Abaheburayi 12:7 - Baibuli Ekibono kya Katonda 2014

⁷ Bwe mukangaivulwanga, muguminkirizenga, kuba Katonda abakangaivula ng'abaana be. Kale mwana ki ise y'atakangaivula?

Abaheburayi 12:7 ပူးပေါင်းရင်းမြစ်များ

2 Samueli 7:14

Nze ndiba lata we ate mwene yaaba mwana wange. Bw'anaakolanga ekibi ndidha kumukangaivulanga ng'omuzaire bw'akangaivula omwana we.

1 Bakyabazinga 1:6

Lata we Daudi, yali nga tamuneniangaku mu kintu kyonakyona. Adoniya oyo yali mulungi mu mboneka ye, era nga ni muto wa Abusalomu amwiraku.

Ensambo 13:24

Ole atayenda kubonereza mwana we aba amukyagha, aye ole agonza omwana we afuba okumukangaivula.

Ensambo 19:18

Kangaivula omwana wo nga ghakaaligho eisuubi ery'okumugolola, otamuleka kuzikirira.

Ensambo 22:15

Kiri mu butonde obw'omwana omuto okukola eby'ekisiru, aye omwigo gubimutoolamu.

Ensambo 29:15

Okukangaivula n'okunenia byegeresa, aye omwana alekebwa agho atyo n'atakobwaku, aswaza omuzaire we.

Ensambo 29:17

Kangaivulanga omwana wo, aidha kukweyagazanga; era akufuulenga okuba omusangaavu.

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

1 Ab'e Korintho 11:32

Aye Musengwa bw'atusalira omusango n'atukangaivula, atwegeresa tulobe kusalirwa musango kutusinga aghalala n'ensi.

Amateeka Agokubiri 8:5

Kale ni mukimanhenga muti, ng'omuntu bw'akangaivula omwana we, ni Musengwa Katonda waimwe atyo bw'abakangaivula imwe.

1 Samueli 2:29

Lwaki timwisa kitiisa mu misengo gyange n'ebigheebwayo byange bye nalagira abantu bange okumpa? Iwe Eli, lwaki ogha batabane bo ekitiisa ekinene okusinga ky'ompa nze, ni mugeedhera ku bisinga obulungi, mu ebyo abantu bange Abaisiraeli bye baghaayo?

1 Samueli 2:34

Era kino ekija okutuuka ku batabane bo bombi, Hofuni ni Finehasi, kiidha kuba akamanhiso akakakasa; bombi baja kufa ku lunaku lulala.

1 Samueli 3:13

Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.