Abaheburayi 11:37 - Baibuli Ekibono kya Katonda 2014

³⁷ Baabakuba amabaale baabasalamu ghabiri n'emisumeeni, baitibwa n'empiima. Baabitanga nga bavaire amawu g'entaama n'ag'embuzi, nga bazira kantu, nga badaagadaaga, baabisibwa bubi,

Abaheburayi 11:37 ပူးပေါင်းရင်းမြစ်များ

2 Samueli 12:31

Era yaatwala n'abantu abaali mu kibuga omwo, yaabakozesanga emirimo nga bakozesa emisumeeni, ensuuluulu, n'empasa, era yaabakozesanga okwokya amatoofaali. Era atyo bwe yakola abantu boonaboona abaali mu bibuga eby'Abammoni byonabyona. Agho Daudi n'abantu be boonaboona bairayo e Yerusalemu.

1 Bakyabazinga 18:13

Musengwa Katonda wange, tibaakukobera kye nakola, Yezebeli bweyali ng'ali kwita abalanzi ba Musengwa Katonda? Natwala abantu kikumi ku balanzi ba Musengwa Katonda abo, naabagisa mu mpuku mu bikunsu bya bantu makumi ataanu ataanu, era naabafuniranga emere n'amaadhi.

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

1 Bakyabazinga 19:1

Agho Kyabazinga Ahabu yaakobera mukazi we Yezebeli byonabyona Eliya bye yakola, era nga bwe yaita abalanzi ba Baali boonaboona.

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 19:13

Eliya bwe yawulira akamiro ako, yeeghemba mu maiso ekivaalo kye, yaafuluma mu mpuku, yaayemerera ku mulyango gwayo. Olwo yaawulira amamiro nga gamukoba gati: “Eliya oli kukola ki ghano?”

1 Bakyabazinga 19:14

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 19:19

Kale Eliya yaaja, yaayagaana Elisha mutabane wa Shafati ng'ali kulimisa ente yali n'emiyimbo gy'ente ikumi n'ebiri agho, nga mu kiseera ekyo yali ali kulimisa omuyimbo ogweikumi n'ebiri. Agho Eliya yaabita gh'ali, yaamusuulaku ekivaalo kye.

1 Bakyabazinga 21:10

Olwo muleete mu maiso ge abantu babiri abazira kye bagasa, bamulumirize bati, ‘Wavuma Katonda era waavuma ni kyabazinga.’ Memale olwo mumutoolegho, mumutwale mumukube amabaale afe.”

2 Bakyabazinga 1:8

Bairamu bati: “Abaire avaire ekivaalo ekyakolebwa mu buviiri, era nga yeesibye mu nkende olusibiro olw'oluwu.” Kyabazinga yaakoba ati: “Oyo ni Eliya Omutishubi.”

2 Bakyabazinga 2:13

Yaalonda ekivaalo ekyava ku Eliya ni kigwa, yairayo, yaayemerera ku mbali kw'omwiga Yorudani.

2 Bakyabazinga 2:8

Agho Eliya yaagema ekivaalo kye, yaakizingamu, yaakikozesa okukuba ku maadhi, amaadhi geegabamu ghabiri ku luuyi ni ku luuyi, bombi baasomoka nga babita ku itaka ikalu.

1 Ebyomubyanda 20:3

Era yaatwala n'abantu abaali mu kibuga omwo, yaabakozesanga emirimo nga bakozesa emisumeeni, ensuuluulu, n'empasa. Era atyo bwe yakola abantu boonaboona abaali mu bibuga eby'Abammoni byonabyona. Agho Daudi n'abantu be boonaboona bairayo e Yerusalemu.

2 Ebyomubyanda 24:21

Aye abantu baamukolera olukwe, baamukubira amabaale mu luya lw'eisinzizo, nga baajiira ku kiragiro kya kyabazinga.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 26:23

Era baamwiza, bamutwala ye kyabazinga Yehoiakimu, yaalagira baamwita era omulambo gwe baagusuula ghe baaziikanga abantu ababuliidho.

Zekaria 13:4

Mu kiseera ekyo, buli mulanzi okubonekerwa kwe kulimugemya ensoni, yaatya n'okukola obulanzi, waire okuvaala ekivaalo eky'obuviiri okulimbira okwo abantu.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Matayo 21:35

Aye abakozi baagema abagheereza be abo, omulala baamukuba, owundi baamwita, ate owundi baamukanhuugirira amabaale.

Matayo 3:4

Yoanne ono, yali n'ekivaalo kye nga kya buviiri bwa ngamiya n'olukoba olw'oluwu mu nkende era emere ye yali nga nzige na mudheenene gwa mu nsiko.

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Luka 13:34

“Yerusalemu, Yerusalemu iwe oita abalanzi n'abakwenda abakugheerezebwa n'obakuba amabaale! Ng'emikuzi kamaala neegomba okusoloza abaana bo aghalala ng'enkoko bw'ekola, aye nga toganha!

Ebikolwa by'Abatume 14:19

Agho ghaabaagho Abayudaaya abaava mu Antiokia ni mu Ikonio baasendasenda abantu baakuba Paulo amabaale, baamukulula, baamufulumya mu kibuga nga badhuuba bati afiire.

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

2 Ab'e Korintho 12:10

Ku lwa Kurisito ndi musangaavu okuba n'obunafu, okuvumibwa, okuba n'ebizibu, okukirigibwa n'okukaluubirizibwa. Kuba bwe mba omunafu, olwo bwe mba ow'amaani.

Abaheburayi 11:25

Yasiima okudaazibwadaazibwa ghalala n'abantu ba Katonda okusinga okuba mu isanhu ery'ekibi ery'akaseera obuseera.

Abaheburayi 13:3

Mwidhukirenga abasibe nga muli ng'oti mwena muli basibe ghalala nabo. Era mwidhukirenga abo abadaazibwadaazibwa, kuba era mwena mukaali mu mubiri.

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”