Abaheburayi 12:23 - Baibuli Ekibono kya Katonda 2014

²³ Mwidhie mu lwekobaano olw'abaana ababeri abaaghandiikibwa mu igulu, ni ye Katonda omulamuzi w'abantu boonaboona, era ni y'emyoyo gy'abatuufu abaafuulibwa abatuukiriire.

Abaheburayi 12:23 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

Zabbuli 111:1

Mwenamwena musaake Musengwa Katonda. Ndidha kusiimanga Musengwa Katonda n'omwoyo gwange gwonagwona, nga ndi mu bantu abeesoloiza okumusinza.

Zabbuli 69:28

Amaina gaibwe ka gasasibwe mu kitabo eky'obulamu; gatoolebwe mu lukalala olulimu abatuufu.

Zabbuli 89:27

Ndimufuula mutabane wange omuberi, kyabazinga omukologho asinga bakyabazinga boonaboona ab'oku nsi.

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Zabbuli 94:2

Situkiramu, niiwe asalira ensi emisango, abo abeebona nga ba ghaigulu obasasule ekyo ekibagwaniire.

Zabbuli 96:13

byonabyona nga biri mu maiso ga Musengwa Katonda ali kwidha. Aidha kusalira ensi omusango mu butuufu, ni mu mazima nga tasaliriza.

Zabbuli 98:9

kuba ali kwidha okusalira ensi omusango mu butuufu. Aidha kufuga abantu boonaboona, ng'akolera ku mazima.

Okuvaayo 13:2

“Mugheeyo abaana ababeri boonaboona babe bange, kuba kiisi ekinaazaalibwanga mu luzaalo olusooka mu Baisiraeli, k'abe omuntu oba ensolo, kinaabanga kyange.”

Okuvaayo 32:32

Aye ndi kukusaba obasonighe ekibi kyaibwe ekyo. Bw'oba nga toobasonighe, sasa eriina lyange mu kitabo kyo mw'oghandiika abantu bo.”

Okuvaayo 4:22

Era oidha kukoba kyabazinga oti, ‘Musengwa Katonda ati bw'akoba: Isiraeli n'omwana wange omuberi,

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Luka 10:20

Aye mutasangaala olw'okuba emizimu gibawulira, musangaale olw'okuba amaina gaimwe gaaghandiikibwa mu igulu.”

Yoanne 5:27

Era yaamugha obukumu obw'okusala emisango, kuba n'Omwana w'Omuntu.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

1 Ab'e Korintho 13:12

Mperaano tubonera mu mbonerwamu, twaloba kubona bukalamu. Aye ku lule tulibonagana maiso ku maiso. Mperaano ndidhiku kitundu butundu, aye ku lule ndimanhira irala mu bwidhuvu, era oti ni Katonda bw'andidhi.

1 Ab'e Korintho 15:49

Nga bwe twawumbibwa ni tufaanana Adamu eyakolebwa mu nkungu, era tutyo bwetuliwumbibwa ni tufaanana ni Adamu ole eyava mu igulu.

1 Ab'e Korintho 15:54

Ekiwaagho bwe kirifuuka ekitawaagho, n'ekifa ni kifuuka ekitafa, olwo ekyaghandiikibwa kirituukirira ekikoba kiti: “Okufa kumiriibwa, obughanguzi butuukiriire.

2 Ab'e Korintho 5:8

Tuli bagumu era kasinga tulekayo okuba mu mubiri guno aye twaba ni Musengwa.

Ab'Efeso 1:22

Katonda yata ebintu byonabyona mu bufuzi bwa Kurisito, yaamufuula omutwe ogw'ekikunsu eky'abamwikiriza mu byonabyona.

Amateeka Agokubiri 21:17

Aye aidha kuganhanga okutwala omwana ow'omukazi omunobe, nga n'omuberi. Olwo aghenga omwana oyo omugabo gwe ogw'emikuzi ebiri, ku bintu bye byonabyona by'ali nabyo. Kuba oyo n'omwana we eyasooka okuva mu maani ge. N'olw'ekyo oyo n'agwaniire ebintu ebiri n'okugheebwa omwana omuberi.”

Ab'e Filippi 4:3

Era weena mukozi munange omwesigwa nkweghemba oyambe abakazi abo, kuba baakola inho ninze mu kusansaania Amawulire Amalungi. Era nga batyo bwe baali ni Kelementi, era ni bakozi banange abandi, beene maina agali mu kitabo kya Katonda eky'obulamu.

Ab'e Kolosai 1:12

Mweyanzenga Lata eyatugwaniza okuba aghalala n'abatuukirivu mu butangaavu.

Ab'e Kolosai 1:24

Ndi musangaavu buti olw'okudaaga kwe ndaaga ku lwaimwe, era mu mubiri gwange nhambaku okumaliriza ebyo ebyasigalira mu kudaazibwadaazibwa kwa Kurisito ku lw'omubiri gwe. Omubiri gwe guno n'Ekikunsu eky'Abaikiriza mu Kurisito.

1 Timotheo 3:5

Kuba omuntu ataghanga kufuga maka ge, asobola atya okulabirira Ekikunsu eky'Abaikiriza mu Kurisito ekya Katonda?

Abaheburayi 11:4

Okwikiriza n'okwasobozesa Abeli okughaayo ye Katonda omusengo omukalamu ogusinga ogwa Kaini, era mwe yabita Katonda okumubala okuba omutuufu, kuba Katonda yasiima ebirabo bye. Era olw'okwikiriza kwe waire yafa, akaayogera.

Abaheburayi 11:40

Kuba Katonda yatutegekera ekisinga obukalamu, abo balobe kufuulibwa batuukiriire okutuusa nga twena tubeeyimbyeku.

Abaheburayi 2:12

ng'akoba ati: “Ndikumanhisa ye baganda bange; ndikusaaka nga beesoloiza okukusinza.”

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 14:4

N'abo abatukuvu abateeyonoona na bakazi, baasigala nga beegha. N'abo abanonereza Entaama Ento buli y'eja era abaanunulwa mu bantu, baaba ng'oti bibala ebisooka okukungulwa ebigheebwayo eri Katonda n'eri Entaama Ento.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 6:11

Agho kiisi mulala yaagheebwa ekivaalo ekyeru, era baabakoba okuteegaku akaseera katono, okutuusa omughendo gw'abagheereza banaibwe, era baganda baibwe ab'okwitibwa nga beene, lwe gulighera.

Okwolekebwa 6:9

Entaama Ento bwe yakakampula akamanhiso akokutaanu, naabona ghansi gh'alutaari emyoyo gy'abo abaitibwa olw'okwikiriza ekibono kya Katonda n'olw'okukidhulira.