Abaheburayi 13:20 - Baibuli Ekibono kya Katonda 2014

²⁰ Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,

Abaheburayi 13:20 ပူးပေါင်းရင်းမြစ်များ

2 Samueli 23:5

Bwenebwene atyo Katonda bw'ali eri ab'olulyo lwange, kuba yakola ninze endagaano ey'olubeerera, endagaano ensengeke obukalamu era etalivaagho. Nkakasa nti aidha kumbeeranga mu buli kintu, era ampenga byonabyona bye nhenda.

1 Ebyomubyanda 16:17

Endagaano eyo yagikola n'omugheereza we Yakobo, yaagitaagho ng'eiteeka era ng'endagaano n'Abaisiraeli etaliwaagho,

2 Ebyomubyanda 30:12

Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

Zabbuli 23:1

Musengwa Katonda n'omwayi, nze ndi ntaama ye era nzira kye ndhulirira.

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Okuvaayo 24:8

Agho Musa yaatoola omusaayi yaagumansira ku bantu nga bw'akoba ati: “Omusaayi n'akamanhiso akakakasa endagaano Musengwa Katonda y'akoze n'imwe ng'ebibono bino byonabyona bwe bikoba.”

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Isaia 61:8

Musengwa Katonda akoba ati: “Nze nhenda abo abakola amazima, aye nkyagha abo abanhazi n'abakozi b'ebibi. Ndigha abantu bange empeera yaibwe nga njiira ku mazima, era naakola nabo endagaano ey'ebyanda n'ebyanda.

Isaia 63:11

Agho baidhukira ebyaligho eira mu biseera bya Musa omugheereza wa Musengwa Katonda, baabuuza bati: “Musengwa Katonda ali gha, eyasomosa abakulembeze b'abantu n'abawonia enhandha? Musengwa Katonda oyo ali gha, eyasindika omwoyo gwe omutukuvu mu bantu be?

Yeremia 32:40

Ndikola nabo endagaano etaliwaagho. Tirirekeranga kubakolera birungi. Ndibaleetera okuntangamu ekitiisa n'omwoyo gwaibwe gwonagwona, babe nga tibakairayo kunvaaku.

Ezekieli 34:23

Ndidhiteeragho omwayi mulala yenka, ali ng'oti n'omugheereza wange Daudi. Oyo n'alidhirabiriranga ng'omwayi waadho.

Ezekieli 37:24

Kyabazinga ali ng'oti n'omugheereza wange Daudi, n'aja okubafuganga boonaboona, nga bali ng'oti ntaama edhiriku omwayi omulala. Baidha kukuumanga ebiragiro byange era bajiirenga ku mateeka gange.

Ezekieli 37:26

Ndikola nabo endagaano ey'emiraala etawaagho byanda na byanda. Naabagha enkabi beeyongera obungi, era naabataamu eisinzizo lyange libabeemu ebyanda n'ebyanda.

Zekaria 9:11

Musengwa Katonda akoba ati: “Olw'endagaano ye nakola n'imwe, n'eteebwaku n'akamanhiso ak'omusaayi ogw'ensolo edh'emisengo, ndirekula abantu baimwe baaba ba idembe, naabatoola mu biina ebitaalingamu maadhi, mwe baabasibiranga nga bali mu bunhage.

Matayo 26:28

kuba guno musaayi gwange, ogw'endagaano empyaka oguyuyibwa olw'abantu kamaala okusoniyibwa ebibi.

Mariko 14:24

Era yaabakoba ati: “Guno n'omusaayi gwange ogw'endagaano empyaka ogunaayuyika ku lw'abantu kamaala.

Luka 22:20

Mu nsambo n'endala yatoola ekikopo nga bamaze okulya yaakoba ati: “Ekikopo kino n'endagaano ya Katonda empyaka ekolebwa n'omusaayi gwange ogufukibwa ku lwaimwe.]

Yoanne 10:11

“Ninze omwayi omulungi, omwayi omulungi aghaayo obulamu bwe olw'entaama dhe.

Yoanne 10:14

Ninze omwayi omulungi. Edhange ndiidhi era dhoona dhindidhi,

Ebikolwa by'Abatume 13:30

Aye Katonda yaamuzuukiza mu bafu.

Ebikolwa by'Abatume 17:31

kuba yataagho olunaku, lw'aja okusaliraku ensi yoonayoona omusango mu mazima ng'abita mu muntu ye yalonda, era kino yakikakasa abantu boonaboona bwe yazuukiza omuntu oyo.”

Ebikolwa by'Abatume 2:24

Aye oyo Katonda yamuzuukiza yaamutoola mu bulumi obw'okufa, nga tikisoboka oyo kusigala mu maani ga kufa

Ebikolwa by'Abatume 2:32

Yesu ono, Katonda yamuzuukiza, era twenatwena tuli badhulizi b'ekyo.

Ebikolwa by'Abatume 3:15

Mwaita mwene bulamu, oyo Katonda ye yazuukiza mu bafu, era ife tuli badhulizi b'ekyo.

Ebikolwa by'Abatume 4:10

imwe mwenamwena n'abantu ba Isiraeli boonaboona, kino mugwaine mukimanhe nga mu liina lya Yesu Kurisito Omunazarethi, ye mwakomerera ku musalaba, Katonda yamuzuukiza mu bafu, ono n'okwemerera ghano mu maiso gaimwe nga mulamu yeenayeena.

Ebikolwa by'Abatume 5:30

Katonda wa badhaadha baife yazuukiza Yesu ye mwakomerera ku musalaba n'afa.

Ab'e Roma 1:4

aye mu butukuvu obuva mu Bwakatonda bwe, bwe yazuukizibwa mu bafu, yaboneka ng'ali n'amaani mangi ng'Omwana wa Katonda.

Ab'e Roma 10:7

“Waire okukoba oti naani aliika e magombe?” Ekitegeeza okutoola Kurisito mu bafu.

Ab'e Roma 15:33

Katonda mwene kugaba miraala, abe n'imwe mwenamwena. Amiina.

Ab'e Roma 16:20

Kale ni Katonda ensimuko ey'emiraala gyaife, mangu inho aja kutyankirira Sitaani ghansi gh'ebigere byaimwe. Enkabi dha Musengwa waife Yesu Kurisito dhibenga n'imwe.

Ab'e Roma 8:11

Oba nga Mwoyo wa Katonda eyazuukiza Yesu ali mu imwe, kale oyo eyazuukiza Kurisito Yesu, emibiri gyaimwe egifa gyona aligigha obulamu ku bwa Mwoyo we ali mu imwe.

1 Ab'e Korintho 14:33

kuba Katonda tayenda tube mu kudoobaana, aye ayenda tube miraala, nga bwekiri mu Bikunsu eby'Abaikiriza mu Kurisito byonabyona.

1 Ab'e Korintho 15:15

Era ni Katonda tuba tumusibaku by'ataakola, kuba twakakasa nga Katonda yazuukiza Kurisito, y'ataazuukiza bwe kiba ekituufu ng'abafu tibazuukira.

1 Ab'e Korintho 6:14

Era Katonda eyazuukiza Musengwa twena alituzuukiza mu maani ge.

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

2 Ab'e Korintho 4:14

Twidhi nga Katonda eyazuukiza Musengwa Yesu, twena alituzuukiza ni Yesu, yaatutwala mu maiso ge ghalala n'imwe.

Ab'e Galatia 1:1

Ninze Paulo omutume, obutume buno tibwampeebwa muntu waire okubisibwa mu muntu, aye bwampeebwa Yesu Kurisito mwene, ni Katonda Lata waife eyamuzuukiza.

Ab'Efeso 1:20

n'ago geene agaazuukiza Kurisito, ni gamutyamya mu igulu ku mukono omusaadha ogwa Katonda,

Ab'e Filippi 4:9

Era mukolenga ebyo bye nabeegeresa, era ni bye nabagemya mu bibono byange era ni mu bye nakolanga. Era Katonda mwene kugha miraala aidha kubanga n'imwe.

Ab'e Kolosai 2:12

Mu kubatizibwa mwaziikibwa ghalala naye, era mwazuukizibwa ghalala naye, olw'okwikiriza kwaimwe kwe muli nakwo mu maani ga Katonda eyamuzuukiza okuva mu bafu.

1 Ab'e Thessalonika 1:10

Era n'okulindirira Omwana we Yesu okuva mu igulu oyo ye yazuukiza okuva mu bafu, atuwonia ekiruyi kya Katonda ekiri kwidha.

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

2 Ab'e Thessalonika 3:16

Musengwa omugabi w'emiraala, mwene abaghenga emiraala buliidho era ni mu buli nsambo. Musengwa abenga n'imwe mwenamwena.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Abaheburayi 9:20

nga bw'akoba ati: “Guno n'omusaayi ogukakasa endagaano Katonda y'abateereiregho.”

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

1 Petero 2:25

Mwali ng'oti n'entaama edhibuze, aye mperaano mwiziibwa y'Omwayi era Omukuumi w'emyoyo gyaimwe.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.