Abaheburayi 13:4 - Baibuli Ekibono kya Katonda 2014

⁴ Obufumbo buteebwengamu ekitiisa abantu boonaboona, era obufumbo bukuumibwenga nga butukuvu, kuba abadankaanu n'abenzi, Katonda alibasalira omusango.

Abaheburayi 13:4 ပူးပေါင်းရင်းမြစ်များ

Amainhama 2:21

Agho Musengwa Katonda yaaleetera omuntu endoolo enhingi einho era bweyali ng'atendwike, yaamutoolamu olubavu lulala yaizaagho emamba mu kifo kyalwo.

Amainhama 2:24

N'olw'ensonga eyo, kyova omusaadha alekanga ise n'inhina, ni yeeyimba ghalala ni mukazi we, ababiri ni baafuuka omuntu omulala.

2 Bakyabazinga 22:14

Agho Hilikia kabona, ni Ahikamu, ni Akabori, ni Shafani, ni Asaia, baaja eri Huluda omulanzi omukazi, muka Shallumu. Shallumu oyo yali mutabane wa Tikava era mwidhukulu wa Harahasi. Omukazi oyo yabanga mu kiketezo ekiyaaka ekya Yerusalemu, era nga iba oyo Shallumu n'akuuma eiterekero ly'ebivaalo eby'omu isinzizo. Agho baayogera n'omukazi oyo ku nsonga eyo.

Yobu 31:12

Kyandibaire ng'oti n'omuliro oguzikiriza ng'ogwa geyeena, gwandisiriiziiza buli kye ndi nakyo kyonakyona.”

Isaia 8:3

Agho naaja naaba ni mukazi wange, yaatoola enda era yaazaala omwana mulenzi. Musengwa Katonda yankoba ati: “Mutuume eriina OMUNHAGO OGW'AMANGU, OKUSWANKULA BYE BANHAGULWIRE

Abalevi 15:18

Era omusaadha bw'anaabanga ng'abaire n'omukazi bombi banaabanga n'okunaaba omubiri mu maadhi, aye era baasigala nga tiibalongoofu okutuusa eigulo.

Abalevi 18:20

Otabanga na muka beene mu buliri. Ekyo kikufuula atali mulongoofu.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

1 Ab'e Korintho 5:13

Katonda alisalira abo abataikiriza omusango ng'ebyaghandiikibwa bwe bikoba biti: “Mubinge omuntu omubi abaveemu.”

1 Ab'e Korintho 6:18

Mweghalenga obwenzi. Ebibi ebindi omuntu by'akola tabikola ku mubiri gwe, aye omwenzi ayonoona ku mubiri gwe gwene.

1 Ab'e Korintho 6:9

Timwidhi ng'abakozi b'ebibi tibalingira mu Bwakyabazinga bwa Katonda? Mulobe kwerimba ghazira badankaanu, waire abasinza ebitali Katonda, waire abenzi, waire abatamiivu, waire abasaadha abadankaana ni basaadha banaibwe, oba abakazi abadankaana ni bakazi banaibwe, abalingira mu Bwakyabazinga bwa Katonda.

1 Ab'e Korintho 7:38

Kale oyo abayiza mwine ye yamala okwandhula akola bukalamu, aye asinga n'oyo atabayiriza irala.

1 Ab'e Korintho 9:5

Titugwanira kukola ng'Abatume abandi, era nga baganda ba Musengwa, era nga Petero, abatambula ni bakazi baibwe?

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Ab'e Galatia 5:19

Omubiri bye gukola tibyegisa era ni bino: Okwenda, obudankaanu, okughemula,

Ab'e Galatia 5:21

okweyendeza eby'abandi, okutamiira, okwemalira mu bibinuko, n'ebindi ebiri ng'oti n'ebyo. Mbalabula ng'oti bwe nabalabulaku eira, nti abantu abakola ebintu ebyo tibaliba na mugabo mu Bwakyabazinga bwa Katonda.

Ab'Efeso 5:5

Mumanhire irala kino muti omwenzi, omudankaanu, oba ali n'okwegomba okubi, azira mugabo mu Bwakyabazinga bwa Kurisito era obwa Katonda; kuba okwegomba okubi kwona kuba kusinza bitali Katonda.

Amateeka Agokubiri 22:22

“Omusaadha bw'anaayagaanibwanga ng'ali n'omukazi ow'omusaadha owundi mu buliri, bombi omusaadha n'omukazi baidha kwitibwanga. Mu nsambo eyo munaabanga nga mwetoireku ekibi ekyo mu Isiraeli.

1 Ab'e Thessalonika 4:6

Ku nsonga eno ey'okwebisa mu butukuvu, ghatabangagho muntu akola Mukurisito mwine bubi. Kuba nga bwe twabalabuliragho, Katonda abonereza abakola ebintu ng'oti n'ebyo.

1 Timotheo 3:12

Omugheereza ateekwa okuba n'omukazi mulala yenka, era ateekwa okuba ng'aghanga okufuga abaana be n'amaka ge bukalamu.

1 Timotheo 3:2

Omulabirizi tateekwa kubaaku ni kye bamwogeraku. Ateekwa okuba n'omukazi mulala, ateekwa okuba nga yeefuga, ataamu amagezi mu by'akola, yeebisa bukalamu, asangaalira abageni, ate aidhi okwegeresa.

1 Timotheo 3:4

Ateekwa okuba ng'aghanga bukalamu amaka ge, ng'akuuma abaana be nga bawulize era nga ba mpisa.

1 Timotheo 4:3

Abo n'abalobera abantu okubayiza oba okubayira, era ni babalobera eby'okulya ebindi Katonda bye yagha abaikiriza era abaidhi amazima, okubiryanga nga bamweyanza.

1 Timotheo 5:14

Kyenva nhenda banamwandu abato babayirenga bazaale abaana, era balabirirenga amaka gaibwe. Olwo lwe bataaleetere muzigu kuba na kaghagaanhia ka kutwogeraku bubi.

Tito 1:6

Oyo y'olonda ateekwa okuba ng'aziraku ky'anenezebwa era ng'ali n'omukazi mulala yenka. Abaana be bateekwa kuba abaikiriza mu Kurisito, era nga tibabalirwa mu balalulalu waire mu badheemu.

Abaheburayi 12:16

Mwekuume ghalobe kubaagho mwenzi oba atatya Katonda ng'Esau, eyatunda obusika bwe olw'omwiguto omulala guti.

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.