Abaheburayi 12:22 - Baibuli Ekibono kya Katonda 2014

²² Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.

Abaheburayi 12:22 ပူးပေါင်းရင်းမြစ်များ

2 Bakyabazinga 19:4

Kyabazinga w'e Assiria yatuma omukungu we omukologho okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 42:2

Ng'omuntu ali n'endiwo bw'aba, zeena ntyo bwe nhenda einho okuba iwe Katonda wange gh'oli, Katonda iwe omulamu. Ndituukaku li mu maiso go ni nkubona?

Zabbuli 48:2

Sioni olusozi lwa Katonda luleeyiriri era luboneka bulungi; ekibuga kya kyabazinga omukologho kisanhusa ensi yoonayoona.

Zabbuli 68:17

Musengwa Katonda yaidha ku lusozi Sinai mu kifo ekitukuvu, ng'ali n'ebigaali bye eby'amaani eby'omu lutalo enkumi n'enkumi.

Zabbuli 84:2

Neegomba inho okuba mu isinzizo lya Musengwa Katonda! Zeenazeena ndidhwire eisanhu, nga nhembera Katonda omulamu.

Zabbuli 87:3

Iwe ekibuga kya Katonda, ebintu eby'ekitiibwa kamaala bikwogerwaku.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 14:32

Kale abakwenda b'eighanga ly'Abafilisiti abaliidha ye tuli tulibairamu tutya? Tulibairamu tuti, ‘Musengwa Katonda yataagho Sioni, era mu Sioni omwo abantu be abadaazibwadaazibwa mwe balirumukira.’ ”

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Isaia 51:11

Abo iwe Musengwa Katonda b'onunwire baliirayo e Yerusalemu nga bemba. Baliba mu masanhu na kusagamba enaku dhoonadhoona, ng'okunakughala n'okusinda biwoiregho.

Isaia 51:16

Nkutaire ebibono byange mu kanwa mwo, era ndidha kukukuumanga n'omukono gwange. Ninze eyabamba eigulu, ni ntaagho n'emisingi gy'ensi, era ni nkoba ab'omu Yerusalemu nti, ‘Niimwe abantu bange.’ ”

Isaia 59:20

Musengwa Katonda era akoba abantu be ati: “Ndija e Sioni okununula baidhukulu ba Yakobo abakyuka ni bava mu kwonoona kwaibwe.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Yeremia 10:10

Aye iwe Musengwa Katonda, niiwe Katonda mwenemwene, niiwe Katonda omulamu era kyabazinga ow'ebyanda n'ebyanda. Bw'osungughala ensi etengeeta, era amaghanga goonagoona tigasobola kugumira kiruyi kyo.

Yeremia 17:25

Olwo bakyabazinga baibwe n'abakungu, baidha kwingiranga mu miryango gya Yerusalemu nga bali n'obukumu obw'okufuga nga Daudi bwe yali nabwo. Nga bali ghalala n'abantu b'omu Buyudaaya n'ab'omu Yerusalemu, baidha kuvuganga ebigaali by'omu lutalo, bajiirenga ni ku mbalaasi, era ekibuga Yerusalemu kinaabanga kiidhuvu kya bantu.

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Yoeli 2:32

Aye kiisi alisaba Musengwa Katonda okumubeera alirokolebwa, kuba ku lusozi Sioni mu Yerusalemu eribaayo abaliwona, nga Musengwa Katonda mwene bwe yakoba. Abo Musengwa Katonda mwene baalirondamu n'abaliwonagho.”

Matayo 16:16

Simoni Petero yaamwiramu ati: “Niiwe Kurisito Omwana wa Katonda omulamu.”

Matayo 5:35

waire ensi, kuba ni kw'ata ebigere bye; waire Yerusalemu, kuba n'ekibuga kya Kyabazinga omukulu;

Ab'e Roma 11:26

Olwo ni Isiraeli yeenayeena alirokolebwa nga bwe kyaghandiikibwa kiti: “Omulokozi aliva mu Sioni, oyo n'alitoola baidhukulu ba Yakobo mu kwonoona kwaibwe.

Ab'e Roma 9:26

Mu kifo gheene ghe bayeterwa ‘Abatali bange’, agho gheene ghe balyeterwa abaana ba Katonda omulamu.”

Ab'e Galatia 4:26

Aye Yerusalemu eky'omu igulu kiziramu bwiru era ni inhaife.

Ab'Efeso 2:19

Agho ni timukaali bagwira oba basenze, aye muli ba nsi ndala n'abatuukirivu, era muli ba mu ndhu ya Katonda

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

Amateeka Agokubiri 5:26

Naani mu bantu boonaboona, eyaali awuliireku amamiro ga Katonda omulamu ng'ali kwogera mu muliro ghagati, nga ife bwe tuwuliire, aye omuntu oyo n'asigala ng'akaali mulamu?

Ab'e Filippi 3:20

Aye ife obutaka bwaife buli mu igulu, era tulindirira nga twesunga Omulokozi alivaayo, Musengwa Yesu Kurisito.

1 Ab'e Thessalonika 1:9

kuba abantu abo beene bwe baba batughayaku bakoba nga bwe mwatusangaalira einho bwe twali mu imwe. Era nga bwe mwakyuka okuva ku bisinzibwa ebitali Katonda ni mwira ku kugheereza Katonda mwene omulamu.

2 Timotheo 4:18

Era Musengwa oyo aidha kumponia kiisi kibi kyonakyona, antuuse bukalamu mu Bwakyabazinga bwe obw'omu igulu. Agheebwenga ekitiisa ebyanda n'ebyanda. Amiina.

Abaheburayi 10:31

Nga kitiisa okugwa mu mikono gya Katonda omulamu!

Abaheburayi 11:10

Kuba Aburahamu yali ali kwesumba ekibuga Katonda kye yategeka era kye yazimba, ekiri n'omusingi omugumu.

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

Abaheburayi 13:14

Kuba ku nsi kuno tuziraku kibuga kya lubeerera, aye tunuyirira ekyo ekiri kwidha.

Abaheburayi 3:12

Kale aboluganda, mwegendereze ghalobe kubaagho naire mulala ku imwe aba na mwoyo mubi era ogutaikiriza, n'ava ku Katonda omulamu.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

Yoshua 3:10

Bwe munaaja nga mweyongerayo emberi, mwidha kumanha nga Katonda oyo omulamu ali n'imwe, kuba aidha kuja ng'abingagho Abakanaani, Abahitti, Abahivi, Abaperizzi, Abagirigashi, Abamori n'Abayebusi.

Yuda 1:14

Abantu bano Enoka ow'omu luse olwomusanvu okuva ku Adamu, be yayogeraku ng'alanga ati: “Bona, Musengwa aliidha n'olukunkumuli olw'abatuukirivu,

Okwolekebwa 14:1

Ebyo bwe byawa naabona Entaama Ento ng'eyemereire ku lusozi Sioni, ng'eri n'abantu emitwalo ikumi n'ena n'enkumi ina (144,000) era ng'eriina lyayo n'erya Lata waayo gaghandiikiibwa mu byeni by'abantu abo.

Okwolekebwa 21:10

Agho mu Mwoyo malaika yantwala ku lusozi olukologho era oluleeyi, yandholeka Yerusalemu ekibuga ekitukuvu, nga kiika nga kiva mu igulu ewa Katonda.

Okwolekebwa 21:2

Naabona ekibuga ekitukuvu, Yerusalemu ekiyaaka, nga kiika kiva mu igulu ewa Katonda, nga kiri ng'oti n'omugole ye bavaaziiza, eyetegeike okutwalibwa ewa iba.

Okwolekebwa 22:19

Ate alikendeeza ku bibono eby'obulanzi ebiri mu kitabo kino, Katonda alimutoolaku omugabo gwe ogw'oku muti ogw'obulamu, n'ogw'omu kibuga ekitukuvu ebighandiikiibwaku mu kitabo kino.

Okwolekebwa 3:12

Oyo aghangula, ndimufuula empango mu isinzizo lya Katonda wange era talirivaamu. Ndimughandiikaku eriina lya Katonda wange, n'eriina ly'ekibuga kya Katonda wange Yerusalemu ekiyaaka ekiika nga kiva mu igulu ewa Katonda wange. Era ndimughandiikaku eriina lyange eiyaaka.

Okwolekebwa 7:2

Era naabona malaika owundi ng'ali kuniinaniina okuva e buvandhuba, ng'ali n'ekitaaku akamanhiso ka Katonda omulamu. Yaayeta n'amaani bamalaika abana abaali bagheereibwa obukumu okuzikiriza obukalu n'enhandha ku nsi.