Abaheburayi 13:9 - Baibuli Ekibono kya Katonda 2014

⁹ Okwegeresa okundi kwonakwona kwe babaleetera kutabadaalimyanga. Kuba ekikulu n'ekisa kya Katonda okutugumya omwoyo, okusinga akujiira ku mateeka ag'eby'okulya agataganhulangaku abo abagajiiraku.

Abaheburayi 13:9 ပူးပေါင်းရင်းမြစ်များ

Zabbuli 112:8

Omwoyo gwe tigukyukakyuka waire okutya; okutuusa lw'abona ng'abazigu be baghangwirwa.

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 24:4

Yesu yaabairamu ati: “Mwekuume, ghalobe kubaagho abaghabya.

Luka 5:38

Aye omwenge gw'emizabbibu omusu guteekwa kuteebwa mu nsawo dha luwu mpyaka.

Ebikolwa by'Abatume 20:30

Era ni mu imwe mulivaamu abantu abalyegeresa eby'obuguya okufuna abeegeresebwa ab'okubanonereza.

Ebikolwa by'Abatume 20:32

“Era mperaano, mbagemya Katonda n'ekibono eky'ekisa kye, ekisobola okubazimba n'okubafunisa omugabo aghalala n'abo boonaboona abatukuzibwa.

Ab'e Roma 14:17

kuba Obwakyabazinga bwa Katonda tibuva mu kulya na kunhwa, aye buva mu butuufu, mu miraala na mu kusangaala, Mwoyo Mutukuvu by'atugha.

Ab'e Roma 14:2

Omugumu mu kwikiriza azira ky'atalya, aye atali mugumu mu kwikiriza alya iva lyonka.

Ab'e Roma 14:6

Kiisi akuza lunaku, akikola lwa kugheesa Musengwa kitiisa. Kiisi alya kiriibwa kyonakyona, akikola lwa kugheesa Musengwa kitiisa, kuba yeeyanza Katonda olw'emere eyo. Kiisi atakirya, akola atyo lwa kugheesa Musengwa kitiisa, era yeeyanza Katonda.

1 Ab'e Korintho 6:13

Owundi yaakoba ati: “Emere yakolerwa mabunda, ate amabunda gaakolerwa mere.” Aye Katonda alibitoolagho byombi. Omubiri tigwakolerwa bwenzi aye gwakolerwa okugheereza Musengwa, era Musengwa ni mwene mubiri.

1 Ab'e Korintho 8:8

Aye eby'okulya ghazira kye bitwongereku mu maiso ga Katonda. Katonda tatubona ng'abalungi, bwe tulya, oba okutubona ng'ababi, bwe tutalya.

2 Ab'e Korintho 1:21

Katonda n'atukakasa ife n'imwe nga mu Kurisito mwe tufunira obulamu, era mwene oyo n'eyatulobolamu.

Ab'e Galatia 6:1

Aboluganda, omuntu yeenayeena bw'ayagaanibwa ng'akoze ekisobyo kyonakyona, abo abafugibwa Mwoyo mu imwe mugwaine okumugoloza, aye nga timukozesa bukambwe. Aye mwekuumenga mwena mulobe kukemebwa.

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

Ab'Efeso 5:6

Batabaguyanga na bibono biziramu, kuba byene ebyo n'ebireetera obusungu bwa Katonda okwidha ku batamuwulira.

Ab'e Kolosai 2:4

Ndi kubakobera ebyo ghabule abaguya ng'abakobera ebibono ebisendasenda.

2 Ab'e Thessalonika 2:17

abagumye emyoyo era abaghe amaani mu birungi byonabyona bye mukola ni bye mwogera.

2 Ab'e Thessalonika 2:2

mulobe kuwubisibwa mangu mutyo mu birowoozo byaimwe, oba okutabulwa muti oba katyo olunaku lwa Musengwa lutuuse kuba musobola okuba nga mulowooza muti oba katyo twakikoba mu kulanga, oba mu kulamba oba mu mbaluwa.

1 Timotheo 6:20

Timotheo, kuumanga bukalamu bye wagemesebwa. Oteeyimbanga mu mpayo edh'abatatya Katonda, ni mu kutakana ebiziramu, abandi kwe beeta amagezi

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.

Yuda 1:12

Abantu bano bwe baba ku mbaga dhaimwe edh'okugonzania baswaza inho. Baidhirira kulya, na kunhwa, na kwefaaku bonka nga bazira na nsoni. Bali ng'oti bire ebitavaamu maadhi, ebija n'empewo. Bali ng'oti miti egitabaaku bibala mu kiseera eky'ekyengera. Bali ng'oti miti egyakuukulwagho n'emizi era ni gikalira irala.

Yuda 1:3

Bakagwa, mbairenga nhenda inho okubaghandiikira ku kulokolebwa kwaife kwe tugabanaku, aye nkyagaine nga kigwaine okubaghandiikira mbakubirize okulwanirira endhikiriza Katonda ye yagha abatuukirivu omukuzi omulala guti nga gumala.