Abaheburayi 13:12 - Baibuli Ekibono kya Katonda 2014

¹² Kale Yesu yeena kyeyava n'adaazibwadaazibwa ku luya kw'ekibuga, aghange okutukuza abantu n'omusaayi gwe.

Abaheburayi 13:12 ပူးပေါင်းရင်းမြစ်များ

Abalevi 24:23

Agho Musa ng'amaze okukobera ebyo Abaisiraeli, baatwala oyo eyakolima mu kifo aghazira weema dha bantu, baamukuba amabaale yaafa. Mu nsambo eyo Abaisiraeli baakola nga Musengwa Katonda bweyakoba Musa.

Okubala 15:36

Kale abantu boonaboona baamutoola mu ekifo ghe baasimba weema dhaibwe, baaja baamukuba amabaale yaafa, nga Musengwa Katonda bweyalagira Musa.

Luka 4:29

Baasituka baamubingira ku luya okw'ekibuga, baamutwala ku mpumi ey'olusozi ekibuga kyaibwe kwe kyazimbibwa, nga benda bamusuule ghansi.

Yoanne 17:19

Nze neeghaayo ku lwaibwe, memale boona beegheeyo mu mazima.

Yoanne 19:34

Aye omwisirukale owundi yaatoola eifumo yaalifumita Yesu mu mbavu, era olwamufumita ati ghaavaagho omusaayi n'amaadhi.

Ebikolwa by'Abatume 7:58

Baamufulumya mu kibuga, baamukuba amabaale. Abadhulizi baata engoye dhaibwe gha bigere by'omwisuka eriina lye Saulo.

1 Ab'e Korintho 6:11

Era abandi ku imwe mutyo bwe mwali, aye mwanaazibwa mwafuulibwa bantu ba Katonda era abatuufu eri Katonda, mu liina lya Musengwa waife Yesu Kurisito, ni mu Mwoyo wa Katonda.

Ab'Efeso 5:26

Yaakitukuza ng'akinaaza n'amaadhi n'ekibono,

Abaheburayi 10:10

Twatukuzibwa, kuba Yesu Kurisito yakola ekyo Katonda kye yayenda bwe yaghaayo omubiri gwe omukuzi omulala guti nga gumala.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Abaheburayi 2:11

Kuba oyo abatukuza, n'abo abatukuzibwa boonaboona bali ni iseibwe mulala. Kyava Yesu tagemwa nsoni kubeeta baganda be,

Yoshua 7:24

Yoshua n'Abaisiraeli abandi boonaboona baagema Akyani, ni feeza, n'ekivaalo, n'ekitundu kya zaabu era okwo kwe baateera ni batabane ba Akyani ni baghala be, n'ente, n'endogoyi, n'entaama, ni weema ye, na kiisi kintu kyonakyona ekikye. Baabatwala mu kyetebwa Ekiiko eky'Ebizibu.

Okwolekebwa 14:20

Emizabbibu gyakunhirwa mu ikunhiro kuliya kw'ekibuga, mwavaamu omusaayi gwakuuluula ng'amagulu ag'embalaasi eyemereire gabuliramu, gwakuuluula kilo mita ng'ebikumi bisatu (300).