ekimujaamu,

Abaheburayi 2:2 ပူးပေါင်းရင်းမြစ်များ

Zabbuli 68:17

Musengwa Katonda yaidha ku lusozi Sinai mu kifo ekitukuvu, ng'ali n'ebigaali bye eby'amaani eby'omu lutalo enkumi n'enkumi.

Okubala 11:33

Bwe baali nga bakaalya emamba yaibwe mu bungi, obusungu bwa Musengwa Katonda bwabatumbukiraku ng'oti muliro, yaababonereza ng'abasindikira ekibamba eky'amaani.

Okubala 16:49

Abaafa obulwaire obubi obwo baali omutwalo mulala n'enkumi ina na lusanvu (14,700), nga tobaliireeku abo abaafiira mu keediimo ka Kora.

Okubala 21:6

Agho Musengwa Katonda yaabasindikira emisota egy'obusagwa, gyabamoodha, Abaisiraeli kamaala baafa.

Okubala 25:9

Aye nga kyali kimaze okwita abantu emitwalo ebiri n'enkumi ina (24,000).

Ebikolwa by'Abatume 7:53

Niimwe abaafuna Amateeka bwe gaalangirirwa ba malaika, ate mwaloba okugagema.”

Ab'e Galatia 3:19

Olwo kiki ekyateesaagho Amateeka? Gaateebwagho okwoleka okwona, era gaali nga ga kubaagho okutuusa ku kwidha kwa mwidhukulu wa Aburahamu. Omwidhukulu oyo n'oyo ayogerwaku mu kisuubizo ekyasuubizibwa Aburahamu. Amateeka bamalaika baagaleeta nga gabita mu muntu eyagemagania Katonda n'abantu.

Amateeka Agokubiri 17:12

Omuntu yeenayeena aneekuluntazanga, n'atawulira mulamuzi oba kabona ali eyo mu luwalo olw'okugheereza mu maiso ga Musengwa Katonda, aidha kwitibwanga bwitibwe mu nsambo eyo mwidha kwetoolangaku ekibi ekyo mu Isiraeli.

Amateeka Agokubiri 17:2

“Ghasobola okubaagho, mu kindi ku bibuga byaimwe, omusaadha oba omukazi yaakola ekibi, ng'amenha endagaano ya Musengwa Katonda waimwe.

Amateeka Agokubiri 17:5

omusaadha oyo oba omukazi oyo akoze ekibi ekyo, munaamufulumyanga ku luya kw'ekibuga kyaimwe, mwamukuba amabaale yaafa.

Amateeka Agokubiri 27:26

“ ‘Omuntu yeenayeena ataatuukirizenga mateeka gano, akolimirwenga!’ “Olwo abantu boonaboona baliiramu bati, ‘Amiina.’ ”

Amateeka Agokubiri 32:2

Nsaba bye ndhegeresa bibe ng'oti n'amaadhi agali kugwa, bye ndhogera bigwe ng'oti musulo, ng'oti n'oluudhi olufuunhagala ku bimera ebigonvu, ng'oti n'olumiiyirizi ku isubi eito.

Abaheburayi 1:1

Eira Katonda yayogeranga ni badhaadha baife emikuzi kamaala era mu nsambo kamaala ng'abita mu balanzi.

Abaheburayi 10:28

Omuntu amenha Amateeka ga Musa aitibwa aghazira kusaasirwa, kasita ghabaagho abadhulizi ababiri oba abasatu abamulumiriza.

Abaheburayi 10:35

Kale mutasuula ere kumwesiga kwaimwe, kuba kulimu empeera nnene.

Abaheburayi 11:26

Yabona nga okuvumwa olwa Kurisito kya mughendo inho okusinga obukombe bw'e Misiri, kuba yalowoozanga ku mpeera ye yali aja okugheebwa.

Abaheburayi 11:6

Ghazira aghanga kusiimya Katonda ng'azira kwikiriza. Kuba aja ye Katonda ateekwa okwikiriza nga Katonda aligho, era ng'agha empeera abo abamunoonia.

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.

Yuda 1:5

Mperaano nhenda okubaidhusa, waire nga mukiidhi bukalamu, nti oyo eyazaawula Abaisiraeli okuva mu Misiri, yamala yaazikiriza abo abataali na kwikiriza.