Abaheburayi 12:3 - Baibuli Ekibono kya Katonda 2014

³ Mwidhukire bwe yagumira okutakana n'obukyayi obw'aboonooni, olwo mulobenga kuwaamu maani;

Abaheburayi 12:3 ပူးပေါင်းရင်းမြစ်များ

Ensambo 24:10

Bw'owaamu amaani mu kiseera ekizibu, oba oli munafu.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Matayo 11:19

Ate Omwana ow'Omuntu yaidha ng'alya era ng'anhwa, baakoba bati, ‘Mubone omusaadha omulyalya, omutamiivu, mukagwa w'abaghooza era n'aboonooni.’ Ate nga obutuufu bw'amagezi bubonekera mu bikolwa byago.”

Matayo 12:24

Aye Abafarisaayo olwakiwulira baakoba bati: “Ono emizimu emibi tagibinga na buyinza bundi, okutoolaku obwa Beelezebulu omukulu waagyo.”

Matayo 15:2

“Lwaki Abeegeresebwa bo baloba okugema empisa dha badhaadha dhe baatulekera? Tibanaaba mu ngalo dhaibwe nga baja okulya omugaati.”

Matayo 21:23

Agho Yesu yaidha mu isinzizo, era bwe yali ayegeresa Bakabona Abakulu n'abakulu ab'ebika baaseeta gh'ali baamukoba bati: “Buyinza ki obukukoza bino, era naani eyakugha obuyinza obwo?”

Matayo 21:46

Baagezaaku okumugema, aye baatya olukunkumuli olw'abantu abaali bamwidhi nga mulanzi.

Matayo 22:15

Agho Abafarisaayo baaja beekobaana engeri ye baghanga okumuleba mu by'ayogera.

Luka 14:1

Agho olwatuuka Yesu yaaja okulya ew'omukulu ow'Abafarisaayo mulala, baamulingirira inho.

Luka 15:2

Abafarisaayo n'Abanamateeka mule baaduuduuma nga bakoba bati: “Ono asangaalira aboonooni era yaalya nabo!”

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Luka 5:21

Abanamateeka n'Abafarisaayo baatoolera okwebuuza nga bakoba bati: “Ono naani ayogera ebivuma Katonda? Naani aghanga okusonigha ebibi okutoolaku Katonda yenka?”

Yoanne 10:20

Bangi ku abo baakoba bati: “Aliku omuzimu omubi era mulalu, muwulirisa wa ki?”

Yoanne 18:22

Yesu bwe yakoba ebyo, omukuumi mulala ku baali beemereire agho yaamukuba oluyi ng'akoba ati: “Otyo bw'oiramu Omukulu wa Bakabona.”

Yoanne 5:16

Agho ni Abayudaaya baakiriga Yesu, kuba yakola kino ku Sabbato.

Yoanne 7:12

Ghaabaagho okuduuduuma kungi mu biyindi eby'abantu nga bamwogeraku. Abandi nga bakoba bati: “Musaadha mukalamu.” Ate abandi bati: “Busa, akiidhamya bwa bantu.”

Yoanne 8:13

Agho Abafarisaayo baamukoba bati: “Oli kweghaaku mwene obudhulizi, obudhulizi obubwo mwene tibuba bwa mazima.”

Yoanne 8:52

Agho Abayudaaya baamukoba bati: “Mperaano tukakaisa tuti oliku omuzimu omubi! Aburahamu yafa n'abalanzi boona baafa, aye iwe okoba oti yeenayeena akalangukira ku kibono ky'omugha talifa.

Yoanne 8:59

Agho baalonda amabaale nga benda bagamukube, aye Yesu yeegisa era yaava mu isinzizo.

Yoanne 9:40

Abandi ku Bafarisaayo abaali agho naye, bwe baawulira ekyo baamukoba bati: “Otakoba oti ife tuli batulu?”

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

2 Ab'e Korintho 4:1

Katonda mu kusaasira kwe yatugha omulimo guno okugukola, kale tutawaamu maani.

2 Ab'e Korintho 4:16

Kale ni tituwaamu maani. Kuba waire mu mubiri tuja nga tunafugha, mu mwoyo tuja nga twiramu amaani buli lunaku.

Ab'e Galatia 6:9

Kale ka tulobe kukoogha mu kukola obukalamu; kuba bwe tutawaamu maani, ekiseera eky'okukungula bwe kirituuka tulifuna okukungula okw'omwero.

Amateeka Agokubiri 20:3

Yaabakoba ati, ‘Imwe Abaisiraeli muwulire! Olwaleero muli kuja okulwanisa abazigu baimwe. Mulobenga kuwaamu myoyo, oba okutya, waire okudhugumira. Abazigu baimwe balobe kubamalamu maani.

2 Ab'e Thessalonika 3:13

Aboluganda, mutakooghanga kukola bikalamu.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Abaheburayi 12:5

Mwerabiire Katonda bw'abalamba ng'abaana be? Akoba ati: “Mwana wange tonhoomanga kukangaivula kwa Musengwa. Era towangamu maani bw'akubonerezanga.

Abaheburayi 3:1

Kale ni aboluganda abatukuvu, nga mwena bwemwayetebwa n'okwetebwa okuva mu igulu, mulowooze ku Yesu omutume era Omukulu wa Bakabona mu kwikiriza kwaife.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

Okwolekebwa 2:3

Ndidhi ng'oguminkiriza, waagumira ebizibu olw'eriina lyange, waaloba kuwaamu maani.

1 Samueli 12:24

Kale ni mwisenga mu Musengwa Katonda ekitiisa, mumugheerezenga nga muli beesigwa n'omwoyo gwaimwe gwonagwona, nga mwidhukira ebintu ebikologho by'abakoleire.