Abaheburayi 12:18 - Baibuli Ekibono kya Katonda 2014

¹⁸ Timwidhie ng'Abaisiraeli bwe baaja ku lusozi Sinai olusobola okugemwaku era olwaka omuliro. Era timwidhie ya nzikiiza egemye bedimudimu, oba ya kiwunga,

Abaheburayi 12:18 ပူးပေါင်းရင်းမြစ်များ

Okuvaayo 20:18

Abantu boonaboona bwe baawulira okutyabuka okw'olukuba n'okuvuga okw'endeka, ni babona n'okumyansa okw'olukuba, n'olusozi nga luli kunioka omwosi, baatya inho baadhugumira era baayemerera ere ghalaku.

Okuvaayo 24:17

Abaisiraeli baabona ekitiisa kya Musengwa Katonda nga kiri ng'oti muliro oguli kubbeibbera ku lusozi ghaigulu.

Ab'e Roma 6:14

Ekibi kitairangayo kubafuga, kuba Amateeka ti n'agabafuga, aye ekisa kya Katonda.

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

2 Ab'e Korintho 3:7

Amateeka amaghandiike gaabaadhibwa mu nukuta ku bipande eby'amabaale, era bwe gaali gagheebwa ghaaligho okumesunkana kunene. Amaiso ga Musa gaaliku okumesunkana okwo, era waire kwali nga kuli kukendeera, Abaisiraeli baali nga tibasobola kumwekalirisa mu maiso. Kale oba nga Amateeka agaleeta okufa gaagheebwa mu kumesunkana okwaga agho,

2 Ab'e Korintho 3:9

Oba nga okugha ekyo ekireetera abantu okusalirwa omusango okubasinga, kwaliku okumesunkana, memale okugha ekyo ekireetera abantu obutuukirivu tikulisingagho mu kumesunkana?

Amateeka Agokubiri 4:11

“Mukoberenga abaana baimwe nga bwe mwaseeta ni mwemerera ghansi gh'olusozi olwali lughembeibwa ebire ebigemu eby'omwosi omwirugavu, ni lwaka omuliro ni gweruupiika okutuuka ni ku igulu.

Amateeka Agokubiri 5:5

Mu biseera ebyo nze nayemerera ghagati waimwe ni Musengwa Katonda, okubakobera bye yali ali kubakoba. Kuba mwatya omuliro, mwaloba kuniina lusozi. Musengwa Katonda yaakoba ati:

2 Timotheo 1:7

kuba Mwoyo Katonda y'atugha ti wa kutya, aye n'oyo atwidhuza amaani, okugonzania, n'okwefuga.