Abaheburayi 12:20 - Baibuli Ekibono kya Katonda 2014

²⁰ Kuba tibaasobola kugumira kiragiro ekyabagheebwa, ekikoba kiti: “Ni bw'eba ensolo obusolo, bw'esiinha ku lusozi olwo eteekwa kukubibwa mabaale efe.”

Abaheburayi 12:20 ပူးပေါင်းရင်းမြစ်များ

Okuvaayo 19:16

Olunaku olwokusatu ku nkyo ghaabaagho okutyabuka n'okumyansa okw'olukuba, n'ekire ekigemu kyaidha ku lusozi, era ghaabaagho n'okuvuga okw'endeka okw'amaani einho. Abantu boonaboona, nga bali mu weema dhaibwe, baatya inho baadhugumira.

Ab'e Galatia 2:19

Kuba nze, mu Mateeka ntwalibwa nga ndi mufu, nga ndhitibwa Amateeka olwo mbe omulamu eri Katonda. Naitirwa ghalala ni Kurisito ku musalaba gwe,

Ab'e Galatia 3:10

Abo abeesigama ku kukola ng'Amateeka bwe galagira bakolimirwe, kuba ebyaghandiikibwa bikoba biti: “Omuntu yeenayeena ataatuusenga buliidho ebyo byonabyona ebyaghandiikibwa mu kitabo kino eky'Amateeka, akolimirwe!”

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.