Abaheburayi 13:16 - Baibuli Ekibono kya Katonda 2014

¹⁶ Timwerabiranga kukola bukalamu n'okubeeragana kuba egyo n'emisengo Katonda gy'asiima.

Abaheburayi 13:16 ပူးပေါင်းရင်းမြစ်များ

Zabbuli 37:3

Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Zabbuli 51:19

Olwo oidha kufuna emisengo gyene emituufu gy'osiima, olwo osanhukire mu bigheebwayo ebyokebwa, n'ebyo ebyokebwa ebiromba, n'ente enume dhigheebweyo ku alutaari yo.

Luka 18:22

Yesu bwe yawulira ekyo yaamukoba ati: “Okaabuzaayo ekintu kirala. Ja otoole by'oli nabyo byonabyona ogabire abaavu, eby'obukombe oliba nabyo mu igulu era oidhe obitenga ninze.”

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 9:36

Mu Yoppa mwalimu omukazi nga eriina lye ni Tabitha oba Dorukasi, ekitegeeza, empongo. Omukazi ono, yakolanga ebikolwa ebirungi era n'eby'ekisa.

Ab'e Roma 12:13

Mutoolenga ku byaimwe mughenga abantu ba Katonda. Musangaalirenga abageni.

Ab'e Galatia 6:10

Agho ni buli lwe tunaafunanga akaghagaanhia, tugwaine tukolerenga abantu boonaboona ebirungi n'okusingira irala abo be tuli nabo mu kika ekirala mu kwikiriza.

Ab'e Galatia 6:6

Oyo ayegeresebwa ekibono, atoole ku bibye byonabyona agheeku oyo amwegeresa.

Ab'Efeso 4:28

Abaire aiba akange agho, aye afube kukola ng'akozesa emikono gye asobole n'okugabiraku abaavu.

Ab'e Filippi 4:14

Aye mwakola bukalamu okundhiruukirira mu bizibu byange.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

1 Ab'e Thessalonika 5:15

Ghatabangagho mu imwe eyeesasuuza ng'akoleibwa ekibi, aye buliidho buli muntu afubenga okukolera mwine obukalamu, era n'okukoleranga obukalamu abantu boonaboona.

2 Ab'e Thessalonika 3:13

Aboluganda, mutakooghanga kukola bikalamu.

1 Timotheo 6:18

Bagwaine okukola obulungi, babe bakombe mu bikolwa ebirungi, aby'ekisa era eby'obugabi.

Filemoni 1:6

Era nsaba nti okwisania kwaife n'iwe mu kwikiriza, kutwongere okumanha ebirungi bye tuli nabyo mu Kurisito.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

3 Yoanne 1:11

Mukagwa, mu bikolwa byo otaboneranga ku bakozi ba bibi, aye boneranga ku bakozi ba bikalamu. Yeenayeena akola ebikalamu aba wa Katonda ate kiisi akola bibi ng'oyo tabonanga ku Katonda.