Abaheburayi 13:11 - Baibuli Ekibono kya Katonda 2014

¹¹ Olw'ekyo Omukulu wa Bakabona atwala omusaayi gw'ensolo mu Kifo Ekitukuvu Einho, yaagughaayo olw'ebibi, aye emamba yaadho yaayokebwa luuyi etaba bantu.

Abaheburayi 13:11 ပူးပေါင်းရင်းမြစ်များ

Okuvaayo 29:14

Aye emamba ey'ente eyo n'oluwu lwaku era n'obusa, oidha kubyokya omuliro mu kifo aghazira weema dha bantu, ng'ekigheebwayo ekyokebwa olw'ebibi.

Ezekieli 43:21

Era olitwala ente eyo enume ey'ekigheebwayo olw'ebibi, baagyokera mu kifo eky'eisinzizo ekyateebwagho okwokerwangamu, kuliya okw'eisinzizo.

Abalevi 16:27

Ente enume n'embuzi edh'ekigheebwayo olw'ebibi, dheene musaayi ogwingizibwa mu Kifo Ekitukuvu olw'okukola omukolo ogw'okutukuza, dhinaafulumizibwanga ku luya dhaatwalibwa mu kifo omutaba bantu, dhaayokebwa. Amawu, emamba n'ebyenda byadho, binaayokebwanga.

Abalevi 6:11

Agho anaatoolangamu ebivaalo ebyo yaavaala ebindi, yaatwala eivu kuliya kwa weema, mu kifo ekirongoofu.

Abalevi 6:30

Aye omusaayi gwakyo bwe gunaaleetebwanga mu Weema ey'Okwagaananirangamu ni Musengwa Katonda, era ni gukozesebwa mu musengo ogugheebwayo olw'ebibi, olwo tikiiriibwengaku kinaayokebwanga bwokebwe.

Abalevi 9:11

Aye emamba n'oluwu, yaabyokera kuliya kw'ekifo abantu kye baasimbamu weema dhaibwe.

Abalevi 9:9

Batabane be baamuleetera omusaayi gw'ente eyo, yainhikamu olwala, yaagutoonhia ku bintu ebiri ng'oti mayiga ga nsolo ebiri ku alutaari ogwasigalagho yaagufuka ku ntobo y'alutaari eyo.

Okubala 19:3

Ente eyo mwidha kugigha Eleazari kabona, etoolebwe mu kifo abantu ghe baasimba weema dhaibwe, eje eitirwe eyo embali nga Eleazari abona.

Okubala 19:7

Bw'anaamala aidha kunaaba omubiri n'amaadhi era ayoze n'ebivaalo bye, memale aire mu kifo abantu ghe baasimba weema dhaibwe, aye era aidha kusigala nga tiimulongoofu okutuusa olw'eigulo.