Abaheburayi 12:26 - Baibuli Ekibono kya Katonda 2014

²⁶ Ku olwo eiroboozi lye lyatengeesa ensi, aye ku luno yeesoomera ati: “Kabiri ndidha kwiramu okutengeesa, ti nsi yonka aye n'eigulu.”

Abaheburayi 12:26 ပူးပေါင်းရင်းမြစ်များ

Okuvaayo 19:18

Olusozi Sinai lwaidhula omwosi, kuba Musengwa Katonda yalwikaku ng'ali mu muliro. Era omwosi ogwaluvangaku okuja ghaigulu nga guli ng'oti n'oguva mu kifo aghookerwa ebiwumbe olusozi lwonalwona lwatengeeta bubi inho.

Isaia 13:13

Ku lunaku nze Musengwa Katonda Afuga Amagye lwe ndiragiraku obusungu obubitirivu, ndidhugumiza eigulu, n'ensi yaaseetuka okuva mu kifo kyayo.

Isaia 2:19

Abantu balingira mu mpuku edh'omu gabaale, ni mu biina mu itaka, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 66:22

“Ng'eigulu eiyaaka n'ensi empyaka bye ndikola bwe birisigalagho mu maiso gange, n'eizaire lyaimwe lityo bwe lirisigalagho era n'eriina lyaimwe lyona lyasigalagho.

Yoeli 3:16

Musengwa Katonda awologoma ku lusozi Sioni era yaakaabuka mu Yerusalemu, eigulu n'ensi byatengeeta. Aye Musengwa Katonda oyo n'ekifo abantu be Abaisiraeli mwe balumukira okwewonia, era n'ekifo mwe beewogoma.

Habakkuku 3:10

Ensozi dhaakubona dhaatengeeta; amaadhi ag'amaani gaayuyika. Amaadhi ag'enhandha gawolomboka era geefuukuula inho.

Haggai 2:21

Yaamukoba aje ye Zerubbabeli omufuzi wa Buyudaaya, amukobe ati: “Nze Musengwa Katonda ndi kumpi okutengeesa eigulu n'ensi,

Haggai 2:22

ntoolegho obwakyabazinga obw'amaghanga, era nkomye obuyinza bwago. Ndidha kusuula ere ebigaali by'omu lutalo n'abavuzi baabyo. N'embalaasi dhiidha kufa, n'abavuzi baadho baitagane beene na beene.

Abaheburayi 12:27

Okukoba ati: “Ndidha kwiramu”, kitegeeza okutoolwagho ku ebyo ebitengeesebwa n'ebyo ebyatondebwa, memale olwo ebitatengeesebwa bisigalegho.

Abalamuzi 5:4

Wo Musengwa Katonda, bwe wava mu Seiri, n'ova mu kiketezo eky'e Edomu, ensi yatengeeta n'eigulu lyagwisa amaadhi. Bwenebwene amaadhi gaafukumuka okuva mu bire.