Abaheburayi 12:24 - Baibuli Ekibono kya Katonda 2014

²⁴ Mwidhie ye Yesu eyakwania endagaano empyaka. Mwidhie y'omusaayi ogumansirwa, ogwogera ebikalamu okusinga ogwa Abeli.

Abaheburayi 12:24 ပူးပေါင်းရင်းမြစ်များ

Amainhama 4:10

Musengwa Katonda yaakoba ati: “Kiki kino ky'okoze? Omusaayi gwa muganda wo guli kundirira okuva ghansi olw'okwenda okwesasuuza.

Okuvaayo 24:8

Agho Musa yaatoola omusaayi yaagumansira ku bantu nga bw'akoba ati: “Omusaayi n'akamanhiso akakakasa endagaano Musengwa Katonda y'akoze n'imwe ng'ebibono bino byonabyona bwe bikoba.”

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Abalevi 1:5

Anaitiranga ente agho mu maiso ga Musengwa Katonda, era bakabona ab'oku lulyo lwa Aaroni baatwala omusaayi, baagumansira ku ndhuyi dhoonadhoona edh'alutaari eri ku mulyango gw'Eweema ey'Okwagaananirangamu ni Musengwa Katonda.

Matayo 23:35

Agho ni mulibaaku omusango olw'omusaayi ogw'abatuufu ogwayuyibwa mu nsi, okuva ku musaayi gwa Abeli ataali na musango okutuuka ku musaayi gwa Zekaria omwana wa Berakia ye mwaitira ghagati gh'eisinzizo n'alutaari.

Matayo 26:28

kuba guno musaayi gwange, ogw'endagaano empyaka oguyuyibwa olw'abantu kamaala okusoniyibwa ebibi.

Mariko 14:24

Era yaabakoba ati: “Guno n'omusaayi gwange ogw'endagaano empyaka ogunaayuyika ku lw'abantu kamaala.

Luka 11:51

okuva ku musaayi gwa Abeli okutuuka ku musaayi gwa Zekaria eyaitirwa ghagati gh'alutaari n'eisinzizo. Bwenebwene nga bwe mbakobeire, ab'oluse luno balibuuzibwa omusaayi ogwo.

Luka 22:20

Mu nsambo n'endala yatoola ekikopo nga bamaze okulya yaakoba ati: “Ekikopo kino n'endagaano ya Katonda empyaka ekolebwa n'omusaayi gwange ogufukibwa ku lwaimwe.]

Ab'e Galatia 3:20

Aye omuntu agemagania okubaagho, kyoleka nga ghaligho endhuyi ibiri aye ate Katonda ali mulala.

1 Timotheo 2:5

kuba ghaligho Katonda mulala ati, era oyo agemagania abantu ni Katonda ali mulala, n'oyo Omuntu Kurisito Yesu.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Abaheburayi 11:28

Okwikiriza n'okwamuleetera okutaagho Ekibinuko ky'Okubitizibwa, yaamansira omusaayi, olwo Namuzisa alobe kwita baana baibwe abalenzi ababeri.

Abaheburayi 11:4

Okwikiriza n'okwasobozesa Abeli okughaayo ye Katonda omusengo omukalamu ogusinga ogwa Kaini, era mwe yabita Katonda okumubala okuba omutuufu, kuba Katonda yasiima ebirabo bye. Era olw'okwikiriza kwe waire yafa, akaayogera.

Abaheburayi 13:20

Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,

Abaheburayi 7:22

Kino kifuula Yesu okugha obweyamo okubona ng'endagaano esinga bukalamu etuukirizibwa.

Abaheburayi 8:13

Katonda bw'ayogera ku ndagaano empyaka aba akairiya eyo eyasooka era ekyo ekikula ni kikairigha, kiba kiri kumpi okuwaagho.

Abaheburayi 8:6

Aye mperaano Kurisito yagheebwa obugheereza obusinga einho obw'abo, era ng'oti n'endagaano y'alimu ng'akwania bw'esinga ere eyasooka, kuba yakolebwa nga by'esuubiza n'ebisinga.

Abaheburayi 8:8

Kuba Katonda anenia abantu be ng'akoba ati: “Musengwa akoba ati ekiseera kiri kwidha, mwe ndikolera endagaano empyaka n'abantu ba Isiraeli, era n'abantu ba Yuda

Abaheburayi 9:15

Kale ni Kurisito n'akwania endagaano empyaka, abo abaasuubizibwa ebirungi ebitawaagho babifune. Kuba yafa, yaanunula abantu mu bibi byaibwe bye baakolanga nga bakaafugibwa endagaano eyasooka.

Abaheburayi 9:19

Musa bwe yamala okukobera abantu ebiragiro byonabyona ebiri mu Mateeka, yatoola omusaayi ogw'ente ento n'ogw'embuzi, ghalala n'amaadhi, n'obuviiri bw'entaama obwa kasaayisaayi, n'akati akeetebwa hissopu, yaamansira ku kitabo ni ku bantu boonaboona,

Abaheburayi 9:21

Era mu nsambo n'endala Musa yamansira omusaayi ku weema ni ku bintu byonabyona ebyakozesebwanga mu kusinza.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.