Abaheburayi 12:28 - Baibuli Ekibono kya Katonda 2014

²⁸ Kale twebazenga olw'okufuna Obwakyabazinga obutatengeesebwa, era tusinzenga Katonda mu nsambo emusiimya, nga tumutaamu ekitiisa era nga tumutya

Abaheburayi 12:28 ပူးပေါင်းရင်းမြစ်များ

Abaheburayi 13:15

Kale buliidho tughenga Katonda omusengo ogw'okumusaaka nga tubita mu Yesu, nga twatula eriina lye n'eminwa gyaife.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Zabbuli 2:11

Mugheereze Musengwa Katonda nga mumutya,

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Zabbuli 19:14

Nkusaba osiime bye ndhogera era osiime n'ebidhuubo ebindi ku mwoyo. Wo Musengwa Katonda, niiwe olubaale mwe neegisa, era niiwe omulwanirizi wange!

Okwolekebwa 1:6

yaatufuula obwakyabazinga, era yaatufuula bakabona ba Katonda Ise. Agheebwenga ekitiisa n'obuyinza ebyanda n'ebyanda. Amiina.

Isaia 56:7

“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.

Ab'e Roma 11:20

Kino kituufu. Dhaawogolwaku olw'obutaikiriza bwadho era iwe kwikiriza n'okukubeesiisaagho. Kale oteesuuta, weekuume.

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

1 Petero 2:20

Naani abasaaka bwe muguminkiriza nga mubonerezeibwa olw'okukola obubi? Aye bwe muguminkiriza nga mudaazibwadaazibwa olw'okukola obukalamu, musiimibwa Katonda.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Okwolekebwa 5:10

Wabafuula obwakyabazinga era waabafuula bakabona ba Katonda waife ab'okufuga ku nsi.”

Abaheburayi 10:19

Kale aboluganda, mperaano tusobola okwingira mu Kifo Ekitukuvu Einho, nga tuzira kutya kuba Yesu yafa ku lwaife.

Abaheburayi 3:6

Aye Kurisito yali mwesigwa ng'omwana akulira enhumba ya Katonda era ife niife enhumba ya Katonda kasita tukalanguka era ni twesiimira mu kusuubira.

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Ensambo 28:24

Ole anhaga ku bazaire be ebyaibwe ng'alowooza ati ti kibi, aba n'ekirala n'omutemo.

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Ab'Efeso 5:10

Mufubenga okumanha ekisangaaza Musengwa.

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Luka 1:33

Alifuga ekika kya Yakobo ebyanda n'ebyanda, era Obwakyabazinga bwe tibulikoma.”

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.