Abaheburayi 13:3 - Baibuli Ekibono kya Katonda 2014

³ Mwidhukirenga abasibe nga muli ng'oti mwena muli basibe ghalala nabo. Era mwidhukirenga abo abadaazibwadaazibwa, kuba era mwena mukaali mu mubiri.

Abaheburayi 13:3 ပူးပေါင်းရင်းမြစ်များ

Amainhama 40:23

Aye omusenero omukulu yaaloba kwogererayo Yosefu eri kyabazinga, yaamwerabirira irala.

Matayo 25:36

Nali nga mbita madu mwampa eky'okuvaala, nali mulwaire mwangenza, naaba mu ikomera mwaidha mwambona.’

Matayo 25:43

Bwe nali timanhiibwa ye muli timwansangaalira, bwe nali amadu timwampa kya kuvaala, bwe nali omulwaire, ni bwe nali mu ikomera ti mwaidha kumbona.’

Ebikolwa by'Abatume 24:23

Yaalagira omukulu ow'ekikunsu eky'abaisirukale okukuuma Paulo nga musibe, aye Paulo abe ng'alikuuku n'eidembe era ghalobe kubaagho ku bakagwa be waire mulala ati aloberwa okumugheereza.

Ebikolwa by'Abatume 27:3

Ku lunaku olwairirira twatuuka e Sidoni. Yulio yaabisa bukalamu Paulo, yaamuganha okuja ye bakagwa be okumulabirira.

Ab'e Roma 12:15

Musagambirenga ghalala n'abo abasagamba, munakughalirenga ghalala n'abo abali mu nnaku.

1 Ab'e Korintho 12:26

Bwe ghabaagho ekitundu eky'omubiri ekirumizibwa, ebitundu ebindi birumizibwa ghalala nakyo. Era bweghabaagho ekitundu ekigheebwa ekitiisa, ebitundu ebindi bisagambira ghalala nakyo.

Ab'Efeso 4:1

Kale nze eyasibwa olw'okugheereza Musengwa, mbeeghemba mwebise mu nsambo egwanira obulamu bwe mwayeterwa.

Ab'e Kolosai 4:18

Ninze Paulo mpandiise okulamusa kuno n'omukono gwange gwene. Mundidhukirenga mu busibe bwange. Enkabi dha Katonda dhibe n'imwe.

Abaheburayi 10:34

Mwalumirwa ghalala n'abasibe era bwe mwanhagibwaku ebyaimwe mwaguminkiriza n'eisanhu, nga mwidhi muti muli n'ekibisinga obukalamu era eky'olubeerera.

Abaheburayi 11:37

Baabakuba amabaale baabasalamu ghabiri n'emisumeeni, baitibwa n'empiima. Baabitanga nga bavaire amawu g'entaama n'ag'embuzi, nga bazira kantu, nga badaagadaaga, baabisibwa bubi,

1 Petero 3:8

Ekisembayo mwisanienga mwenamwena era nga mulumirwagana. Mugonzenga aboluganda era mubenga ba kisa era abawombeefu.