Abaheburayi 12:2 - Baibuli Ekibono kya Katonda 2014

² ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Abaheburayi 12:2 ပူးပေါင်းရင်းမြစ်များ

Zabbuli 110:1

Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

Zabbuli 138:8

Wo Musengwa Katonda, iwe oidha kunkolera byonabyona bye wasuubiza; okugonza kwo tikukoma, kubaagho byanda na byanda. Otalekulira agho ekyo kye wakola n'engalo dho.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 45:22

Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Isaia 8:17

Ndidha kuteegerera Musengwa Katonda atubeere, waire nga mpegaano yeegisiisa ku bantu be. Oyo nze ye ndidha okusuubiriramu.

Mika 7:7

Aye nze, amaiso ndidha kugatanga ku Musengwa Katonda yenka. Katonda oyo ye ndidha okuteegereranga aidhe andokole. Katonda wange aidha kuwuliranga okusaba kwange.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Okubala 21:9

Kale Musa yaakola omusota mu kyuma eky'ekikomo, yaagughanika ku mpango. Era buli muntu omusota ye gwamoodhanga, memale n'alinga ku ogwo ogw'ekikomo, ng'awona.

Matayo 16:21

Okuva ku olwo Yesu yaatoolera okulaga Abeegeresebwa be ati ali n'okuja e Yerusalemu, n'okudaazibwadaazibwa einho abakulu ab'ebika, Bakabona Abakulu, n'Abanamateeka, era bamwite, ate azuukire ku lunaku olwokusatu.

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Mariko 14:36

Era yaakoba ati: “Abba, Lata, byonabyona obisobola. Ntoolaaku ekikopo kino aye ti nga nze bwe nhenda, aye nga iwe bw'oyenda.”

Mariko 15:28

Ekighandiiko ekitukuvu kyatuukirira ekikoba kiti: “Yabalirwa mu babi.”]

Mariko 16:19

Musengwa Yesu bwe yamala okwogera nabo, yaatwalibwa mu igulu, y'atyaime ku mukono omusaadha ogwa Katonda.

Mariko 9:12

Yaabairamu ati: “Kituufu Eliya asooka okwidha okutereeza byonabyona era nga bwe kyaghandiikibwa ku Mwana w'Omuntu, wa kudaazibwadaazibwa ebintu kamaala n'okutwalibwa ng'ekitagasa.

Mariko 9:24

Mangu ago lata w'omwana yaayogerera ghaigulu, nga n'okulira bw'alira, ati: “Isebo, ndhikiriza, aye nhamba mu butaikiriza bwange.”

Luka 17:5

Abatume baakoba Musengwa bati: “Twongereku okwikiriza.”

Luka 23:11

Era Herode n'abaisirukale be, baamukola ebikolwa eby'obudhoozi baamusekerera, agho baamuvaaza ekivaalo eky'ekitiisa memale yaamwiriza Pilato.

Luka 24:26

Tikyali nti bino byali biri n'okutuuka ku Kurisito memale atuuke mu kitiisa kye?”

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 12:24

Bwenebwene, ka mbakobere: emuuma y'engaano bw'etagwa mu itaka n'efa esigala bedengedenge, aye bw'efa ereeta ebibala kamaala.

Yoanne 12:32

Bwe ndighanikibwa okuva ku nsi abantu boonaboona ndibaseesa ye ndi.”

Yoanne 13:3

Yesu yali akiidhi nga Lata yata ebintu byonabyona mu buyinza bwe era yali akiidhi nga yava ye Katonda era ng'ali kuja ye Katonda.

Yoanne 6:40

Lata wange ky'ayenda ni kino: buli abona Omwana era n'amwikiriza afune obulamu obutawaagho era mmuzuukize ku lunaku olusembayo.”

Yoanne 8:56

Lata waimwe Aburahamu yeesumba okubona ebiseera by'okwidha kwange. Yabibona era yaasangaala.”

Ebikolwa by'Abatume 2:36

“Kale ni, endhu ya Isiraeli yoonayoona emanhe aghazira kubuusabuusa, nga Katonda yafuula, Yesu oyo ye mwakomerera ku musalaba, Musengwa era Kurisito.”

Ebikolwa by'Abatume 3:15

Mwaita mwene bulamu, oyo Katonda ye yazuukiza mu bafu, era ife tuli badhulizi b'ekyo.

Ebikolwa by'Abatume 5:31

Katonda yamuta ku luuyi olw'omukono gwe omusaadha yaamufuula omufuzi era omununuzi, okusobozesa Abaisiraeli okwenenia basoniyibwe ebibi byaibwe.

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

1 Ab'e Korintho 1:18

Abo abali kuzikirira tibabona makulu mu kibono kya kufa kwa Kurisito ku musalaba, aye ife abali kulokolebwa tukibona nga n'amaani ga Katonda.

1 Ab'e Korintho 1:23

Aye ife tubakobera ku Kurisito ye baakomerera, eyafuuka ekitimuguunha eri Abayudaaya, ate ekizira makulu eri abamaghanga agandi.

Ab'Efeso 2:16

Yaafiira ku musalaba aghange okumalagho enzigu, era atwize eri Katonda nga tuli muntu mulala.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Ab'e Filippi 1:6

Era nkakasa bukalamu ng'oyo eyatoolera omulimo guno omukalamu mu imwe aligutuusa ku kumalirizibwa ku lunaku lwa Yesu Kurisito.

Ab'e Filippi 3:20

Aye ife obutaka bwaife buli mu igulu, era tulindirira nga twesunga Omulokozi alivaayo, Musengwa Yesu Kurisito.

2 Timotheo 4:8

Era mperaano Katonda ambiikiire eyo obutuufu ng'ekirabo eky'obughanguzi, Musengwa era omulamuzi omutuufu ky'alimpa ku Lunaku lule. Taligha nze zenka aye aligha abo boonaboona abeesunga okwira kwe.

Abaheburayi 1:13

Aye naani ku bamalaika be, ye yaali akobyeku ati: “Tyama ghano ku luuyi lwange olw'omukono omusaadha, okutuusa lwe ndifuula abazigu bo ekintu kw'ota ebigere.”

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 10:14

Olw'okughaayo omusengo guno omulala, abo be yatukuza yabafuula abatuukiriire ebyanda n'ebyanda.

Abaheburayi 10:33

Emikuzi egindi mwavumibwanga era mwadaazibwadaazibwa mu maiso g'abantu, emikuzi egindi mwalumirwanga ghalala n'abo be bakolanga batyo.

Abaheburayi 11:36

Abandi baabakiina, baabakuba, baabasiba ku ndhegere era baabata mu ikomera.

Abaheburayi 12:3

Mwidhukire bwe yagumira okutakana n'obukyayi obw'aboonooni, olwo mulobenga kuwaamu maani;

Abaheburayi 13:13

Kale tuje y'ali ku luya kw'ekibuga tugabane ku kuswala kwe.

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

Abaheburayi 7:19

kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.

Abaheburayi 8:1

Ekisinga obukulu mu bye tuli kwogera ni kino nti, tuli n'Omukulu wa Bakabona ali ng'oti n'oyo, atyaime ku luuyi olw'omukono omusaadha olw'ekityamo kya Katonda mwene bukumu mu igulu

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

Yakobo 2:1

Aboluganda, nga bwe mwikiriza mu Musengwa waife Yesu Kurisito, oyo Musengwa ow'ekitiisa, mulekere kuboolanga bantu abatababonekera bukalamu.

1 Petero 1:11

Baagezaaku okunoonereza okumanha ekiseera okulokoka okwo kye kuliidhiramu, era n'ensambo ye kuliidhamu, nga bajiira ku Mwoyo wa Kurisito eyabalimu, baalanga okudaagadaaga okwali kuli n'okutuuka ku Kurisito, era n'ekitiisa ekyali kiri n'okukuvaamu.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.

Yuda 1:21

era mwekuumirenga mu kugonza kwa Katonda. Muteegerere Musengwa Yesu Kurisito, mu kusaasira kwe abaghe obulamu obutawaagho.

Okwolekebwa 1:11

Gaakoba gati: “By'obona bighandiike mu kitabo okigheereze Ebikunsu eby'Abaikiriza mu Kurisito bino: eky'Efeso, eky'e Simuruna, eky'e Perugamo, eky'e Thuyatira, eky'e Sarudi, eky'e Filadelufia, n'eky'e Laodikea.”

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Okwolekebwa 1:8

Musengwa Katonda Aghanga Ebintu Byonabyona akoba ati: “Ninze Alufa ni Omega entoolo era Enkomerero, aligho, eyaligho era aliidha.”

Okwolekebwa 2:8

“Ghandiikira malaika w'Ekikunsu eky'Abaikiriza mu Kurisito eky'e Simuruna oti: Oyo entoolo era enkomerero, eyafa aye nairamu okulama, akoba ati: